¹ Daud napanewe barra MYORI bana waina dodo pada waktu bana pasella MYORI wali wunggu dana da ngarakuwa gobbana monno wunggu danana Saul. ² Patekkina, "MYORI nya kabundukana watu kattogu, benteng pertahan anku, monno hapaslamata ga. ³ Allahgu, nya kabunduka watu kattogu, todagu, kadu hapaslamata ga, kota gollugu, padou kedu wa'igu, monno Juru slamatgu, hapaslamataga wali kekerasan. ⁴ Yauwa kuka aula baku pujia MYORI, yauwa naluputaga wali limma dana gobba. ⁵ Nehahinna takkana ka buara-kabuara pamate denga awoletaga, monno wangu-wangu jaha nam hapadippaga. ⁶ Kalerre-kalerre dunia pamate denga akodelaga, monno irra-irra pamate denga haandaga. ⁷ Neba suddega, kuka aulai MYORI, barra Allahgu, yauwa kuka aula. Nya narengngega liigu wali ummana-MYORI. kawikagu baku dengi patulu na rengngeaga-MYORI. ⁸ Bage netanah NATO's sola monno naka woddeka, kerdii-kerdiina langita naka woddeka monno na goddoka, orona bana kedde langngo banina MYORI. ⁹ Napenne mau wali korru danana, api wali nga da danana bana louso madallie, malao nawegara louso wali barra-Na. ¹⁰ Nya napa kawodoge langita, bage naburruwe kapotta ne kabu wa'i-Na. ¹¹ Nya napenne ponnu kerup, monno napa eta ne ponnu kapa paringngi. ¹² Nya narawige kapotta ne ba woletai badadi pondok-Nya-- wee urra apottana, monno kawuta-kawuta hama kebbela ¹³ Wali bana kilata ne aro-Na, nangu wegaraba api. ¹⁴ MYORI nakangaura wali langita deta. Aneena majeta napa rengngege lii-Na. ¹⁵ Napa sella ana panah-Na asaikarai ata, kilat-kilat, monno nakubbaradi hida ata. ¹⁶ Napa etabawe kerdii- kerdiina bonnu, nangu oudabai alas-alas bumi, orona bana kasaka MYORI, orona bana wurrutage ngau kurru-Na ¹⁷ Nya nakolege padou amajeta, nadekeaga monno natengngiaga wangu kalada dana. ¹⁸ Nya napa sellaga wali limma danada gobbagu apawessi, wali ngarakuwa abenciaga, orona hida apa wessi kyapo wali ne yauwa. ¹⁹ Hida ata aro barragu na loddo sialgu, takka MYORI nya andegu. ²⁰ Nangindiaga nee padou gelara, Nyadona hapaluputaga yauwa orona baku mawenna ne barrana. ²¹ MYORI narawiga tou detagu sesuai habenara ne barragu, sesuai singirada limmagu, Nya nabalasaga di. ²² Orona, yauwa baku mane na larana MYORI, monno daku marroki Allagu. ²³ Orona, ngarakuwa Hukumna wa'idi arogu, keputusan-Na damarroki wali barragu. ²⁴ Yauwa daku rawikige ne dakailan, monno kujaga ne tougu wali salah dana. ²⁵ Orona bahinna, nabalasaga nehinna takkana barragu, hahinnana baku singira ne arona bana eta-Ga. ²⁶ Arona ata setia Yo'u setia, Arona ata dabercela, yo'u lummu kaina buda bercela. ²⁷ Aroda ata singira, yo'u mu singira kaina, aroda ata elena, yo'u belat- belit. ²⁸ Monno, Yo'u mupaslamata ne bangsa pakawurada, takka mata-Mu gobbadi ngarakuwa ata hapayerrana bapa dikka wekkina, tubana, Yo'u bupa radaka wekkina. ²⁹ Orona, Yo'u dona rewogu, o MORI, Yo'u dona MORI hapama ngewalaga ne kapottagu. ³⁰ Orona, bupaka ia dengaga Yo'u, kubrani baku arodi gerombolan, kupaka ia dengai Allahgu, kubrani baku talokage tembok. ³¹ Larana Allah na bonnuna, Janjina MYORI na teruji.MYORI nyadona toda da ngarakuwa amawo ne barra-Na. ³² Orona, garrai Allah selain MYORI? Garrai gunung batu selain Allahda itto? ³³ Allah nyadona gollugu hapawessi, Nya narawi laragu a lindaka. ³⁴ Nya narawigadi wait gu hahinna wa'ina wa'i sussa. Napa dedeaga MYORI ne lete detana. ³⁵ Nya napa nungngaga di limmagu bapa gobbana, napa kalegodi panah tembaga ne limma detagu. ³⁶ Yo'u muyaga toga pa luputa dengagu Mori, monno duwa-Mu ne bupakaladaga yauwa. ³⁷ Yo'u mu yaga padou gelara tubana baku paga, nyaka dagoddokaki kanikki wa'igu. ³⁸ Kuwolai gobbagu tubana baku pamoddai, monno daku ngauki dukkie baku pamuwai hida ata. ³⁹ Yauwa kupamoddai monno ku urrakai hida ata, dukkie bada kedde, Abukkana kabu wa'igu. ⁴⁰ Yo'u mukettega kombugu monno kawossuka wekki tubana bapatauna. Yo'u mupakawuddurai ata gobbagu dibawah kuasagu. ⁴¹ Yo'u rawida gobbagu bakedu bagobbaga, ia ata- ia ata habenciaga yo'u mupamoddai. ⁴² Hida ata hapa here na, tapai daiki aluputa. bahkan aro barra MYORI, tetap Nya dana waleki. ⁴³ Hida ata kugilingui batudda tepung ahinna wa'ina rabuka ponnu tanah. Hhinna wa'ina rede lara dana, ku ba'i monno ku deke-deke hida ata. ⁴⁴ Yo'u mupaluputaga wali karibbaka dana ne bangsagu, Yo'u jagaga bakapalaga tubada bangsa-bangsa. Bangsa da pandega hakawodo pongngu barragu. ⁴⁵ Ngarakuwa ata eka kawodo bama dalli, hapa deku balina hida ata ba rengngeaga. ⁴⁶ Ngarakuwa ata eka abewola, monno alouso wali ne kota dana kubugu. ⁴⁷ Na MYORI natoleka! Deika roruwa gunung batugu. Na ga'ige Allah, ne gunung batugu monno keselamatangu. ⁴⁸ Allah napa dadige pembalasan tubagu, angindi bangsa-bangsa baragu. ⁴⁹ Nya Napa bebasaga wali barra musuh-musuhgu. wali barra ata kedde monno baetaga bapadikka wekkina, wali barra ngarakuwa ata bokala, MYORI napaslamataga. ⁵⁰ Nebahinna, ku dodo waga bersyukur barra-Mu, o MORI. Netillu dongada bangsa- bangsa, ku dodo waina mazmur tubana Ngaramu-Mori. ⁵¹ Nya na ya karunia keselamatan barra tokko hakeketa-Nya, manawara setia-Na tubada ata paurapa-Na, barra Daud monno paburru wali wa'ina dukkie murri wali-murri wali!