¹ Namalawie balina, Absalom nasiappana ia kereta tuba touna monno ia dara monno limma kabullu ata hamalle ne arona. ² Keddebana Absalom ia kappu gedde-ia kappu gedde ne uppu lara aro binna gerbang. Ia ata-iata hamangngu perkarana monno mai nearona tokko tubana baadilai, kadengai Absalom monno tuwai, "Gye kota nyage pawali wai mu yo u?". Bage, pawalena, waligo ia kabisu Israel." ³ Patekkina Absalom barrana, ne perkaramu naduwa monno nabenara, takka danauki pihak tokko barengngeu. ⁴ Patekki dommona Absalom, bana notokoge keketaga yauwa bahakim maga nenegeri! ia ata-ia ata amai mangu perkarana atau pertikaian hukum, ku wyata pongngu pona perkarana ne hahinna takkana. ⁵ Hinna kaiye, bawaiko ata tukke bana kawodo sembah, napa doladi limmana tubana baterrei na ata monno dekkia. Hinna lyoloba carana parawina Absalom barrada ngarakuwa ata Israel amai bana adilai tokko. Asalom nakedudadi ateda ngarakuwa ata Israel. Absalom Narencanage Nadeke Balie Sangadina Daud ⁷ Balina bana lewata patta douna, natuwa Absalom barrana tokko, "Paka logaga kaku kako ba yarage nazaragu, paka wukkubagu barra MYORI Nee Hebron. ⁸ Orona na hambamu, bana kawukkuna nazar ba neei nee Gezur, Aram, hinnawe, "MYORI hinna-hinna takka bana pawaliga nee Yerusalem nyaka kaku kawodo kataba barra MYORI."' ⁹ Napanewe tokko, "Kakou daiki widu weddamu. Bage napa mendara wekkina monno nakako nee Hebron. ¹⁰ Bage, Absalom napa tukana ata utusan-utusan rahasia nee ngarakuwa kabisu Israel monno napa naau, "Nebu rengngei punnida trompet, wandige liimu: Absalom nya tokko ne Hebron!"' ¹¹ Olena Absalom, kako bada duangau ata wali Yerusalem, hida ata paundango hakako dapa curiga pongngu monno pande pongngu baappa kambuna. ¹² Absalom napa tukai Ahitofel, ata Gilo, penasehatna Daud wali ko ta Gilo Gilo: Bage neenyage padouna lakasi Gilo dapa pandekipo, takka waidi ata ahli geografi aduga kota napasama dengage Kirbet Jala, sekitar kabullu kilo meter nee balina utara barat laut Hebron., tubana ba ya maraka. Napa wessi kyaba paka iada a li kapotta dana monno na lu luwa kyabana rakyata hapaka ia dengai Absalom. Daud Napandege Rencanana Absalom ¹³ Bage, ammibai na ia ata angindi berita barra Daud. Patekkina, "Nakale waba ateda ata Israel barra na Absalom." ¹⁴ Panewebana Daud barrada ngarakuwa pegawaina hapaia dengai ne Yerusalem, "Siap kata kedu orona itto data lolosabana wali Absalom. Ngettana kata kako, gai kada ngettakana badekuda itto monno baammige celaka tubada itto monno bapakalah ne kota bawaige tama teko." ¹⁵ Panewebada pegawai tokko barra tokko, "Ngarakuwa awenna barra morigu tokko, hinnabai monno hamba-hambamu." Daud Ngarakuwa Atana Hettidi Akedu ¹⁶ Bage, louso bana tokko monno ngarakuwa i ummana badekuni. Tokko nagaidi a kabullu gundikna bajaga istana. ¹⁷ Kakobana tokko monno ngarakuwa atana bapalolo dobba. Bage hida ata adangngi ne umma kaduppuna. ¹⁸ Ngarakuwa pegawaina akako tidina, hinna kai ata Kreti monno ata Pleti, ngarakuwa ata Gat, enne ngauwa ata mangedana, badeku wali Gat ne tidina tokko. ¹⁹ Natuwa tokko barra Itai, ata Gat, "Appa