Rencana ba pamateya Yesu ¹ Loddo kalada Paskah mono Loddo kalada roti ba da'i ragida duada loddo kiapo, yidda imam kepala mono ahli Taurat nedi a ngaddo pata ga'i kada yoppaya Yesu waina tipu muslihat mono pamate-Ya. ² Oronage, ba lidda, "Ommana ne loddo kalada ga'i ka dana dadi kawe pa patau dengan tillu ata". Yesu da kuddoni waini minya narwastu. ³ Na Yesu ba neni nee Betania, nee ummana Simon ata a kara, ne ba nedi a madi'i barra meja padou nga'a wai, ammini na iyya mawinne a ngiddi iyya guori ki'i a walina watu pualam a mangu minya wangina walina narwastu a murni mono a kali welli. Na puaya na guori na burriwe ponnu katuowana Yesu. ⁴ Takka, wa'idi yidda pirra ata a panewe kesal iyya mono waddeka, "Appa maka na wollo waige ne minya wangi a linnana?" ⁵ Oronage, ne minya bisa ba battage bana wellige touda ngasu dinar mono bisawe ba yadadi barrada ata milla". Mono, yidda da banini na mawinne. ⁶ Takka, linna Yesu, "Ga'i kamani. Appa maka mi pasusah wani ngia? Ngia na rawige neya a dessa barra-Gu. ⁷ Oronage, ba wa'i pakita ata milla a palolo denga gumi, mono lakka pirrako bei beige, yemmi mi bisa bei rawige ne a dessa barrada. Takka, yemmi dei mangu pakita maga. ⁸ Na mawinne na rawige appa pa bisana. Na kuddo ullu gage wekki-Gu tubana patane. ⁹ Yauwa ku tekki takka guge a bia barrami, gie dou Injil ba padukkige nee ngara kuanage ponnu tana, appa parawina na mawinne da tekki allawe sebagai peringatan tubana ngia". Rencanana Yudas bana berkhianat. ¹⁰ Bage, Yudas Iskariot, na iyya ata a walina yidda kabullu duada murita-Na, na kako barrada yidda imam kepala ga'i kana yaya Yesu barrada. ¹¹ Ne bada rengewe, da maringa takka mono da berjanji bada yani ritti barrana Yudas. Oro ba linnawe, Yudas na ngaddo rapa a tuba ga'i kana yaya Yesu. Hidangan Paskah. ¹² Ne loddo a ka iyyana loddo kalada roti ba da'i ragida, ne bada yaya ana bebe Paskah, yidda murita-Na Yesu da tuaya barra-Na, "Gie douge pa bei-Mu ga'i kama kako bama siapkan tuba-Mu ba nga'a Paskah?" ¹³ Bage, na patukadi duada ata murita-Na mono linnadi, "Kakomi nee kota dana, mono na iyya kabani a ngiddi kendi a mangu we'ena na reggami. Diekuni ngia, ¹⁴ mono lakka gie douge padou tamana, tekkinage na muori umma, 'linna Guru : Gie padouge koro padou-Gu baku nga'a Paskah dengadi murita-Gu?' ¹⁵ Bage, na patingo gugemi ne iyya koro a kaladana nee lante ponnuna a mangu perabot bana. Siap ge perjamuan tubada itta neeya". ¹⁶ Bage, yidda murita da kako mono da dukki nee kota dana, Neeya, yidda da kolege a linnana patekki bana Yesu barrada, bage yidda da siapkan Paskah. ¹⁷ Ne bana geddege, ammidi Yesu dugguda kabullu duada murita-Na. ¹⁸ Mono, ne ba nedi a madi'i bada nga'a, linna Yesu, "Yauwa Ku tekki takka guge a bia barrami, na iyya ata a walina barrami yemmi, a nena a nga'a denga-Ga, na khianati-Wa". ¹⁹ Yidda na millawe ateda mono lidda iyya mono waddeka, "Pasti da yauwama, to?" ²⁰ Linna Yesu barrada yidda, "Ngiadona na iyya ata a walina kabullu duada murita-Gu, ata a lennekana roti nee onga dana. ²¹ Oronage, Ana Ata na kako, a linnana a matulisa tubana Ngia, takka na celaka na ata orona ngia na Ana Ata da khianatiya! Na louka padessa powe na ata a linnana ba dapa pa ana koni". Peringatan tubana tou mono ra'ana