Allah dana dengamadi umat-Na ¹ Bage yauwa ku tua, 'Appa na Allah na tullaradi umat-Na?' Idda ponguma! Oronage Yauwa dou alla ata Israel wa, ubbu aibana Abraham, a walina kabisu Benyamin. ² Allah dana tullara madi umat-Na, pa pedena wali ulluna. Appa you dou paddemage appa patekkina Kitab Suci tubana Elia, ne bana aduyi Israel barrana Allah? ³ 'Muori, yidda da pamateyi yidda nabi-Mu, da pubbukayi yidda mezbah-Mu mono yauwa kamiesa kana a muorikapo, mono yidda da beige bada pamatewa'. ⁴ Takka, appa tanggapan ilahi payadani barrana?' Yauwa ku ga'idi pittu rata ata tuba-Gu, a idda pernah pongu a kawodo barrana Baal'. ⁵ Linna alladowe neeya, wa'idi a sisa papededa waige anugerah. ⁶ Takka, ba berdasarkan anugerah ko, bage da berdasarkan parawi, ba linna kowe anugerah dana dadimawe anugerah. ⁷ Bage peinage? Bangsa Israel da gagal bada kolege appa pangaddoda, takka yidda pa pededa justru yidda ngia a kolege, ba yidda waddeka da pakattoge ateda ⁸ a linnana a matulisa, 'Allah na yadi roh dura giedu, mata a idda ieta, mono katillu a idda renge, dukki nii loddo'. Ulangan 29 : 4; Yesaya 29 : 10 ⁹ Mono linna Daud, 'Ga'ini na meja perjamuan da kana dadi sirru mono perangkap, kana dadi watu katullura, mono pembalasan barrada. ¹⁰ Ga'idi matada ka pakapotta dadi ga'i ka dada ieta kana, mono bedoda da pakabukku pakita dadi'. Yesaya 69 : 23 - 24 ¹¹ Bage, yauwa ku tuawe, appa yidda da katullura ga'i kada guggila? Idda ponguma! Takka, oro bada lawiwe, ne manumara ammige barrada ata a idda Yahudi na, ga'i kada cemburu. ¹² Oronage, ne palawida bana dadi kowe poteda ponnu tana, mono kegagalan da na dadiwe poteda yidda bangsa idda Yahudi na, bage na louka kiawe kesempurnaan da yidda! ¹³ Nee balinnawe yauwa kupanewe dengagu, to bangsa a idda Yahudi na, justru oronage ne yauwa ba rasul wa tubada yidda bangsa a idda Yahudi na, yauwa kumuliakan pelayanan gu, ¹⁴ ga'i kada cemburu yidda oledadi mono ka pamanumarayi yidda pirra ata a walina barrada. ¹⁵ Oronage, ne ma tullarada ba ngiakowe muoli dame ne ponnu tana, appako artige padeibada selain muorika walina tillu ata mate? ¹⁶ Ne roti ullu bana kudusa kowe, ngara dukkada adonan da kudus. Mono na kalarrita wasu bana kudus ko, bage yidda cabang na da kudus alla. ¹⁷ Takka, yidda pirra cabang na ba patakoyi, mono you, a secara alami ngiadoyi tibbu matobba pa cangkok da barrada mono da kole allana nee kalarrita dana mono ritto wasu zaitun, ¹⁸ dou padeika wekki denga kadi yidda cabang wasu. Takka bou padeika wekki kona, lolowe ba da you a rukkaya kalarrita, takka kalarrita a rukkawu. ¹⁹ Mungkin lummu, 'Yidda cabang patapoyi ga'i yauwa kada cangkok wa'. ²⁰ Netti na biawe! Yidda da patayi oronage ba dads waige, takka you mu dede lurrusa oronage ate waimu. Dou padeika wekki kana, takka madautage ²¹ oronage na Allah dana manawaramadi yidda cabang takka, Ngia dana manawara allamagu. ²² Ba linna kowe, paatedi dessana mono kekerasan na Allah; kekerasan barrada yidda a guggila, takka dessana barramu you ne you bou ienga kona nee dessa dana-Na. Ba da linnakowe, you da tippuka allawu. ²³ Mono yidda alla, ne yidda ba dada pakita koge idda waida, yidda da cangkok yi oronage Allah bana berkuasa tubana bana cangkok baliya. ²⁴ Oronage, ne you ba tippuka kowu waige pata alami ngiadona wasu Zaitun matobba mono da cangkok ya togo wasu Zaitun pa pamulla, a berlawanan dengadi sifatmu, dana louka allakoyi yidda cabang asli pa cangkok da togo wasu Zaitun douda? ²⁵ Oronage, ole dadi, yauwa daku nauma ba dei paddege ne a kabunni ga'i ne you ka dou anggap wekki douna bou padde, bage ne katto katuowa na dippalayi waddeka bangsa Israel dukki penggenapan bangsa waddeka. ²⁶ Ba linnakowe, ngara dukkada ata Israel da pamanumarayi. A linnana a matulisa, 'Penebus ammini walina Sion, mono Ngia na kaidi kefasikan a walina barrana Yakub. ²⁷ Mono ne ngiadowe pa janji-Gu dugguda yidda, ne Yauwa baku keketadadi doku dengada'. Yesaya 59 : 20 - 21; 27 : 9 ²⁸ Menurut Injil, yidda ngiadoyi musuhma demi yemmi, takka menurut pa pede, yidda ngiadoyi ata pa manawara demi inna kawiedada. ²⁹ Oronage anugerah Allah mono panggilan Allah dappa bisama ba batalwe. ³⁰ Oronage, a linnana you netti a ulluna ba dou waini Allah, takka neeya mu deiba bawe belas kasihan oronage ba dada waige; ³¹ linna alladowe yidda neeya dada waikige ga'i oleh belas kasihan na Allah pa patingona barramu, yidda da kole allana belas kasihan. ³² Oronage, Allah na tauyi yidda ngara dukkada nee dappa wai danada ga'i Ngia kana patingoge manawara-Na barada ngara dukkada ata. Pujian tubana Allah. ³³ Oh, na madale takkage potena mono kebijaksaan mono paddena Allah! Betapa dappa selidiki mawe papieta-Na mono dappa duga mayi lara-Na! ³⁴ 'Oronage, garra a paddege pa pangeddana Muori? Atau, garra a padde yawe nasihat?' Yesaya 40 : 13 ³⁵ 'Atau, garra a pernah ya sesuatu barra-Na netti ulluna, mono na balas powe Ngia?' Ayub 41 : 11 ³⁶ Oronage ngara dukkada walida barrana Ngia, mono oleh Ngia, mono tubana Ngia. Tubanadi kemuliaan dukki a idda kadukkana! Amin