¹ Nyaka na Abraham na nika pia domo ngarana Ole umana a bo'u Ketura we ngarana. ² Na Ketura napa dadiwi Zimran, Yoksan, Medan, Midian, Isybak monno Suah hidda dona ana na Abraham awalina Ketura. Yoksan na nyadona ama na Syeba monno dedan. ³ Na dedan nya dona ama kawedana na ata Asyur, ata Lestush, mono ata Leum. ⁴ Nyaka ana-ana na Midian Efa, Efer, Hanokh, Abida, mono Eldaa. Hida nya duwi ngara da ana kabani na Ketura. ⁵ Toma dana matepo na Abraham ngara kuakoda douna na yanadi Ishak. ⁶ Nyawe hida ana-ana na Abraham papa dadi na mawine na papa wede na ne uma, na ya kaidi douna ne bana tolekapo nya ka hina ndi kako wumi ndaidangi kana bara Ishak sangga wumi lodo koka Timora. ⁷ Na Abraham bana songiwe ne toleka ama doi ngau pitu ka bulu ndou na. ⁸ Na Abraham na bata lolo ngauna bana mate mono tolekana na tutuwe kawedana, louka nama lennawe atena bana etawe ne ponu tana diawe kanapa kuadi ngara nduka da ama kaweda da mono ina kaweda da. ⁹ Nyaka hida ana-ana na Ishak mbada Ismael ka tane wa'indi nee kareka watu ndana angarana Makhpela a ne'iwa'ina ne oma na Efron ana na Zohar ata Het, ambarana Mamre. ¹⁰ Ne tana pa wo'ina nara da ata Het, ne nyawe patane awaindi Abraham mono na Sara ole umana. ¹¹ Lenga napa mate Abraham, Maromba Allah napamaringiwa Ishak, ana kabani na, mono na Ishak engani andangi wa'i wee lahai-Roi. ¹² Hida dalar dadina Ismael, ana kabani na Abraham awali na Hagar ma winne Mesir, ata ngindina Sara. ¹³ Hidda lara dadida ana-ana kabanina Ismael nddeku ngge ne mba mandi,ida, Nebayot ana mbodina Ismael, Kedar, Adbeel, Midsam. ¹⁴ Misma, Duma, Masa. ¹⁵ Hadad, Tema, Yetur, Nafish, mono kedma. ¹⁶ Nya wi ana kabanina Ismael ndeku ngge ngara wanno nda monomandi'i da iya kabisu-iya kabisuaka bullu nduada. ¹⁷ Na Ismael na toleka mando'i ngau touda kabulu pittundouna wudi na mbatawe ngauna mbana mate ni mbara inna kaweda mono ama kawweda na. ¹⁸ Ne dadi da adangi wa'i wali tana Hawila dukki Syur, mbara Mesira a sangga Asyur, ba nee di nee apa muka wekki douna apa anguanguana ¹⁹ Hida dalara dadi na Isak, ana Abraham, Abraham ama na Isak. ²⁰ Isak pata kabulu douna, Ishak wudi na ndeke wa Ribka, ana mawinne na Betuel, ata Aram awali pandou Aram wotto na Laban, ata Aram nya ole umma na Ishak. ²¹ Ishak nasabaya mbara na Maromba Allah tutuna ole umma na mba dai'ni potena, kana dimbana wellina sabaya na Isak, nyawe ole umma na kapati'a. ²² Lengnga na pati'a hida douada lakawa neti'a ndona aporata mbapa tenda kanangu sabaya na ndengiwa Maromba Allah, apa kowe ama rawi mbara gu. ²³ Nya, kana pa newe Mori mabrana, "Aduada bangsa ne tiadanamu. Mono nduada bangsa papa dadimu mba langge apewawi. Bangsa paka'a na napa wesipo mono na Bangsa ambo'u". ²⁴ Lengnga bana duki rapa na mbana pa'ana, kana padadi aduada lakawa raku. ²⁵ Na lakawa adadi ullu wekkina narara ngge mono na marabi na nyadona angaran a Esau. ²⁶ Kana dadi ndomo ana kaduadana, na toro na eru wa'ina Esau, na nyadona angarana Yakub. Isak enne kabulu dauna Ribka mba na pa anadi Esau mabda Yakub. ²⁷ Hidda anduada lakawa lenga napa matto, na Esau ata pande kalolawa mono ata beinai dangngi Mareda dana, takka Yakub ata ambeingge dangngi uma. ²⁸ Ishak, na mbei ponguna kana'a pakalola, monop na Isak namanawarai Esau, Na Ribka na manawarai Yakub. ²⁹ Ne apa iya lodona, na Yakub kana pati'i ngge ne kambe, kaamini Esau naka reba langu taka. ³⁰ Kana panewe Esau barana Yakub, ya kaida wadeka ne kambe raramu ku kareba langngu taka , "Orro ahinana ata ka pangarawi" Edom." ³¹ Taka hina ngge patekina Yakub, batta bellingge ne paka'a mu bara nggu. ³² Patekkina Esau, ete, kutipa mate oro kareba, appa dalina ne paka'anggu? ³³ Ka hida domo patekkina, aura beliwu bara nggu, "Kana aura Esau bara Yakub mono na batta ngge ne paka'ana bara Yakub. Lengnga napa hidnawe wudi kana yani panga'a, "Kana aura Esau bara na Yakub mono na batta ngge ne paaka'ana barana Yakub. ³⁴ Lengnga napa hinawe kayani panga'a mono kambe na Esau. Na Esau kana nga'a kana enu wuni na kako napa radaka paka'ana apa kowe hina ngge.