Kristus. ²² Ne ba nedi a nga'a, Yesu na dekeya roti, ne bana baya bana pamaringini, na bareya mono na yayi barrada yidda, mono linna, "Dekeyi, ne ngiadowe tou-Gu". ²³ Bage, na deke cawan, mono na pamalangige. Na yadage barrada yidda, mono yidda ngara dukkada da ienuge ne cawan. ²⁴ Bage, linna Yesu barrada, "Ne ngiadowe ra'a-Gu. ra'a perjanjian, pa burri tubada ata mangieda. ²⁵ Yauwa ku tekki takkawe a bia barrami, Yauwa daku ienu kiamage ne hasil a walina wasu anggura, dukki loddo baku ienuge ne anggura a bo'una nee karajaan Allah dana". ²⁶ Ne bada bawe geileni geile rohani, yidda da kako togo lete Zaitun. Yidda murita-Na Yesu da duddakani. ²⁷ Bage, linna Yesu barrada yidda, "Yemmi ngara dukkami mi duddaka-Ga, oronage ba wa'ige a matulisa, 'Yauwa ku serangya gembala, mono yidda bebe da masieba'. Zakharia 13 : 7 ²⁸ Takka, ne baku kedde bali ko, Ku kako ullu nee Galilea". ²⁹ Takka, linna Petrus barra-Na, "Lakka yidda ngara dukkada da duddaka-G, takka yauwa iddama". ³⁰ Mono, linna Yesu barrada, "Yauwa Ku tekki takka gugemi a bia barrami, nii gedde, ne ba dana kuku poyi manu, yemmi mi sangkalwa Yauwa touda wudda". ³¹ Takka, linna Petrus, "Lakka ku mate dengagu You, yauwa daku sangkal mawu!" Mono, yidda ngara dukkada lidda dobba bada panewe. Yesu neeni taman Getsemani. ³² Bage, da dukki nee padou a ngarana Getsemani, bage linnadi yidda murita-Na, "Madi'imi niiya tammura ba nega a sabay". ³³ Mono, na ngiddiya Petrus, mono Yakobus, mono Yohanes bana palolo dengadi, mono da madauta takka. ³⁴ Bage, linna barrada, "Diewa-Gu na milla takka, tekki pamate takka. Madakami niiya mono berjaga-jaga mi". ³⁵ Bage, ne bada marro suodi, Ngia na kawodo togo tana mono na sabaya, bana mungkin kowe, nettiya kana berlaluwe walina barra-Na. ³⁶ Bage, linna, "Abba, Ama, ngara dukkada mungkin barra-Mu. Dekewe ne cawan walina barra-Gu. Takka, da ngiamawe pabei-Gu, takka appa pa bei-Mu". ³⁷ Bage, na mai bali mono na ietayi yidda murita-Na ba nedi a dura, mono linnani Petrus, "Simon, appa maka mu dura? Dou bisama bou jaga ko lakka iyya jam? ³⁸ Brjaga - jaga mono sabya ga'i ka dei kaboula kana nee nunga dana. N roh memang na padieku, takka daging na lemahwe". ³⁹ Mono, Ngia na kako mono na sabay kia bana tekkiyi patekki bana. ⁴⁰ Mono, na mai mono na ietayi ba nedi a dura oronage matada bana buotoyi, mono yidda dada paddemage appako pawale dani. ⁴¹ Bage, Yesu na mai kia ka touda wudda nage mono linnadi, "Yemmi mi durapo mono mi istirahat? Tutubawe, na dukki bawe rapa. Ieta, Ana Ata da yaya limma danada yidda ata a sala. ⁴² Kedde, maida kata kako. Ieta, yidda a yawa ammi badi". Da yoppaya Yesu. ⁴³ Bage, ne ba neni Yesu a panewe, Yudas, na iyya ata a walina yidda kabullu duada murita-Na na mai palolo dengadi ata mangieda da waina beddila mono palu tuodungu, yidda imam kepala, ahli Taurat mono tua - tua bangsa Yahudi yidda a patukadi. ⁴⁴ Yidda a patukadi da yadi tada, lidda, "Na ata pa dekkigu, Ngiadona atana. Yoppaya mono ngiddiya". ⁴⁵ Mono, ne bana dukki Yudas, na barrani Yesu mono linna, "Rabi!" Bage, na dekkiya Yesu. ⁴⁶ Bage, da norroni Yesu mono da yoppa-Ya. ⁴⁷ Takka, na iyya ata a dede, na batuge kietona mono na lawadi yidda pelayan imam besar, bage na ropo nani katilluna. ⁴⁸ Mono, linna Yesu barrada, "Ne yemmi mi mai waina beddila mono palu kuodungu ga'i kei yoppa-Wa a linnana ata kiedu? ⁴⁹ Iyya loddo iyya loddo, Ku palolo denga gumi nee Bait Allah adana baku bowona ata, takka yemmi dei yoppamawa. Takka, neya na dadiwe ga'i ka ponnuwe ne kitab Suci". ⁵⁰ Bage, yidda ngara dukkada da duddaka-Ni mono da malle. ⁵¹ Wa'ini na iyya buamane a diekuni Yesu, waikinage kaba lenan togo wekkina. Bage, da yoppaya, ⁵² takka na ga'ige ne kaba lenan mono na malle kaluolu. Yesu da hakimiya pemimpin Yahudi. ⁵³ Bage, da ngiddiya Yesu barrana Imam Besar. Mono, ngara dukkada imam kepala, mono tua - tua, mono ahli Taurat da pakassa dobbana. ⁵⁴ Mono, Petrus na dieku wali marroni Yesu, dukki nee aro ummana Imam Besar. Neeya, na madi'i dengadi yidda pengawal sambil bada dirruna api. ⁵⁵ Yidda imam kepala dugguda ngara dukkada Mahkamah Agama da ngaddo pakita kesaksian ga'i kada lawani Yesu ga'i kada padde bada pamate-Ya, takka da'ima lakka iyya pakoleda. ⁵⁶ Oronage, mangieda ata a ya kesaksian palsu ga'i kada lawa-Ni, takka yidda kesaksian da dana sesuai mayi. ⁵⁷ Bage, yidda pirra ata da dede mono da ya kesaksian palsu ga'i kada lawa-Ni Yesu, lidda, ⁵⁸ "Yamme ma renge-Ya ba linna, 'Yauwa ku pubbukawe ne Bait Allah parawida limmada ata pi'a, mono nee touda loddo nage, Yauwa ku pakedde bali kia waddeka, pa dapa rawi wai limma". ⁵⁹ Takka, tubanage neya ne kesaksian da dana sesai mawe. ⁶⁰ Bage, Imam Besar na dede nee tilluda mono na tuaya Yesu, "Ne You dou walemayi yidda ata a bersaksi a lawa-Gu?" ⁶¹ Takka, Ngia ienga douni bana kadenna mono dana walemayi. Na Imam Besar na tua kiaya Yesu mono linna, "Ne You Mesias wu, Anana Allah pa deika?" ⁶² Mono, linna Yesu, "Yauwa dona, mono you mu ietawe na Ana Ata bana madi'i tuba kawanana Yang Mahakuasa mono na mai bana palolo dengani nee kawuta dana togo langita". ⁶³ Bage, sambil bana irrawe kalabbena, na Imam Besar linna, "Appa ne itta maka ta perlu kia saksi? ⁶⁴ Yemmi mi renge hujatan. Appana papietami?" Mono, yidda ngara dukkada na ukkudi waidi hukuman pamate denga. ⁶⁵ Yidda pirra ata da panu'i-Ya, mono da tuodinage mata-Na, mono da jurra-Ya, mono lidda-Ni, "Bernubuat mi!" Yidda pengawal da deiba-Ya mono da kapoka-Ni. Petrus dana akui maya Yesu. ⁶⁶ Mono, na Petrus ba neni nee kabu ummana Imam Besar, na iyya ata pelayan mawinnena Imam Besar na mai barrana. ⁶⁷ Mono, na ietaya Petrus ba neni a dirruna api, na pelayan na gillakani mono linna, "You alla a palolo dengani Yesu, Ata Nazaret". ⁶⁸ Takka, Petrus na menyangkal sambil ba linna, "Yauwa daku padde mage mono daku padde mage appana patekkimu". Bage, na kako nee barra binna gerbang, mono na mayailo na kuku. ⁶⁹ Na pelayan mawinne na ieta kiaya Petrus mono na tekki dage yidda ata a dede, "Na ata ngia alla dona oleda yidda ata". ⁷⁰ Takka, ngia na menyangkal kia. Mono, dana mado'i mawe, yidda ata a dede lidda kiani Petrus,"You pasti ole mudi oronage you ba ata Galilea alla dowu". ⁷¹ Takka, Ngia na kutuk mono na aura, "Yauwa daku padde mani na Ata patekkimi!" ⁷² Bage, na ka duada wudda bage bada kuku mayailo mono Petrus na lolowe appa patekkina Yesu barrana, "Ne ba dana kukupoyi mayailo duada wudda, you mu sangkal-Wa touda wudda". Bage, Petrus dana pattu mawe ngi'ona.