¹ Ba linna kowe, appa loukada ata Yahudi? Atau, appa utunage ba sunat ko? ² Mangieda pongu, nee ngara dukkanage; terutama yidda pa pataguda li'i-Na Marobba Allah. ³ Bage, yidda pirra ata ba dada waikoge, ne pa dappa wai dengada yidda na batal dengage kesetiaan-Na Allah? ⁴ Idda ponguma! Allah ngiadona a bia lakka na ata na kawossoka. A linnana a matulisa : 'You mu terbukti bou bia ne patekki dana-Mu, mono You mu talu bada hakimi kowu yidda ata'. Mazmur 51 : 6 ⁵ Takka, ne pa dappa wai dengana na patingona kebenaran Allah, appa ko patekkida? Da peimana ba liddako na Allah dana adilama bana ukkuda itta? ( Luggu baku tekkiwe sebagai ata pi'a ) ⁶ Idda ponguma! Ba linna kowe, pei wa'ina Allah bana hakimiwe ne ponnu tana? ⁷ Takka, bana likowe ne kawossoka danagu, kebenaran-Na Allah a louka pamadieta-Ya, appa maka hakimiwa sebagai ata a sala? ⁸ Mono, ( a linnana pa langilirada yidda pirra ata barrama yamme ) appa maka da limmiwa, 'Maida, kata rawige a buokala ga'i ne a dessa kana oudawe walina ne a buokala dana na'. Yidda a panewe a linna wa'ina pantas ba ukkudi! Ngara dukkada ata da kuasai yi a sala ⁹ Bage appa? Appa ne itta ta louka pa dessa walina ate waddeka? Idda ponguma! Oronage, ma tekki ullu bawe lakka yidda ata Yahudi mono ata a idda Yahudi na, nee dobbadi kabuna a sala. ¹⁰ A linnana a matulisa, 'Da'ima ponguma lakka iyya ata a rawina a bia, lakka iyya ata da'ima. ¹¹ Da'ima ponguma lakka iyya ata a padde. Da'i ponguma iyya ata a ngaddoya Allah. ¹² Ngara dukkada ata da kabali bana wali barra-Na, yidda da'i allama gunada. Da'i ponguma lakka iyya ata a rawige a dessa, da'i ponguma lakka iyya ata". Mazmur 14 : 1 - 3 ¹³ 'Bukkuda mirrika uodiya a manganga, lommada da ma laiku, racunna nippe bani wa'ige togo wiwida'. Mazmur 5 : 10; 140 : 3 ¹⁴ 'Ngadada da bonnuna aura mono a poddo'. Mazmur 10 : 7 ¹⁵ ' Wa'ida da ngettana bada liega ra'a. ¹⁶ A susah mono a mubbuka wa'ige nee lara danada. ¹⁷ Mono, dada padde mage pei wa'inage ba muorika nee muoli dame dana'. Yesaya 59 : 7 - 8 ¹⁸ Madautani Allah da'imagenee aro matada'. Mazmur 36 : 2 ¹⁹ Ne ba linnawe ta padde bage lakka appana patekkida Hukum Taurat, tubadage yidda a ne'ena kabu hukum Taurat ga'i kana matuodiyi ngada, mono ne ponnu tana nege kabu penghakiman-Na Allah. ²⁰ Da'ima iyya ata pa pabenarada arona Allah ne bana rawige hukum Taurat oronage ne hukum Taurat ammige ba paddege a sala. Allah na pabenaradi ata a li ate wai barrana Yesu Kristus ²¹ Takka ne ba linnawe, ba da'iko hukum Taurat, kebenaran Allah da patingoge, mono da ietawe a li kitab taurat mono yidda nabi. ²² Bahkan, kebenaran Allah a li ne ate wai barrana Kristus Yesu da patubadage ngara dukkada ata a waige, oronage ba da'ima a ieka; ²³ Oronage ngara dukkada ata da sala mono na dadawe kemuliaan-Na Allah, ²⁴ mono da pa benaradi kasih karunia-Na secara cuma - cuma a li nee penebusan barrana Yesu Kristus; ²⁵ pa patingona Allah bana mawukkewe sebagai lara muoli dame nee ra'a dana-Na a li nee ate wai. Neya na patingoge keadilan-Na, oronage nee sabar dana-Na, Allah na ga'idi yidda sala a dadi ullu. ²⁶ Neya maksud nage ga'i kana patingoge keadilan-Na nii masa ga'i Ngia kana terbukti bana bia mono na pabenaradi ata a mangu ate waina barrana Yesu. ²⁷ Bage, giege pa padeika wekki dengada? Da kaibadi! Waige appa ukku? Waige ukku pa rawida? Iddama, takka waige ukku ate waida. ²⁸ Ba linna kowe, ne ngiadowe pa waida, yidda ata da pabenaradi arona Allah a li ate wai, da walikina parawi berdasarkan hukum Taurat. ²⁹ Atau, appa na Allah ngiakadona Allahda bangsa Yahudi kamiesakana? Ngia da ngia allakina Allahda ata a idda Yahudina? Ya! Yidda ata a idda Yahudi allana, ³⁰ oronage na Allah iyya kini mono Ngia na pabenaryi ata a bersunat waina ate wai, mono a idda bersunat melalui ate wai. ³¹ Bage, appa ne yamme ma bisa bama padadawe hukum Taurat melalui ate waida? Iddama! Bali nage, yamme justru pamadduge hukum Taurat.