yo u kaupadeku bapalolo denga ma? Kako wali monno dangngi marenga dengai tokko orona yo u ata ekau, monno yo u kaina ata letto wali padou wali waimu. ²⁰ Manna ammigu monno nebahinna yo u me ngebara dengaga budekuga bata kako pongngudi ia padou-ia padou padukkigu. Kako wali monno ngindi ole dadi mu bipalolo bipamanawa rana monno bisetia-Nya." ²¹ Nawalewe Itai barra tokko, "Oro ngarana MYORI atoleka monno oro ngaramu morigu tokko, ne hahinna takkana langngo ka ge nee nyage padoumu morigu tokko, mate monno toleka engaga tidi barramu." ²² Napanewe Daud barra Itai, "Maida ka ta kako," Bage, kakobana Itai, ata Gat monno ngarakuwa ata na monno ngarakuwa anana bana palolo dengadi. ²³ katendekana negeri ngio malelika bana kako kuwa rakyata. Tokko palai loko Kidron loko Kidron: monno ngarakuwa rakyata kako aroge mareda benango. ²⁴ Etaba Zadok bapalolo dobba ngarakuwa ata Lewi adeitowa tabut lii kirana Allah. Hida ata abandala tabut lii kirana Allah bage majubana Abyatar monno ngarakuwa rakyata balewa ta wali kota dana. ²⁵ Napanewe tokko barra Zadok, "Ngindia tabut lii kirana Allah nee kota dana. Ne yauwa baku kolekona kanurru kanengga manawara ne paetana MYORI, nya enga pabali banaga monno kueta dommo ne padou pama dii wai-Na. ²⁶ Ne lii-Na bahinnako, 'dana Tubakie yauwa ,'hinnaba enga rawibago aduwa ne paeta-Na." ²⁷ Napanewe kaina tokko barra Zadok, imam, "Nyaka yo u bu eta, bali lyolo kota dana baslamat dengadi aduada lakawa kabani, hida Ahimas, anamu, monno Yonatan anana Abyatar. ²⁸ Ka pyandege, yauwa engaga parema ne padou papala wa'i, dukkie bawa'i berita wali barramu monno bu pa dukkiga." ²⁹ Walibana Zadok monno Abyatar bangindia tabut lii kirana Allah nee Yerusalem badangngi nee. Doana Daud Bagobbai Ahitofel ³⁰ Daud nakatekalage Bukit Zaitun monno bana ngio, natodie katowana monno nya dana tauki alas wa'ina. Ngarakuwa ata dekuni todi dobbai katowada baka tekala dobba bangio. ³¹ Nyaka wa'i ia ata a ya berita barra Daud, hinnawe, "Ahitofel nya kaina ia ata adekuna skong kol bada Absalom." Nyaka Daud na berdoa, "MORI rawini lii panungnga Ahitoel kana kalah." ³² Nadukki bana Daud ponnu ladakana, ne padou adommaba papake pasem bah wa'ia Allah. Balina ammibai Husai, ata Arki, mai barra Daud monno natau kalambe mairra monno rabuka ponnu katowwana. ³³ Balina Daud natekkina Husai, "Ne yo'u bata kako dobbako bada, yo'u jadi babanku. ³⁴ Takka, yo'u kako wali bali kota dana, tekkina Absalom, 'Morigu tokko, yauwa ne hambamu. Neha hinna takkana hitti waina yauwa hambanaga amama mu, takka nebahinna yauwa hambamu.' Hinna lyolobai batala lii panungnga barra Ahitofel. ³⁵ Danyaki Zodak monno Abyatar, ngarakuwa imam awa'i dobbana monno yo'u nee? Ngarakuwa papaneweda yo,u rengngei wali nee jana istana tokko, tekki pongnguda Zodak monno Abyatar, ngarakuwa imam. ³⁶ Lolokie, ngarakuwa ata nee, wa'idi aduada ana da, hida Ahimaas anana Zodak monno Natan, anana Abyatar. Padukkida hidi ata ngarakuwa parengngemu wali barragu." ³⁷ Bage, maibana Husai, sahabatana Daud, nee kota dana, ne bana dukki Absalom ne Yerusalem.