¹ rengngewe,hai lakawa,pabowonagu amamu,monno patiatige gaimu kou kolena padde, ² oronage ku yagimi pabowo a dessa,illa gaikage ukugu. ³ bakku ianga ponna bakku dadi anana amagu,talunnasa,monno lakawa kanissawa wali innagu, ⁴ amagu na bowoga,''gaige ate mu kanna patorroyi patekkigu,dawawe papawedegu gaimu kou muarika. ⁵ douna hikmat,douna pengertian,illa sibitakana wali patekki ngadagu. ⁶ illa gaikage,monno na dawawu. manawwarani monno na dawawu. ⁷ hikmat ngiawe a ullu.douna hikmat,monno lakka appa kona a dadi doumu,douna pengertian. ⁸ pamadiatani ngia,monno na pamadiatagu.na pamuliawu bou agukonni. ⁹ na tau karangan bunga ne togo katuawamu,na yagu lado ne togo katuawamu lado a manadana.'' pidiya lara hikmat ¹⁰ patoowa,hai anagu,monno deibayi patekkigu,gaimu dou muarikammu kanna mangiadayi. ¹¹ bali bowo guguni lara hikmat,bali palolo dengngaguni lara a bennara. ¹² dukki bou kako,pagamu dappa seipumaguni,monno bou malleko,dou katullurama. ¹³ paterrewe ne pabowo.illa gaikage,dawa we oronage ngiawe muari kamu. ¹⁴ illa tama kanni larana ata fasik,monno kako kanni larada ata a buakala. ¹⁵ pamarroge a linnana,illa li'kaya,kabali wali barrana monno kako pakita. ¹⁶ oronage,yidda dadda durama,kecuali ba bali rawikoda a buakala,dura mata'da na dadawe,kecuali ba bali rawi koda ata banna kaboula. ¹⁷ oronage,da ngaa roti kefasikan,monno da ianu anggur kekejaman. ¹⁸ namun,larana ata a bennara a linnana wiagara mata loddo,a wiagara a mangiawala pakita monno na singngara dukki tillu loddo. ¹⁹ larada ata fasik a linnana kapotta a kelam,dadda paddemani a rawidi badda katullura. ianga douge ba nee lara a bennara ²⁰ hai anagu,patiatidi patekkigu,patoo waidi katillumu yidda patekkigu. ²¹ illa gaikadi badda kako wali aromu,tauyi ne ate danamu. ²² oronage,yidda muarikayi tubada ata a sangngatayi,monno lengngadadi ngaradukkada wekkida. ²³ jagawe ate mu wali ngaradukkana kewaspadaan,oro wali nage bali pancaran muarika. ²⁴ padadwe wali barramu patekki a kawossoka,monno pamarroge patekki idda lurrusa wali barramu. ²⁵ gaimu papatiatida matamu kadda arona aro,monno patiatimu na lurrusawe aromu. ²⁶ yiapani pagana waimu,gaimu ngaradukkana laramu kanna lurrusa. ²⁷ illa sibitakana kawana monno yello,pamarroni waimu wali a buakala.