¹ Murrina nadadiwe nehahinnana. Absalom, anana Daud, wa i allikana mawinne kabola ngarana Tamar. Dan, Amnon, anana Daud, abei bamanawarai. ² Amon nabei pongngo bana magoda papangeda na nyaka kana wenna karo duka orona Tamar, wottona, orona na lakawa mawinne datodo pungngu kipa lakawa kabani. Dana tama pongngba pangeda dana bana pangedage Amon, baku rawikoge barrana. ³ Amnon wa i onderana ngarana Yonadab, anana Simea kaana Daud. Yonadab napande pongngu bana masere. ⁴ Napanewe, "Appa ne yo u kaumarana ne bana kappu gedege, hei anana tokko? Dana bisakie butekkie barragu?" Nawale Amnon barrana, "Yauwa kubei baku manawarai Tamar, mawinne allikana Absalom wottoggu." ⁵ Napanewe Yonadab, "Beikau ne padou dura waimu monno pura-pura karodduka akkala. Baammikuna amamu haelleu tekkina barrana, 'Yai kaloga allikagu Tamar kaammi kana ngindiga pangaa. Nya kana paduwa pongnguga pangaa ne aro gu nyaka kaku etawa monno kaku ngaage ngaa wali limma detana. ⁶ Nyaka beikabana Amnon monno pura-pura karodduka. Bage, ammibai tokko bana ellea monno napanewe Amnon barra tokko, "Yai kaloga allikagu Tamar kaami ga i kana paduwaga duada kue ne arogu kaku ngaaga wali lim ma detana," ⁷ Balina Daud napa tukana ata barra Tamar, nee ummana, monno napa na u, "Kakou notoge nee ummana Amnon, kaamu, monno kaupaduwai pangaa tubana." ⁸ Kako bana Tamar nee ummana Amnon, kaana, tengerana baneeni abaeika. Tamar nadeke nadeke terigu bana urraka bana rawina kue ne Arona, bage kana padarrage api ne kue. ⁹ Nadeke kuali bage na burrie ne arona Amnon, takka dana nauki pangaage. Napanewe Amnon, "Patukadi ngaraku wadi ata kalouso gyounga wali barragu. "Bage, louso ngarakuwa bada ata badundakai. Amnon na Perkosa Tamar ¹⁰ Napanewe Amnon barra Tamar, "Ngindie pangaa kamar dana kaku ngaage wali limma detamu." Balina Tamar nadeke kue parawina monno nangindie barra Amon, kaana, ne kamara padou dura waina. ¹¹ Na Tamar bana pado lage barrana gai kana ngaage, nangu terrebai nabuwa winne monno natekkina, "Mai kata dura dobba bada allikagu." ¹² Nawale na buwa winne," Indaki, kaagu, da lummukana budala denga ga nama larango nehahinnana ne Israel. Durawikana dirraka neha hinnana. ¹³ Genya dommo poge ne asalah bana maora wekki detagu? Yo u ata bebal kaiba ne Israel. Nyaka bahinna, ne yo u pa newe dengai tokko orona nya dana tolakaba bana yau nebarragu." ¹⁴ Takka nyamo, Tamar dana nauki bana rengena patekkina. Orona nya napa wessikyapo padedena wali barrana, dala dengabanai Tamar, bage dura dengabanai. ¹⁵ Bage, na benciba Amnon amadale pongngu na aekagai pongngu, nalou ka kyapo bencinya bana bandingudi ne manawara papoddana. Napanewe Amnon barrana, barrana, "Keddeu monno kakou!" ¹⁶ Nawale nabuwa winne, "Indaki, orona nalou kapo bokalana baappa ne parawimu ne barragu." Takka hinnamo, Amnon da na nauki parengngea. ¹⁷ Naka napamai buwa mane pelayanna monno natekkida, "Patukai na ma winne kana kako wali ne barragu monno kunci binna ne balirana." ¹⁸ Tamar natau kalambe kurungona aduwa pong ngu, buwa winne-buwa winne da tokko datodo pongngukipu kabani batau kalambe hahinnana, hida kalambe kurung hamalou. Balina pelayan hapatukai louso monno kunci binna balirana bana kako. ¹⁹ Bage, Tamar nataige rabuka ponnu katowana monno na irra-irrai kalambe kurung hamalou papakena. Tamar nataidi limmana ponnu katowana monno nakako bana ngio. ²⁰ Natuwa Absalom, kaa