Salam mono pesan a walina barrana Paulus ¹ Yauwa ku yaya Febe barramu, ole dadida ba ngiadona pelayan jemaat nee Kengkrea. ² Deibaya ngia nee Muori dana a linnana yidda ata kudus, mono tuluni ne ngara dukka dana nage pa perluna wali barramu you oronage ngia douna a yawe bantuan barrada ata mangieda mono barra allagu yauwa. ³ Padukkige salamgu barrana Priskila mono Akwila, ole pelayanan gu barrana Kristus Yesu, ⁴ a tau lummu dengage ngauna demi muorikagu. Barrada yidda, da yauwa kamiesaki a tekkiwe malangi yidda alla ngara dukkada jemaat a idda Yahudi na. ⁵ Padukki allage salamgu barrada jemaat nee ummada. Padukki allage salam barrana Epenetus pa manawaragu, ngiadona ata a ullu nee Asia a deibaya Kristus. ⁶ Salam barrana Maria a payilli takka tubamu you. ⁷ Salam barrana Andronikus mono Yunias, ole dadi iyya bangsagu sekaligus ole tahanan a terkenal barrada yidda rasul, a wa'i bana nee Kristus dana sebelum yauwa. ⁸ Salam barrana Ampliatus pa manawaragu nee Muori dana. ⁹ Salam barrana Urbanus, ole pelayanan da itta barrana Kristus, mono salam barrana Stakhis pa manawaragu. ¹⁰ Salam barrana Apeles, a terbukti a tahan uji nee Kristus dana. ¹¹ Pa dukki allage salamgu barrada yidda anggota keluargana Aristobulus, ole dadi sebangsagu. Salam barrada yidda anggota keluargana Narkisus, a wa'ina nee barrana Muori. ¹² Pa dukkige salamgu barrana Trifena mono Trifosa, a duli barrana Muori. Mono, barrana Persis pa manawaragu, a payilli takka alla ne barrana Muori. ¹³ Salam alladani Rufus, ata papedena Muori, mono barra allana innana a dadi inna allagu yauwa. ¹⁴ Salam barrana Asinkritus, Flegon, Hermes, Patrobas, Hermas mono oledadida a palolo dengadi. ¹⁵ Salam barrana Filologus mono Yulia, Nereus mono wottona, mono barrana Olimpas, mono ngara dukkada ata kudus a palolo dengadi yidda. ¹⁶ Yadi salam iyya mono waddeka waige ba dekkiyi. Ngara dukkada jemaat Kristus da padukkige salam barramu. ¹⁷ Ne balinnawe ku dorongwu, ole dadigu, paatedi yidda a paoudage pa bua denga mono pasillira denga, mono a bertentangan dengage pabowo padeibami; marrodi. ¹⁸ Oronage, yidda ata a linna wa'ina dada layani kini Muorida Yesu Kristus, takka da layani douge pabei douda; mono waige patekki a halus mono patekki ba deika ole dadi, yidda da tipuyi ate ata a idda curiga. ¹⁹ Oronage, ne padiekumu da paddege ngara dukkada ata, ba linnakowe yauwa ku maringa oromu you. Takka, yauwa kubeige ga'i ne you mu bijaksana tubana appa a dessa mono a warrasa walina a buokala. ²⁰ Allah sumber muoli dame a pubbukayi muori tana kabu wa'imu. Anugerah Yesu, Muorida, na koro golluwu. ²¹ Timotius, ole pelayanan gu, na padukkige salam tubamu, mono a wali allana barrana Lukius, Yason, mono Sosipater, bangsagu. ²² Yauwa Tertius, a tulisawe ne surata, ku padukkige salamgu barramu nee Muori dana. ²³ Gayus, a yana tumpangan barragu mono barrada ngara dukkada jemaat, pa dukkige salam barramu. Erastus, bendahara kora, mono Kwartus oledadida, da padukkige salam barramu. ²⁴ ( Anugerah-Na Yesu Kristus, Muorida, da koro gollugumi ngara dukkami! Amin. ²⁵ Tubana Ngia a sanggup pamaddugu sesuai Injil pangiddigu mono pa padukkigu tubana Yesu Kristus, mono a sesuai penyingkapan rahasia pa kabunnida selama berabad-abad, ²⁶ takka ne balinnawe da paoudage melalui kitabda yidda nabi, sesuia paresana Allah a idda kadukkana patekkina barrada ngara dukkada bangsa ga'i kana pimpin ge arona ba waige ate waida, ²⁷ barra na Allah a iyya kina a bonnuna padde melalui Kristus Yesu; kemuliaan dukki a idda kadukkana! Amin.