¹ Ngngau nduakabullu pittu douna moripa na Sarah. ² Mbaka na mate wa'i ne'e Kiryat-Arba, ne'e Hebron tana Kanaan. Ammiwi na Abraham mbana ngngi'o langngutakkawi Sarah mawinne na. ³ Mbaka na kedde na Abraham wali aromatana mawinne na a mate mba kana kako panewe ndengnga'ndi hidda ana na Het. Kahinna ngge Abraham barra'nda, ⁴ "Yowa ata iya pa'ndou nwaga ata eka'ngga a dangngi wa'i ne tillu wanno'mi, yaga pa'dou ga'i kaku pande patane'wi na mawinne nggu. ⁵ Nka' walewe hidda ana na Het mbarrana Abraham, ⁶ Rengnge wama yamme o... mori. Yo'u ata pa'amawu ne tillu wanno ma. Tanewi na mawinnemu ne'e pa'ndou rate a louka ndua ne tillu ndongama, monno nda'ibana iya ata ndadeibawe mbu' tanewi na mawinnemu ne'e pa'dou ratema ⁷ Mba'ka na kedde na Abraham mbana kawodo barra'nda hidda ata. ⁸ Hinna ngge" mba' wali kalaki ate takka ko'me mbi' tuluga mba'ku tanewi na mawinne nggu, rengnge gawe ne patekki nggu. Panewe ndenggawi na'i Efron ana Zohar oro nggu. ⁹ Ga'i kana batta ngge ne'e kareka watu Makhpela ndou'na, a neina ne'e uppu oma na barra nggu. Ndengngi nawe mbarrana ga'i kana batta ngge ne kareka watu mbarra nggu, kaku rai' ngge pa'dou rate ne tillu ndo'ngami". ¹⁰ Na Efron ne'i a'madi'i ne tillu'nda ana na Het, kahinna ngge mbana wale'wa Abraham. ¹¹ "Inda'ki mori nggu, rengngewe ne patekki nggu. Ku' yagowe ne oma monno kareka watu a nei'na ne'e oma ndana. Nku' yagowe ne tana ne aromata nda' ndundadi nggu mbarramu, kako tanewi na mawinnemu". ¹² Nka'na kawodo na Abraham ne aromata'nda ata mangeda. ¹³ Kahinna ngge mbarrana Efron ne aromata'nda ata mange'nda. Rengngewe patekki nggu, mbu' kambu ate koge ga'i kaku bayara ngge mba' pirra'ko welli na tanamu, ndeibawi welli na tanamu kaku pande patanewi mawinne nggu ne'e. ¹⁴ Na' walewe na Efron, Abraham, ¹⁵ "Mori nggu rengngewe ne patekki nggu ne tana a wellina patta ngau syikal omma kaka, appo'ko ndali'nda mbarra nggu monno mbarramu? Nya' kako tanewi na mawinnemu". ¹⁶ Na' Abraham na rengngewe patekkina Efron. Kana kako kilowi omma kaka a gaina patekki na Efron ne aromata'nda ana-ana na Het, a ngai'na mboto 'nda omma kaka pawai'nda ata mabatta. ¹⁷ Ne' oma ndou'na Efron ne'e Makhpela mbarrana Mamre, ne oma lappata kareka watu monno ngarra kuwa wasu a' wa'ina ne'e oma ndana, a' neina ngarra watte na bayara kuwa ngge ¹⁸ Na' Abraham a' etamatawe ana -ana na Het a ammina ne mbinna wanno 'nda. ¹⁹ Mba'pa hinna we na Abraham na tanewi Sarah, mawinne na, ne kareka watu nda'na Makhpela a' aro ne'e Mamre, ne Hebron ne'e tana Kanaan. ²⁰ Nya'ka ne oma monno kareka watu a wa'ina ne'e oma'ndana na wo'ibawi Abraham monno na mawatabawe wellina wali barra'nda ana-ana na Het. Kana rai'ngge pa'dou tane wai'di ata mate ndu'ndadi na Abraham.