na, barrana, "Appa na i Amnon, kaamu, narawiba ge dala ne barramu? Nebahinna allikagu, kanawau kakallamu. Appa danyaki kaamu? Ga i kadana bandalaka parawi nehahinnana ate danamu." Bage, Tamar na dangngi monno nakanawa ne ummana Absalom,kaana. ²¹ Nebana rengnge ngarakuwa parawi tokko Daud, nabuttu ate langngu takka. ²² Takka nyamo, Absalom dana tekki kina Amnon, tubana aduwa monno daduwa, orona Absalomn nabencia Amnon orona bana paksa Tamar bana dala dengai. Nabalasa Karodduka ate Absalom ²³ Nma lawie duwa douna, Absalom napa dadi ge gutti wullu bebe ne Baal-Hazor, nee barra Efraim. Absalom na undang kuywai anada tokko. ²⁴ Bage, Absalom na aroi tokko monno napa newe, "Nehahinna takkana nebahinna hambamu napa dadige gutti wullu bebe. Kumadengngi notoge tokko bersama ngarakuwa hamaba kako marenga dengadi hambamu." ²⁵ Takka nyamo, Daud napanewe barra Absalom, "Indaki anagu, dama kako kuwaki, monno dama pabebankiu yo u. Monno, nya nadesaka, takka nyamo nya tetap dana nau ki pakako, Takka nyakido napa mAringngia. ²⁶ Bage, Absalom, napa newe Absalom, "Nyaka baindako, pakaloga kaagu Amnon kana kako palolo dengama yamme." Tokko natuwa barrana, "Appa pongnguwe kaenga kakona bana palolo denga gu? ²⁷ Nyamo, Absalom nadesaka nyaka napakalo ga Amnon monno ngaraku wa anana tokko bakako palolo dobba. Amnon Hapamatea ²⁸ Absalom napatukadi ngarakuwa atana, ne hinna, "Payerrage, ne bana senango atena Amnon oro enuna anggur monno ku tekkimige barrami, 'Pamatea Amnon!', nyaka pamatea Amnon. Dimadauta kana! Daku perintah bakipumi barrami? Pawessige ate wai mi, kabalimi ata bani!" ²⁹ Nyaka, ngarakuwa ata na Absalom arawina Amnon papatuka bana Absalom. Bage, keddebada ngaraku wa anana tokko monno ba penedi bagalda ia ata-ia ata balina bakedu dou-kedu douda. Daud Narengnge tuba Matena Amnon ³⁰ Hida ata baengapudi tillu lara, nadukkiba berita barra Daud hinnawe, "Absalom napamate kuwa bai anana tokko monno dai pongnguki ia ata haengana." ³¹ Bage, keddebana tokko monno bana irrai-irrai kalambena balina nangu bukkabage tauna lantai deta, tangerada pega waina badede barrana ba pubbukai kalambeda. ³² Takka nya, Yonadab anana Simea, kaana Daud, napanewe, "Dangu lummukana morigu busangka bahida ata ana-ana buwa manena tokko bapamate ngarakuwai, notoge nyakidona Amnon papamateda. Nehahinna takkana, Absalom waime mabage niatna bana wyata ne barrana, hapa ia loddona na Amnon bana perkosa Tamar, allikana. ³³ Nyaka, dalummukana morigu tokko bupa tamage ne berita ate danamu monno bupangedage ba hida ngarakuwa anana tokko bamate ngarakuwa. Takka, nyakidona Amnon amate. ³⁴ Takka nya, Absalom hettini akedu. Hida buwa mane bapa reddage baeta monno aeta, tiba-tiba hangu oudabana ata mangeda wali karape lamberana nee balina. ³⁵ Bage, Yonadab napanewe barra tokko, "Pa yerrana! Ana-ana tokko ammidi, nabenara hambamu. ³⁶ Nebana bawe patekkina Yonadab, hangu wuddakubai ana-ana tokko baammidi bangio monno liida balelika. Hinna kaiye ngarakuwa pegawaina tokko bangio monno baka wika pongngu ³⁷ Takka nya, Absalom nakedu barrana tokko Talmai, anana Amihur, tokko Gesur. Absalom Nakedu nee Gesur. Nakalallu Daud tubana anana ne agasu loddo. ³⁸ Bage, Absalom nakedu monno nakako nee Gesur. Nya engai nee madoina touda douna. ³⁹ Bage, nama lolo atena tokko Daud tubana balouso batabboka Absalom, orona nya nasenango tubana Amnon bana mate.