Umat pa pede-Na Allah ¹ Yauwa ku tekkiwe a bia nee Kristus dana, yauwa daku kawossokama, mono li'i ategu na padiekuwe bana bersaksi dengani Roh Kudus, ² ne dukacitagu na kaladage mono milla pakitawe ate danagu. ³ Oronage, yauwa ku mennege ga'i kaku terkutuk, pa piewa walina Kristus demi ole dadigu, kaum sebangsa gu secara jasmani ⁴ ngadoyi yidda ata Israel; a mangu hak na ba keketayi bada dadi ana Allah, da deibawe kemuliaan, parasi, deibawe ba yadi hukum Taurat, ibadah mono parasi. ⁵ Yidda dona ubbu aibana ama kawiedada, mono walida barrada yidda na Kristus ba pa dadi-Ni menurut daging, Ngiadona Muori ngara dukkanage mono pa deika dukki idda kadukkana. Amin! ⁶ Takka, li'i-Na Marobba Allah dana gagal mawe. Oronage, da ngara dukkama ata a walina Israel ba ata Israel yi, ⁷ mono da ngara dukkama ubbu aibana Abraham ba ananadi, takka 'patekkida ubbu aibamu yidda a walina barrana Ishak'. ⁸ Neya berarti da lakawa secara ponnu tana ma pa yiepada a linnana ana Allah, takka lakawa perjanjian pa yiepada sebagai keturunan. ⁹ Oronage, ne ngiadowe patekki parasi : 'Ne rapa ngiadowe baku mai, mono Sara mangu ana kabanina'. ¹⁰ Da ngiama kiwe neya, takka na Ribka bana pati'a alladi anana walina iyya ata, ngiadona Ishak, ama kawiedada. ¹¹ Oronage, ba dappa pa anapodi yidda lakawa mono dappa rawipona a dessa atau a buokala, ga'i tujuanna Allah tubana pa pede-Na kada pamadduge da oromanage parawi takka oronage Ngia a paoudi, ¹² liddani Ribka, 'Ana kabuodi ngia a layani allina'. ¹³ A linnana a matulisa, 'Yauwa ku manawarani Yakub, takka ku benciya Esau'. ¹⁴ Bage, appako patekkida? Na Allah dana adil ma? Idda ponguma!v ¹⁵ Oronage Ngia bana tekkiwe barrana Musa, 'Yauwa ku manawaradi barrada yidda pabeigu pa manawara-Gu, mono Yauwa ku dessa ate dengadi yidda pabei-Gu baku dessa ate'. ¹⁶ Bage, neya dana bergantung ma yidda pabeida atau pa payillida ata pi'a, takka pabeina Allah a patingoge dessa ate-Na. ¹⁷ Oronage, kitab Suci linna barrana Firaun : 'Oronage neya Yauwa ku keketawu ga'i Yauwa kaku patingoge kuasa-Gu nee barramu, mono ga'i ne ngara-Gu kada padukkige nee ngara dukka nage ponnu tana'. ¹⁸ Bage, Allah na manawaradi lakka garradi pabei-Na, mono na pakatto dage ateda lakka garrani pabei-Na. ¹⁹ Bage, you lummu barragu : 'Appa Ngia kana pasalawe? Oronage, garra a padde lawage pabei-Na?' ²⁰ Bali nage, garragu you, to ata, sehingga you mu bantahya Allah? Akankah you parawida lummuni na a rawigu, 'Appa maka murawi waga ne a linna wa'ina?' ²¹ Appa na tukang tembikar dana berhak ki nee tana rara; ga'i kana rawina walina tana pa dopola a linna allana na padalu tana pa waida tubana ne a mulia, mono padalu tana waddeka pa waida tuba nage ne a idda manoto? ²² Pei wa'ina na Allah bana beikoge bana patingoge murka-Na mono na tekkiwe kuasa-Na, na taguge kesabaran a kaladana barrada padaluu kemurkaan-Na pa siap bana tubana kebinasaan? ²³ Ngia na rawige ga'i kana tekkiwe kekayaan kemuliaan-Na barrada padalu manawara-Na, pa siap bana tubana kemuliaan, ²⁴ ngiadona itta, pa paou-Na, da ngiama kiwe a walina ata Yahudi, takka alla a walina barrada bangsa waddeka. ²⁵ A linna allana patekki-Na nee kitab Hosea dana : 'Yidda a idda umat-Gu, Ku tekkiyi umat-Gu. Mono yidda pa dappa manawara-Gu, Ku tekkiyi pamanawara-Gu'. Hosea 2 : 23 ²⁶ Mono, 'Nee padouna Allah bada tekkiyi etti a miemana : 'Yemmi da umat ma-Gu, 'nee padou ngiadowe yidda patekkiyi ' Ana Allah a muorika'.. Hosea 1 : 10 ²⁷ Mono Yesaya na ngi'odi Israel : 'Lakka na mangiedayi anana Israel mirrika kuorasayi bonnu dana, takka da sia - sia yidda pa manumarada, ²⁸ oronage Muori a rawige Li'i-Na ne ponnu tana, sempurna mono na ngettage'. Yesaya 10 : 22 - 23 ²⁹ A linnana pa nubuatkan Yesaya : 'Na Muori semesta Alam dana duddakamadi ubbu aibada, itta ta pamierana dengabadi Sodom mono Gomora'. Yesaya 1 : 9. ³⁰ Bage, appako patekkida? Bageyidda bangsa idda Yahudi na a idda diekuge a bia, da kolena kebenaran, ngiadona kebenaran a walina ate wai dana; ³¹ takka, bangsa Israel a berusaha bada waige kebenaran hukum Taurat justru dada dukkima barrana na ukku? ³² Appa? Oronage yidda dada ruoti kiwe waige ate wai, takka waige parawida. Yidda da katullura nee watu pa katullura wai. ³³ A linnana a matulisa, 'Ietawe, Yauwa ku tauya watu nee Sion na iyya watu pa katullura wai mono na iyya watu leita. Mono garrakoni a waige barra-Na dada pamakke maya'. Yesaya 8 : 14; 28 : 16