¹ Na kuku wewe nyabana a pande pata weiyara nggara kuada ranga a matomba ne mareda dana paraina Mori Maramba Allah. Hinnawe patekkina nembarrana na lakawa mawinne, 'Hinna we Patekkina Maramba Allah, ne yok'u ndu nga'akai nawa uwa wasu lango ka apa wasu kowa awalina nek'e kadau dana, ² Hinnawe patekkina na lakawa mawinne mbarana kuku wewe, " Neyemmi ngak'a amokudi hida uwa wasu a waina nee kadaudana, ³ Mono ndu ngngaakai nai uwa wasu a neina nek'e tillu kadawu. Hinna dommowew patekkina Maramba Allah ," ndu ngngaakai uwa-uwa awali wasu deta ne todo laitokawa nda todokawa ⁴ Takka hinna ngge na kukuwewe patekkina mbarra na lakawa mawinne, "Ne yemmmi nda'iki mate, ⁵ monno na pande ngge Ama Maromba Allah, Niaka newe yemmi mbi ngga'a kudi uwa wasu matamu ama wuke monno mutuddana Maromba Allah; a pandege a ndua monno nda ndua!' ⁶ Na etewe na lakawa mawinne tu'mbana wasu a mangngu uwana a ndua mbanna nga'a ndi' a minnaka mbanna mbapatu'undi monno namakette we ngga'i kanna raingge ia ata-ia ata kanna maneilo monno nya na ndekewa nawa uwa wasu napa kitani mbarrana mbanna ngga'ani. Ne nya na ya kaini uwa wasu na'i la'ina papa lodo ndeng'nganna, monno na la'ina na nga'i kaiani nawa uwa wasu. ⁷ Nama wukke wi mata'nda ata a ndua'nda monno a pandege mba nda tau kalambe. Ne hidda a ndeke pira'mbolla ro'o wasu ara apapa'nduawi' monno napa kalambe'ndi. ⁸ Lengngapa renge nawe li'ina Maromba Allah a kako ne'e kadawu ndana, ne apa ia lod'ndona ama wanggela, ata pi'a pangngu mawinnena ne'e'ndi apa kambunni wekina wali mbarrana Maromba Allah ne'e 'ndongana wasu kadawu ndana. ⁹ Takka, hinna ngge Maromba Allah na kaaula'ndi ata pi'a monno hinnawe patekkinna, "Ngge nyaminggi yemmi?" ¹⁰ Nawalewe na ata pi'a' "Ne youwa ku rengnge wu Yo'u mbu kakone ne kadawu ndana, monno kuma'ndautanggu orona mbandakku tau kalambe, nyawe kaku kambunniyangga. " ¹¹ Patekkinna Maromba Allah mbarra'nda haida ata pi'a, "Nggarra kunni atekki'nggo mbaramu tumbana mba nda'i kalambemu? Peitakkanawe mu nga'a takka wi nati uwa wasu papatukanggu ndu nga'akai palunggu'ndanggu? " ¹² Hinnangge na ata pi'a, "Na lakawa mawinne payamongga rai ole'ngga nyawi a ya kaingga na uwa wasu, nya kaku ngga'a kaini." ¹³ Nyaka, hinna patekkinna Maromba Allah mbarrana na lakawa mawinne, "appa we parawimu?" Na wale we, "Kukuwewe nya ra'ingga akkala, nya kaku ngga'ani na uwa wasu". ¹⁴ Nyaka, hinnawe li'ina Maromba Allah mbarrana kukuwewe, "Orona yo'u a'raingge ne a hinnana, ku aura'nggu ne tillu 'ndonganga'nda ranga, loukana tillu 'ndonga'nda ranga amatomba. Mu waingge ti'amu 'mbupalawewu, monno yo'u mu ngga'a pa'u tana wali murri-wali murri. ¹⁵ monno Yowwa ku ta'i'ngge ngob'mba papa tu'mbammu yo'u monno tubada lakawa mawinne, monno tillu 'ndonga 'nda umbu ai'mbamu a tukkunna katowana monno yo'u lannge tukku nawe eru wa'ina." ¹⁶ Mbarrana lakawa mawinne hinna'ngge Allah, "Ne yo'u ku taba-taba nggowe paka rodduka'ndeng'ngamu mbana nduki we mbupa ti'awu monno ne karo'ndu'ka mbu pa'ana'ndi anamu. Yo'u mu mbeini la'imu, monno nya apa mando'nggowe toumu. " ¹⁷ Hinnangge Allah mbarrana ata pi'a "oro mu yo'u" 'mbu 'ndekunni patekinna ole ummamu, monno mbu ngga'a'ndi uwa wasu patekkinggu "ndu ngga'a kandi", ku aura'nggo ne tana oromu yo'u! Mu eta powa dewamu mbu ellewu panga'a a wali mbarrana murri wali-murri wali. ¹⁸ Kanetteka apatarana monno ruta ama weddeta ne tanamu, monno yo'u mu ngga'andi ngarra kua'nda a timbu ne'e mareda'ndana. ¹⁹ Ne ka'mburretta ndou'mu enga'ndongge, mbu elleta pa ngga'amu, na ndukkiwe mbu wali ne tana ndana orona nyado pawali wa'imu. pa hinna ndengngawe yo'u pa'u tanawu monno enga wali mbalimu ne'e pa'u tana ndana. ²⁰ Nawa ata pi'a napa ngaranni mawinne na "Hawa" ngga'i kanyako inna 'nda ngara kuwa ata a toleka mba. ²¹ Mbali nawe, na Maromba Allah na rawi ndommona kalambe awalina kalita ranga monno nappa tau'ndan'ndi. ²² Hinnawe patekkinna Maromba Allah, "Paserranna, nawa ata pi'a ku patud'ndani ia a wali mbarradda newe nya na pandengge a 'ndua monno nda'ndua. Ne mbahinnawe eta kiwalangge kandanna nde'ndekawa uwa wasu a wali uwa wasu patoleka ndengnga monno mbana ngga'a kunni nenya nakolena toleka murri wali-murri wali." ²³ Nyaka, na Maromba Allah na wola wa na ata pi'a louso wali ne'e Taman Ede ngga'i kanna pawillingge tana a wali pawali wa'ina. ²⁴ Na mbawe Maromba Allah na wolawa ata pi'a a wali kadawu ndana nyakanna ta'ina papalewana a terrena numbu mangngu api a wega-wegara ka'ndiwa na lara a arro ne'e wasu toleka.