¹ Nasa bayango Hana, hinnage: "Nama wewera ategu orona myori, namakeketa kadu pawessi gu orona MYORI. Ngadagu nadaurawe tubada musuh-musuhgu, orona yauwa kumagego tubana MYORI bana tulu gataga. ² Dai ki aduwa hahinnana MYORI, orona bada,i ba Yo,u kidona. Da,iki ngaba watu hahinnana Ayllah. ³ Du allukana bu panewe madeta, monno du palousokana panewe patola wali ngada danamu. Orona MYORI,Allah napande ngara kuwage, badeku takkakoge na ujigo pata parawimu. ⁴ Ana pana papatau wai ha matikkupa bata ngarakuwa ata gidu goda bawai kette kombuge pawessida. ⁵ Habekuta ba ngaa ngaa, ha kasewawe kareba. Takka, a woto pa pittuna ba pa ana. A luwana anana amawwela. ⁶ MYORI napamate, monno napa toleka. MYORI napa burruge nee wanno ata mate, monno na lissu koukage. ⁷ MYORI napa dengowe monno napababu potewe. MYORI napa padaka monno napa pama detage. ⁸ MYORI nakeketa wali rabuka dana ata dengo. Monno, wali tillu kangudu karombuka MYORI nakeke ata menderita, nyaka kana kolege padou madii apangago. Orona MYORI Torana kappena tanah, monno nabandala ponnuna ponnu tanah. ⁹ Ne pata tolekana ata pama nawara-Na dandangoi MYORI, takka ata fasik, a neena kapotta dana napa moddai. Orona, inda nyakie pawessi katerrege kuasa na ia ata. ¹⁰ Myori napa modda ata amalawan; aroda hida ata naka gurruka langita. Na MYORI na adila ngarakuwa ne ponnu tana, Na ya takka p[awessi barra da tokko, monno nakeketai kadu pawessida atapaurapa-Na." ¹¹ Bage, walibana Elkana umana nee Rama, takka, na lakawa nyabana hambana MYORI monno bana awasa Eli. Bokalada ngarakuwa anana Eli ¹² Hida anana Eli lakawa katillakai hanakala, da angadengaki MYORI, ¹³ monno dadekukidi paretada imam tubana tanah wanno. Nehaseda na ia ata na ngindi maraka padoro, amibai na hamba imam, tangera neeni apatiina kanaa, monno na nakadi touda garpu hapangundu lima detana. ¹⁴ Lalu, na dollu nee wiro dana, kuali dana, monno belanga, atau wiro dana.Ngarakuwa pawaito waina garpu adekei imam. Hinna lyolobai parawi wi ia ata-ia ta Israel bamaiko ne Silo. ¹⁵ Hinna dommo, ne badappa tunnupu morru kanaa, amibai hamba imam, monno patekina barrana na ata angindi maraka, "Yawi hida kanaa katunnu padarradi torada imam, orona bada ngaa kanaa papa tii, takka kanaa makata." ¹⁶ , Takka, na walewe barrana, "Tunnuwe ne morruna dukkie bana muttu kuwage, wudi deke kanaa pabei atemu." "Nyaka, patekina na ata yaga neba hinna, budayako enga deke buttu atebagu." ¹⁷ Hinnaba, parawida buwa mane buwa winne daduwa aro sagana MYORI, orona ia maraka-ia maraka papa arowa MYORI badaanga dengapaduwadi. ¹⁸ Samuel nyabana papa wede ne arona MYORI. Lakawa buwa manepa monno natau kalambe efot awali ingngi lenan. ¹⁹ Ne jeket kiina pa kottunai innana, patau patirrina ia dou-ia dou, saat bakako dobba bada la,i na bangindi maraka tubana ne ha ia dou na. ²⁰ Bage, Eli napa maringi malalai Elkana monno ole umana,"Notoge MYORI kana yagu umbu eiba wali ole umama tuba deluna pa yamu barrana MYORI." Murrinawe, wali bada nee padou dangngiwai da. ²¹ Nyaka, MYORI na dandangowa Hana, nyaka kana pati a monno ka dadi touda