Rapabanawe bapa kedewe umah na Mori. ¹ Ndou akaduada tengarana paretahna tohko Darius, wulla akaennena, kawunga wulla, ammingge liina Mori ledena Nabi Hagai mbarana Zerubabel, anana Sealtiel, bupati Yehuda, mono mbarana Yosua, anana Yozadak, rato kalada, punina, ² Liina Mori akolakana tana atakarana watu: ' Hidda bangsa bapa newe, ndana dukikipo rapana bapa ndende baliwe ne umana MYORI. ³ Bangge amingge liina Mori bana lendengge Nabi Hagai, kalina punnina, ⁴ Nyakado rapana neyemi baengami, neumahmi papa wono andua? Taka ne umana Mori engangge bana manualawe? ⁵ Malahina liina Mori atakarana tana akolakana watu, "Matarangge ne kawodekami! ⁶ Misobara paluana taka sodikido pakeni mi. Ngaami taka ndau bekutaki, mienu wumi taka ndana lengaki ngge maroimi, mi tau kalambe taka engage kalikkamu. Ata a menaba kasewa anggainawe adeimba patauwai a lombolenga. ⁷ Hena Lii Mori ngara tenganawe, matarangge nekawodekami! ⁸ Penengge ne ladakana, ngindiwi wasu, mono kaipakede we umah Mori, nesauwa enga danangguwe bapa deika wunda denga dowe ngarana Mori, hinawe liina Mori. ⁹ Neyemi mimenengge nealuana, taka sodikido pakolemi mebakona ngindiwe umah, nesauwa kupamosawe. Apa nyahinawe? Liina Mori ngara tengana, "Mala neumahnggu baenga dongge bana manunggarawe, mala neyemi baengadongge pamatarangge umah doumi. ¹⁰ Nyawe nelangita kana pattuwe wee penni mono netana kanapattu we ina. ¹¹ Mono kukadengange meratana ne wano nadukingge lete-letena ka nyawi pare, anggur, wee lingi, lepata ngawu nawe netana, dukingge ata, ranga, lapata ngara kuwa parawi lima mu." ¹² Bangge Zerubabel anana Sealtiel, Mono Yosua anana Yozadak rato kalada mono ngara kuwa ata awaipona ne bangsa a dekungge ne papatukana Mori maromba Allah, nyawe ngarainawe hidda bangsa kama ndautani Mori. ¹³ Bangge kahinangge Hagai, patukana MORI, dekungge papa nauna Mori mbarada hidda bangsa, hinangge, "Ne Sauwa enga dongge baku karawawu hinawe liina Mori." ¹⁴ Mori napa kawodekana atena Zerubabel anana Sealtiel, bupati Yehuda mono manggesora atena Yosua anana Yozadak, rato kalada, mono ngara kuwa inawe ne bangsa. Bamai kapa wilinggene umahna Mori, ngara tenganawe, Allah da, ¹⁵ (2-1) Neloda aka duakabullu patahna wulla aka enema, ndou paparetapona Tokko Darius.