¹ anagu,bei deiba kowe patekkigu monno boddalawe papa wedegu ne ate danamiu, ² pa tanggaradi katillumu kadda patiatige hikmat monno patidige atemu lai pengertian. ³ bou pa oukona demi pengetahuan,monno keketawe liimu demi pengertian, ⁴ bou ngaddo koya a linnana perak,monno salidikaya a linnana pote a kabunni, ⁵ mu paddege tuba ba madautani Muori,monno mu sangngatawe padde lai Marobba Allah. ⁶ oronage,Muori na ya hikmat,wali ngada dana-Na na maiwe padde monno pengertian. ⁷ na boddalawe lii hikmat tuba da ata a tulus.ngiana perisai tubada a kako jujura, ⁸ dawaya lara-lara a adila monno dawaya larada ata kudu-Na. ⁹ ne balinnawe,mi paddege a bennara,a adila,a jujura,ngaradukkana lara a dessa. ¹⁰ oronage,hikmat na barraguge atemu,monno padde na dadiwe pabeina toumu. ¹¹ kebijaksanaan,na palolo dengngagu,monno pengertian na manawwaragu, ¹² na pasellawu wali lara a buakala,wali lai ata a tekkiwe a sesat, ¹³ a duddakani lara-lara a jujura,monno paga ne lara a kapottana. ¹⁴ a beina rawige a buakala,monno a sennang dengngage a sesat a buakala, ¹⁵ ata a paga idda lurrusa,monno a sesat larana. ¹⁶ pamuarikawu wali lai mawinne katillaka,wali ata-ata iaka a pakoda, ¹⁷ a gaige pengawasan ba bua atapoya,monno a dengngage janji ne arona Marobba Allahna. ¹⁸ oronage,ummana na tabullowe aroge mate,monno pagana arona lai diawa-diawa. ¹⁹ yidda a kako barrana dadda bali kiama,dadda kole balimana lara muarika. ²⁰ oronage nee,mu kakowu ne larada ata a dessa,monno iangana ne larada ata a bennara. ²¹ oronage,ata a jujura da kadenna ne negri'da,monno ata a idda bercela da madaka nee dana, ²² tapi ata fasik kaidi wali ne negri,monno ata a idda patoo kaidi wali bali.