Dama dautakana ba aroge ne loddo aro ¹ Lettoge ne pangaamu ne ponnu wee, na doli-doliwe mu kolle balige. ² Yadi apa tuba ne barrrada ata pittu, atau pondo ata, orona ndu pandekige wukku apa dadi ne ponnu tana. ³ Ne kasoba bana bonnukoge wee urra, na urra na burru ne ponnu tana. Monno na wasu banna bukkana nee selatan atau nee utara, ge aronyana bana bukkana nee nyabawe padouma. ⁴ Nggaraku ata anokkowi na paringngi daiki patodakana monno garraku ata aengana anamata kasoba ndaiki pakenina. ⁵ Orona ndupandikiwi ge aronyana na paringi monno ruwwi aneena tia dana mawinne patiia. Hinna kaiwe, you ndupandekige ngarakua papawillina maromba Allah. ⁶ Todakawe ne winnimu kapu gedde kii, monno ndupa ngauka na limmamu ne raimale. Orona ndupande kige gege adadi i apaka newera atau neti, atau adadi i ngarakua. ⁷ Ne mangewala na magolloge, monno na mata lodo namainnaka ba patuuwi. ⁸ Hinnako, na ata bana maloukowe lolongauna, gai lage kaengaku bana maita monno bana senanga. Tapi engakoge bana lolowe alluna ne karodduka mai. Ngarakua a ammina na likuwawe paringidana. ⁹ Senangau monno ma'itau he buamane buaminne baengakupunggu abo'u. Kaengakoge ne atemu bana senanga ne bu bo'u, monno kakou lah kadekuge pabei atemu monno pabei matamu. Monno kupandenggelah ne ngarakua paraimu na Maromba Allah nangindiwu ne pengadilan. ¹⁰ Dundakage ne karodduka atemu, monno lettoge ne karoddukawekkimu orona ne tou abo'u monno loddo kapugedde na sia-siawi.