¹ Dukki wulla paddo pa terre'na raja darius,ammi'ge li'i Muori barra'na nabi zakharia,ana berehya,ana ido,punni'na ² ''Muori bani barra ubbu waikamu. ³ Oro nee,tekki dage barra'da :ne linna'we li'i Muori ponnutana,'bali barra-Gu,'ne linnawe li'i Muori,'makka ku bali barra'mu,'li'i Muori ponnutana. ⁴ Illa a linnakana ubbu waikamu.nabi a ullu.nabi a ullu bali dengngi'da,lid'da: ne linnawe li'i Muori ponnutana,kabali wali lara muarikamu a buakala monno wali ngaradukka'da parawimu a buakala!tapi,dada nauma pa rengnge monno papa to'o-Wa,li'i Muori. ⁵ Gia doudi yidda,ubbu waikamu?apakah nabi da muarika pakita? ⁶ Li'i monno papa tetapu bali patekki barra ata-Gu nabi bali dukki nage barra ubbu waikamu? bage,da saria monno lidda,''Muori ponnu tana bali balasada'di a linna'na ngaradukka'da parawida,linna dowe parawi barra'da!'' Pata dara ⁷ Loddo ke duada kabullu wulla kabullu iyya,wulla syebat,dukki dou ke duada pa terrena raja darius ,ammige li'i Muori barra'na nabi zakharia,ana berekhya,ana ido,punni'na, ⁸ dukki bana geddena,ku iataya kabani a pennena dara rara!na dede barra wasu murad ngaba dana,ba ne lirana wai'ni dara rara,coklat rara'na,monno kaka'na. ⁹ ku tuaya,''appana kabbu kuage ne Muori?''Malaikat a panewe dengnga'ga na wale,''ku patingngo kuako guge apa'na kabbu'ge.'' ¹⁰ Ata a panewe barra wasu murad na panewe,''na pawedeyi Muori ba'da ellatawe ponnu tana.'' ¹¹ da panewe dengngani malaikat Muori a dede barra wasu murad,linna,''yamme bali ellatamage ponnutana.ngaradukkanage ponnutana na kadennawe.'' ¹² bage, Malaikat Muori na panewe,''ya Muori ponnutana,pirra mado'i kia ba dou manawwarage yerusalem kota-kota yehuda pa bani-Mu pittu kabullu dou madoi'na?'' ¹³ Muori na waleya na malaikat a panewe dengnga'ga waini panewe a pamaringngi ate'na ¹⁴ Na malaikat a panewe dengnga'ga lin'na,''tekkiwe,li'i Muori ponnutana,ku mobbo aro yerusalem monno sion. ¹⁵ tapi,ku bani barra'da ata-ata a muarika menne wekkina.bakku bani suadiko da rawige a buakala. ¹⁶ Oronage nee, ne linnawe li'i Muori,''ku bali kia barra'da yerusalem oro bakku manawwara'di.umma-Gu pakeddewe nee bali ,li'i Muori ponnutana,monno kalerre ma ukura tengngi kiawe ne togo yerusalem. ¹⁷ sadekka kia tekkiwe ,li'i Muori ponnutana:kota-Gubonnu'ge a dessa.Muori na hiburawe sion monno pidi'we yerusalem.'' pata kadu monno pata ata a payilli bessi ¹⁸ ku keketawe mata'gu,bage ku iatayi pata kadu. ¹⁹ Ku tuaya na malaikat a panewe dengnga'ga,''appa na kabbu ge neya?''na wale'wa,''yidda ngiayi kadu a bali ya'we yehuda,israel,monno yerusalem.'' ²⁰ bage, Muori na patingngo gadi barra gu pata ata a rawina bessi. ²¹ bage,ku tuaya,''appa na parawida yidda ata a mai?''na wale,''yidda ngiayi kadu a bali ya'we yehuda makka dai iya ata a keketawe katuawana.yidda ata da mai pakatattakadi,tuba possayi kadu ata a bali keketa kadu aro tana yehuda,tuba ba'da ya'we.'' i