Maneilo Manganne monno Kuasa. ¹ Garra appa sama dengaiwi na ata ama neilo amanganne? Monno, nggarra apandengge atafsira ngarakuana? Maneilo mangannena ata nya appa wegara matana, nyawe ne kattona matadena na mawungngawe. ² Yowwa kupanewe, "Pa akage ne patekkina na raja orna ne paenda da barana Maromba Allah. ³ Darrapa ngettana bu kedde keremu ne arona a raja. Du dangginkana bu pattuwekkina ne parawi adirraka orona na raja ba na rawige ngarakua appawe ne pakambu atena." ⁴ Gai kapandengge, Newe patekkina raja mangu kuasana bana kako, monno garrai ata apanewe barrana, "Appawe ne parawimu? ⁵ Garrukugu a dekuge ne Lii pareta danna pandekige ne a dirraka, ne atena ata amaneilo monno manganne na pandei na loddo monno pana ba kadenggai. ⁶ wai rapana monno tutuna ngarakuana ponnutana laka na luakoge ne pa rugi dengana na ata pia. ⁷ danna pandekige wukku appawe ne adadi orona ba garraku atekkigo barramu wukku ne adadi. ⁸ Daiki ia ata amangu kuasana a pattuwe ne lolo ngau. Daiki ia ata mangu kuasana da liwe ne mate. Daiki ngau ne patau dana. Hinna kiwe ne mapodeta dana bisaki bana patoleka na araige. ⁹ Tengara neega yowwa a bondala ate dananggu ngara kua papawilli ne kabu mata loddo, ku mattara ngara kuandi, waa ngge aka ia loddona na ata ba ata papa botowa mangu ata papawedena napa worraka douwe ne touna.. ¹⁰ Bage ku eta ommowa ata pasikka pa taneda monno apa tamai ne bait dana, bage hidda alouso wali nee padou a kudusa. Monno hidda a bullandi nee padoupapa rai wai dandi. Nappa sia-sia kuawe. Keadilan, Papaaka monno Hukuman ¹¹ Orona hukuman ne parawi a dirraka dappa ngettakina ba tauna tangana, ate da ngara kuana anana ata pia na bonnu ngge parawi a beina raina dirraka. ¹² Lakka na ata bana raikona a dirraka ratusan kali monno engawi atoleka, tetapi yowwa ku pandengge ba naduwawe barrada ata ama dautawi na Maromba Allah orona hidda akadambe barana Mori. ¹³ Hinnamo, ba danna duake barrana ata fasikka, ne lodo-lodona bana toleka na pagaige ninno, orona badanna madautaki na Maromba Allah. ¹⁴ Waiingge asia-sia adadi ne ponnu tana. Wai wi ata anduwa a dimbawene parawi nda duwa. hinna kaiwe waiwi ata adirraka adimbawe ne parai a dua. ku tekkiwe ne ahinna na na sia-siawi. ¹⁵ Jadi ku ege detawe ne kesenanangan orona daiki andua barana atapia ne kabu mataloddo, nyakido ne ngaa, enu, monno maita nyakido akodo irruwi ne selama tolekana payana maromba Allah ne kabu mata loddo. Hitto data pandekingge ngarakua papawillina Maromba Allah. ¹⁶ Kuyawe ate nggu kana pandengge ne maneilo manganne monno kanna etawi hidda ngarakua wukku pawolo parawina ne ponnu tana. Lappata waiindi matana nda dura wali bana loddongge na dukkiwe bana Geddengge, ¹⁷ bage kuetawi ngarakua papa willina Maromba Allah, yaitu na Ata pia danna pawessiki bana pawillindi paraina maromba Allah ne kabu mata loddo. Appa kulungguge, mangeda ata a ellewe tapi nda tabbokakiwe. Ba waaku ata apande apanewe ba nya a pandege, nya dana tabbokakiwe.