¹ hai anagu,bou dadiko a tagu kuadi ole atamu,bou maketteko janji da ata waddeka, ² bou terjeratuko patekki ngadamu,na yoppa douwu patekki ngadamu. ³ rawige neya,hai anagu,pa bebasa wekkimu orpnage bali kaboulamu ne limma danada ole atamu,kako,kawodo,monno dengngi lai ole atamu. ⁴ illamu gaikadi matamu badda dura,wullu matamu badda dura. ⁵ pa bebasa wekkina a linnana kijang pa ruati,a linnana keila a wali togo limmana a yoppaya. bahaya mawwo ⁶ kako lai kamauta,hai a mawwo,patiatidi pata muarikada monno dadi bijak. ⁷ daima a kapaladi,a aturayi,atau a kuasayi, ⁸ da sadia rotida ne rasi merretana,monno pakassadi pangaada rasi saruabu. ⁹ pirra gai kia madoige bou beika nee bali,hai a mawwo?pirra bou kedde wali beikamu? ¹⁰ ''dura nela,mengantuk nela,lipatayi limmamu nela bou beika.'' ¹¹ ne balinnawe,milla ammige barramu a linnana ata parampoka,monno malarata a linnana ata a mangu kiatona. illa dadikanna pangaco ¹² ata a idda mangu larana monno fasik,a kako marengngadi nagada mapdeta, ¹³ a pakapaddekana mata,berisyarat waina wai,a dodoka waina karaggu limmana, ¹⁴ a kabbuge buakala a tentang waiba ate,na sobbarana selisih. ¹⁵ linna dommwe matena a kabodda,sekejapukadona ba pubbukani daimage lengngana. dappa beina Muori ¹⁶ enne'da dappa beina Muori,pittu'da a dadi kekejian-Na: ¹⁷ mata a sombongu,lommada a dusta,limmada a liaga raa da ata a idda jala, ¹⁸ ate a pangeddana a buakala,wai a giasa aroge a buakala, ¹⁹ saksi dusta a iatawe kawossoka,monno ata a sobbarana percekcokan antara du'na.perzinaan a pamatena ²⁰ anagu,patoowe papa weden amamu,monno illa dengnga kage pa bowona innamu. ²¹ kette pakitadi ate danamu,tauyi togo kokomu. ²² dukki bou kako,da dutuwu,dukki bou beika,da dawawu,monno dukki bou kedde,da panewe dengngagu. ²³ oronage,pawede ngiawe pelita,monno bowo ngiawe mangiawala,monno baka bowo ngiawe lara muarika, ²⁴ ka dawawu wali lai mawinne buakala,wali lomma tamellusada mawinne iaka. ²⁵ illa beikage manadana ne ate danamu,illa gai kanni banna goda waigu wullu matana. ²⁶ oronage,wellida mawinne sundal kadippu kakadona roti,tapi ole ummada ata waddeka da ruati lolo ngau a pawelli. ²⁷ na bisa kadona na ata banna ngiddi api togo kuruna ba danna tunnu koyi kalabbena? ²⁸ atau,na bisa kado na ata banna kako ne togo malaga ba danna karra konna waina? ²⁹ linna dommo a dura oleni ole ummana olena,daima lakka iyya ko ata a terreni a bebasa wali uku. ³⁰ ata dadda hina ma ata kiadu gaimu kanna papuasuge pa beina ba neeni a kariaba, ³¹ tapi ba yoppa koya,na bayarana pittu wudda lipata,na ya kuayi potena a waina ummana. ³² namun,ata a rawina zina,a idda mangu tekkena,a rawige na pubbuka wekki douna. ³³ manua monno aib pa kolena,makkena danna dadamawe. ³⁴ oronage,mobbo na pamaiwe banida kabani,monno daima kasihan dukki ne loddo pembalasan. ³⁵ danna deibama suap lakka appa konna,na tullaradi lakka pirra gai mangiadada pa'yamu.