¹ Ahitofel napanewe barra Absalom, "Pakaloga ga yauwa kaku pede kabullu duada rata ata, nyaka enga kedde bapa wola wali lyira Daud ne gedde mema. ² Ku mai pongngupo barrana tangerana bana cape monno bana lemah samangatana, bage kana radana. Nyaka, ngarakuwa rakyata apa lolodengai ke du dou-kedu dou bada monno yauwa ku pakalah douba tokko. ³ Yauwa ku pawali pongngupu ngaraku rakyata barramu, hahinna wa'i na bapa wali ia ata barra la'i na. Orona, yo'u bu beige bapasala mata ngarakuwa rakyata. ⁴ Hida patekki hahinnana naanggapai ba duwa bana etai Absalom monno paetada paama-paama Israel. ⁵ Bage, Absalom napane we, "Kako kai'u nebahinna Husai, ata Arki, tubana kau rengnge kai baappai patekkina wali barrana. Husai Naparusakai Lii panu ngngana Ahitofel ⁶ Maibana Husai barra Absalom, bage tekkibana Absalom barrana hinnadi, "Hinnabai lii panungnga patekkina Ahitofel. Tarawi pongngudi itto hida lii pa nungngana? Baindako, ne toumu wale pongngupo." ⁷ Nawale Husai barra Absalom, "Dana duwaki lii panungnga payana Ahitofel nebahinna." ⁸ Patekki dommona Husai, "Yo'u mupandege ba na amamu monno ngarakuwa atana bapa pejuangwi. Hida wade, ata naka rodduka ateda hahinnba wa'i ina beruang amuwana anana mareda dana. Amamu tentarawa monno ata dapa ragukia, monno dana dura pongnguki bana pakaia dengai rakyata. ⁹ Takka nebahinna nya nakabunni nemme wittu atau nemme iapadou. Nyaka bawa'i ko amate ne bapatauna nekawungana balina karengewe berita, nyaka wa'i pongngubana apanewe, rakyata apalolo dengai Absalom amenderita bakalah. ¹⁰ Nyaka, ia ta-ia ata wai koge bapawessi, monno ateda hahinnana ate singa, akobba bana monno badakke. Orona ngarakuwa Israel bapandege ba na amamu ia ata pangaru monno ngarakuwa ata apalolo dengai ba ata pawessi banidana. ¹¹ Nyaka bahinnako, hida lii panungngagu: Patu kana kapakuwai ngarakuwa Israel barramu, walina Dan dukki Bersyeba, gai kahinna wa'i laingo nudubonnu mangedana. Yo'u douna kaenga kakomu ne pataudanana. ¹² Ne bata mai ne ia padou, ne padou ba wa'i nya, nyaka warrakaba nya hahinna wa'i na wee penni ne ponnu tanah. Nya monno ia ata hapalolo dengai da'i bana aluputa. ¹³ Nya bana erukona ia kota, nya enga kette wai badai kalerre ngarakuwa Israel ne kota padou eru waina. Bage, itto taweru pongnguwa dukki loko dana monno watu kii da'i pongngu bana awa'i na nee."' ¹⁴ Nawale Absalom monno ia ata-ia ata Israel, "Naduwapu lii pa pa nungngana Husai, ata Arki wali lii papa ngngana Ahitofel. "MYORI nawyata tubana bana batala papa nungngana wali Ahitofel aduwakya, nyaka MYORI napa maiye celaka barra Absalom. Husai Napa lolona Daud ¹⁵ Bage, napanewe Husai barra Zadok monno barra Abyatar, imam-imam, "Newwe monno neike papa nungngana Ahitopel barra Absalom monno barrada paama-paama Israel. Tangerana yauwa kupanungkaige newwe monno neike. ¹⁶ Neba hinna, ngetana patukana ia ata katekkina Daud, hinnai: 'Kadana taddokana ne gedde ia padou-ia padou palawi ne mareda kikapa ne gedde. Kada ba ka bakaballogu tokko monno ngarakuwa rakyata hapalolo dengai nya."' ¹⁷ Yonatan monno Ahimaas haparema ne En- Rogel. Nebaammiku ia budak mawinne tubana ngindi lii barrada hida ata, kakobada hida ata batekkina tokko Daud. Takka ne hida dapa ouda wekki kina batama kota dana. ¹⁸ Takka nyamo, haetawi ia ata lakawa, monno balina hatekkina Absalom. Nyaka hida ata duada ngetta-ngetta bada monno batama ummana na ia ata ne Bahurim, hamilikana sumur ne aro ummana. Bage, burrubada sumur dana Yonatan monno Ahimaas. ¹⁹ Dekebana ingngi pamawo namawiine mommo napawekara ponnu ngada sumura. Balinawe, namawinne, napa wekkara wolla ingngi pamawo ngada sumura monno nawewarana yasa kamangge ne ponnuna, nyaka dana paetaba baappa. ²⁰ Ammi badi ngarakuwa atana Absalom barrana namawinne ne ummana monno batuwa, gyedi Ahimaas monno Yonatan?" Nawale namawinne, hitti ata nettibadi bapalai loko." Enga mawegada hida ata, takka, databbokaki. Bage walibada hida ata nee Yerusalem. ²¹ Neba nettidi hida ata, lousobada Yonatan monno Ahimaas wali sumur dana bage kako bada batekkina tokko Daud. Patekkida barra Daud, "Siap nebahin na kata palai loko, orona newwe monno neikke papa nungngana Ahitofel aro barramu." ²² Bage, siapbana Daud monno ngarakuwa rakyata hapalolo dengai palai loko Yordan, wali manarri mewa dukkie raimale. Daipongngu bana ia ata adangngi, dapalai loko Yordan. Ahitofel Napamate wekkina ²³ Nebana etawe Ahitofel lii papa nungngana badappa pakei, pasango bana pelana keledai deta bage napenne monno kako bana nee ummana, nee kota dana. Balina bana atura urusan ummana, nya nangu teru wekkina. Nya namate, balina tanei ne rate dana amana.Absalom Napalai Loko Yordan. ²⁴ Na dukkibana Daud ne Mahanaim tangerana Absalom wudi palanai loko Yordan, nya monno ngara kuwa ata Israel papa lolo denga na. ²⁵ Bage, Absa lom nakeketa Amsa deluna Yoab bana kapaladi tentara. Amasa ananai wali ia ata ngarana Yitra, ata Ismael, paole umma bana Abigail, anana Nahas, wottona Zeruya, innana Yoab. ²⁶ Bage, rawi bada kemah ata Israel monno Absalom ne tanah Gilead. Sobi, Makir, monno Barzilai ²⁷ Nebana dukki Daud ne Mahanaim, Sobi anana Nahas, awalina kota Raba milik paburru wali wa'ida ata Amon, monno Makhir anan Amiel wali Lo-Debar, monno Barzilai ata Gilead wali Rogelim. ²⁸ ngindi wi padou dura wa'i, pasu, wirro, tawali, kamangge, jelai, tepung, bertih kamangge, kambe wawi, kambe rara kii, ²⁹ kanena, mentega, simbi bebe, monno keju, tubana bayai pangaana Daud monno rakyata papa lolo dengana. Orona, patekki ata, "Rakyata nakarebana, bewola monno maro'u ne mareda kikapa."