¹ Bage, Ishak nakadenggawi Yakub, napamarinngiwi, mono napanungngawi, " Ndudede kana lakawa mawinne walina ana-ana mawinne Kanaan. ² Pandindaka wekkina mono kakowu ne'e Padan-Aram, ne'e ummana Betuel, amana innamu. Ellewu lakawa mawinne ne'e, awalina ana-ana mawinnena Laban, na'a na innamu. ³ Nenyawe Maramba Allah dukka boto dukka mbi'sa kanna pama ringngiguwe para'imu, ku raigu uwara mbakbara mono mbupa ngaina bangsa a kaladana. ⁴ Nyakaiye kanna pamaringngiwu a hinna kaina payadai Abraham, barramu monno umbu a'ibamu, ga'i ku douge ne wanno payana Maramba Allah ne barra Abraham, mono ne tana pado'u madakawak'imi pa gaina ata eka. " ⁵ Mbage, na Ishak napa polokowi mbanna kako Yakub, monno kako mbanna Yakub ne'e Padan-Aram mbarrana Laban, anana Betuel ata Aram, na'ana Ribka, ina nda Yakub monno Esau. ⁶ Esau na pandege na Ishak mbanna pamaringngi mbawi Yakub monno a patukai kanna kako ne'e Padan-Aram ngga'i kanna kolena ole ummana wali ne'e. Monno napande ndommongge Ishak mbanna pamaringngi mbawi Yakub, monno napanungawi, "Ndu 'nde'nde kanna mawinne wali mbarra ana-ana mawinne Kanaan." ⁷ Esau na pande ngge Yakub mbanna padeku mbarra ama monno inana, monno na kako Padan-Aram. ⁸ Nyabahinnawe, na pandengge Esau mba na amana mba ndanna mbeikinna mawinne Kanaan. ⁹ Nyaka, kako mbanna Esau mbarra Ismael monno na 'nde'nde Mahalat naparawi mawinneni eka ndommo podda mawinne-mawinne a wa'i mbana. Mahalat ananai Ismael anana Abraham, monno allika mawinnenai Nebayot. Kandabanippina yakub Ne'e betel ¹⁰ Na Yakub na 'ndun'ndakai Bersyeba monno na kako netti Haran. ¹¹ Mbage, ndukki mbanna Yakub ne iya pandou monno na tad'do wa'ina orona na tama mbanna mata loddo. Yakub na 'nde'ndewa iya katib'mbikka togo na rawi lunawi, mbage ndura mbanna. ¹² Nembanena dura, kandambanippi mbanna Yakub. Ne kandambanippi ndanana, na etawa iya nauta papandende nda ponnu tana lawina a ndukki langita ndeta, monno papalewana Maromba Allah mburru penne ndekuni na nauta. ¹³ Mbage, Yakub na etawa Mori mbanna ndende ponnu nauta monno hinnangge, "Youwa ndonna Mori, Allah Abraham, umbu ai'mbamu, monno Allah Ishak; ne tana pandou mbeika wa'imu Ku yago mbarramu monno umbu ai'mbamu ¹⁴ Nepawalimu napagaina pa'u tana ne ponu tana, monno ne yemmi mi elangge tuba barat, timur, utara, monno selatan. Monno oromu, ngara kuwa ata ne ponu tana a pamaringngiwi. ¹⁵ Rengngewe, Youwa ku pamaringiwu monno ku pamanu maragu lakka je nyage pakakomu. Ku ngindi mbaliwu ne tana ne. Ndakku ngga'i kinggu, ndukki mbanna togola pandandimu barramu." ¹⁶ Murrinage, wolla bana Yakub, Monno hinnage , " tetetakwe na Mori wak'i ne, takka ne yowa dakku pokdakige!" ¹⁷ Ne tillu ma da'utana, Yakub hinnage, " Ne pado'u na duwa langgu takka. Ne nyado Umma do'una Maramba Allah. Nenyadowe binna Sorga a kaladana!" ¹⁸ Nyaka, Yakub na wolla ne kappu gekde gagaro, ba kanna dekewa na togo pa kappe waina kato'iwana mono napa dogotadi napaga'i tugudi, lappata na burrige we'e lengi ne ponnu togo. ¹⁹ Nyaka Yakub kanna pangarage ne pado'u Betel, langngokopo ne pado'u ngarana Lus. ²⁰ Murrinage, Yakub na a'ura, hinnage, " Na Maramba Allah mbana marenggnga koga mono mbanna pamawowaga ne tillu lara, mono bana nyakoga nga'a tupa pa nga'a mono pata'u papa wenna, ²¹ Nyaka kaku ndunni 'mbali ne ummana amagu, nyakana Mori Allah ma'i. ²² Mono na togo watu papa ndendegu nyadona apagai Umma Maramba Allah. Mono lappata garra kuwa payamoga barragu, ku nyabaligudi nea aiya pa'pad'ndo paka bullundi ne barra-Mu."