¹ Ne nyado padeibada ata Israel sebagai milika pusakada ne tanah Kanaan, pabagedadi ata Israel wali barra imam Eleazar monno Yosua anak Nun, monno ngarakuwa kapala keluarga wali ngara kuwa kabisuda. ² Nebatumbana undi tutuda milik pusakada hahinnana papanewe bana MYORI monno napa palage Musa, barrada ngarakuwa kabisu mangedada iwwa kadippu. ³ Orona,Muasa na ya babana duada kadippu milika pusaka nee bali Loko Yordan, tapi dana yakidi milik pusaka kabisu Lewi. ⁴ Orona, paburru wali waina Yusuf aduada kabisu, ne Manasye monno Efraim, monno ata Lewi da ya takkakidi torada ne negeri nyakidu ngarakuwa kota badoudi, monno ngarakuwa tana padou kadi wai pote monno rangada. ⁵ Hahinnabana patekina MYORI barra Musa, hinnaba parawida ata Israel monno ba bagi-bagi we ne negeri. Kaleb Nadeiba Tanahna ⁶ Am midi aburru ole dadina Yehuda barrana Yosua ne Gilgal.Napanewe Kaleb anana Jerune, ata Kenas barrana, "Mu pandebage lii patekkina MYORI barra Musa papawedena Allah, tubagu yauwa monno tubamu you ne Kadesh-Barnea. ⁷ Umuragu yauwa patta kabullu dougu bana patukaga Musa, hamba MYORI, wali Kadesh-Barnea, gai kapa yerrage negeri. Monno, yauwa angindiwe nepatekki hahinna takka pongnguna. ⁸ Nyaka, ngarakuwa ole dadigu apalolo dengaga waige ateda amadautage ne bangsa. Takka ne yauwa enganyage ategu apawessi kudeku MYORI, Allahgu. ⁹ Na aura Musa hittina, patekina, nyaka nebahinnawe, ne tanah padeke waimu waimu nya lyolyobawe milika pusakamu monno ngarakuwa anamu dukkie murri wali-murri wali, orona ne you budeku wali kalaki atawi MYORI Allahgu. ¹⁰ Nebahinna, paserrai MYORI akarawabago ne moripamu hahinnana pa janji ba-NA. Hinnaba patta kabullu lima douna hittina bana panewe MYORIO barrana Musa, tangerada ataIsrael bakakoge ne mareda benango. Monnpo umuragu nebahinna pando patta kabullu limma dou. ¹¹ Nebahinna, yauwa engapoge baku pawessi hahinna waina hittina bana patukaga Musa. Pawessigu hittia ulluna hinna kaie pawessigiu nebahinna nee monno lousu tama ¹² Nyaka ne bahina yaga yauwa ne pegunungan patekki bana MYORI hitti aulluna, monno mu renge douba hittina ulluna, bahida ata Enak baneedi kota kalada anouna benteng. Bana notokoge MYORI nakako ole lologa baku wolai hahinna bana papa newena MYORI." ¹³ Bage Yosua napama ringngia Kaleb anak Yefune, monno na yana Hebron batora pusakana. ¹⁴ Nyaka, Hebron milika lolobana Kaleb anak Yefune, ata Keras dukkie bahinna nee, orona enga deku patirrinai MYORI, Allah Israel, wali kalaki atege. ¹⁵ Ngara memana Hebron hitti ulluna Kiryat-Arba. Ne Arba ngara ata akalada pongnguna ne tillu ata Enak. Nakanawa negeri monno nangauwe patauna.