lakawa kabni monno duada lakawa mawinne. Samuel buwa maneba monno naka lalada kyabana arona MYORI. Eli Dana taluki ngarakuwa Ana bokalana ²² Eli naka weda lyolyo bana. Na renge ngarakuwa pata parawida ngarakuwa anana aro barrada ata Israel monno babeika ole dengadi mawinne adeiba tamu ne binna kemah papa kuwa wa i. ²³ Nyaka, Eli napa newe, " Ne kalimmia bi rawige ne da duwa dirraka? Ku rengewe para wimi adirraka bokala ne ngarakuwana ne bangsa. ²⁴ Dalimmikana tandage ne parawimi, hei ngarakwa anagu, ne lii parengegu barra umatana MYORI bi ra wige daduwa dirraka bi lawi loppai lii paretana. ²⁵ Na ia ata bana rawikoge daduwa bokala barra ole atana, enga adila pongngubanai Allah. Na ia ata bana rawi kona salah aro barrana MYORI, ba garrai atagu tekkie? Tkka, da rengngekie papa nungngdadi amada, nyaka MYORI nayadi hukuman mati. ²⁶ Tangera, Samuel na mamatto kyabana monno abei ata, na duwa arona MYORI monno na duwa dommo aro ole atana. Awukunapadadi Pama dauta denga tuba keluargana Eli. ²⁷ Amibai ia ata papawedena Allah barrana Eli monno natekkinawe, "Hinnawe patekkina MYORI: Da yauwaki a bo wekkina barra padou burru waida ina kaweda iana kaweda ama kawedamu wakktu ba needi Mesir, paparetana Firaun? ²⁸ Ku pede ngarakuwa bai ngarakuwa suku Israel ba jadi imam, tubana ba ya maraka ne ponnu mezbah- Ku, batunnu ukupan monno ba pake kalambe efod ne arona MYORI? Monno, Ku ya babana maraka api-apian ina kaweda ama kawedamu hitti ulluna barra ata Israel. ²⁹ Ne kau payerra lawi atayadi maraka-Gu monno maraka payaba-gu ne pa nee wa i-Ga?Appa hida anamu kahida pongngu papa loukamu bu deikai dari pada ne Yauwa apamorrugo toumu monno toramu aduwa pongngu wali ia maraka-ia maraka umat-Ku Israel? ³⁰ Nyaka, hinnawe liina MYORI, Allah Israel, "Aku monno oledadimu, ngarakuwa paburru wali waida ole dadimu enga tolekada dukkie murri wali- murri wali. Takka, ne bahinna--liina MYORI--Eruna aro mata-Gu. Orona, hahormatia-Ga Kuhormatia-nya, takka ba garrakuni ha hina-Ga, Ku paradaka pongnguwa. ³¹ Ne hinna takkana, rapa bana bana ba ami MYORI bana tikkupadi lima papawessi waimu monno lima papa wessi waida ngarakuwa ole sdadimu. Da i bana ata paama tillu uma kartongamu. ³² You enga etabamo ne pa dou nee wai-Ga bakamukamo, ne ngaraka kuwa duwa pa yagu barra bangsa Israel. Da i pongngubana ata paama ne ole dadimu ne bahinna dukkie nemme ayro. ³³ Monno, ata da modda wali mezbah-Ku nyabana apa rusakagudi matamu monno na lipalebana dewamu. Hida louka mangedada ole dadimu amate pataudanana ³⁴ Ne nyawe tadana, ada di tubada anamu aduada, Hofni monno Pinehas yakni: waktu hasama, enga mate lyolyobada ata duada. ³⁵ Monno, enga keketa pongngubagu imam ha setia, adekuge ne pabei ate-Gu monno monno dewa-Gu. Monno Ku rawidi uma pawesse tubada. Hidabana kako aro sagada ata paurapi-Gu, dukkie ne kadukkana tole kada. ³⁶ Ngarakuwa engapona toleka wali paburru wali waida ole dadimu enga mai kawodo kataba barrada tubana ne akabikka riti perak atau akadippu roti, na tekkie, ta i ga ne ia jabatan ga i enga kolegu bangaa ne aka dippu roti."