Tudda tubana a kasiewawe uoma anggura a buokala ¹ Bage, Yesu na tekkidage barrada waige tudda. "Wa'ini na ata a kasiewawe ne iyya uoma anggura. Na woletage bana rawige gollu, mono na kuoda kaliena padou peras anggura, mono na pakedde iyya menara pengawas. Bage, na kasiewadage barrada ata a tauwe ne uoma mono na kako netti luar negeri. ² Ne rapa panen, na patukani na iyya pelayan barrada yidda ata a tauwe ne uoma ga'i kana deibayi hasil anggura. ³ Takka, da yoppaya na pelayan mono da paluya, bage da wudaya bada bali limma kalua. ⁴ Oro ba linnawe, na patuka kiani pelayan waddeka barrada, mono sa palu nage katuowana, mono da rawini waige pata pamakke denga. ⁵ Bage, na patuka kiani pelayan waddeka mono yidda da pamateya. Neya na dadiwe barrada pelayan waddeka kia, yidda waddeka da paluyi, mono waddeka da pamateyi. ⁶ Na muori uoma na mangupona iyya kia, anana pamanawarana. Bage, na patukani na anana barrada mono linna, "Yidda da paakagani anagu". ⁷ Takka, yidda ata lidda iyya mono waddeka, 'Naya ahli waris nani. Mai kata pamateya mono yidda warisan kata doudi". ⁸ Bage, da yoppaya, mono da pamateya, bage da letoni nee bali uoma anggura. ⁹ Appako parawina a muori uoma anggura? Na mai mono na pabuttayi yidda a tauwe ne uoma mono na yawe ne uoma anggura barrada ata waddeka. ¹⁰ Dei pernah po bei bacawe neya ayat Kitab Suci : 'Watu paletoda tukang bangunan, na dadi watu penjuru. ¹¹ Neya parawina Muori mono parawi na ajaib we aro matada?' Mazmur 118 : 22 - 23 ¹² Bage, yidda na yoppa-Ya, takka yidda da madautadi yidda ata mangieda oronage bada paddege na Yesu na tekkiya na tudda tubadani yidda. Bage, da duddakani Yesu mono da kako. Tubana ba bayar welli katuowa. ¹³ Bage, yidda da patukadi yidda pirra ata Farisi mono ata Herodian bada mai barrana Yesu ga'i kada jebakya waige patekki dou-Na. ¹⁴ Da mai mono lidda barrana Yesu, "Guru, ma paddege You mu benar mono dou pedulima patekkida ata waddeka. Oronage, You ba dou ieta penampilan ata takka mu bowodi larana Allah a bia. Na benarawe ba ya welli katuowa barrana kaisar atau idda?" ¹⁵ Ma bayara atau iddama? Takka Yesu, ne bana paddege munafik da, linnadi barrada, "Appa maka mi nunga-Wa? Ngiddiya barra-Gu iyya dinar ga'i kaku ietaya". ¹⁶ Bage, da ngiddiya, mono linna Yesu barrada, "Gambar mono garra tulisan nadi neya?" Da walewe, "Gambar mono tulisan kaisar". ¹⁷ Bage, linna Yesu barrada, "Yanadi kaisar tubana kaisar mono yanadi Allah tubana Allah". Mono, da heran ni Yesu. Patuada ata Saduki ga'i kada jebakya Yesu. ¹⁸ Bage, yidda ata Saduki a linnana da'ima kedde bali, da mai barrana Yesu mono da tua-Ya, lidda, ¹⁹ " Guru, Musa na tulisawe barrada itta tubana na ata a mangu anguwuana, mate mono na ga'ini ole ummana, takka da'ima anana, na anguwuana na nikah dengani na janda mono na yani keturunan na anguwuana. ²⁰ Wa'idi yidda pittu ata a pa anguwuana. Anguwuada iyya na deke mawinne, mono ne bana mate, da'ima anana. ²¹ Bage, na anguwuana ka duadana na nikah dengani na mawinne, mono na mate alla da'ima anana. Linna alla anguwuana ka toudana. ²² Mono, da'ima yidda pittu a pa anguwuana a mangu anana. Bage, na mawinne na mate alla. ²³ Ne loddo ba kedde bali, ne bada kedde, garra ole umma konani na mawinne? Oronage, yidda pittu a pa anguwuana na nikah denga kuabadi". ²⁴ Na waleyi Yesu, "Ne da ngiakawe alasan bei sillira, oronage ba dei paddege Kitab Suci atau kuasa Allah? ²⁵ Oronage, ne bada kedde bali walina mate dana, da'ima a nikah mono pa panikahda, takka yidda da dadi malaikat nee Surga dana. ²⁶ Tubada yidda ata mate pa pakedde balida, dei baca mawe nee Kitab danana Musa, tubana semak belukar, pei wa'ina Allah bana panewe barrana, "Yauwa Allah Abraham, mono Allah Ishak, mono Allah Yakub? ²⁷ Ngia da Allah ata mate maya, takka Allah ata a muorika. Yemmi mi sillira takka!" Pareta a louka penting. ²⁸ Bage, na iyya ata a walina yidda ahli Taurat da mai mono da rengeyi bada berdebat. Ne bana ietaya na Yesu bana wale padessayi, na tuaya Yesu, "Gie paretaya a louka penting walina ngara dukkana?' ²⁹ Na walewe Yesu, "Ukku a louka utama ngiadona : Rengewe, ta ata Israel! Muori Allahda ngiadona Muorida. ³⁰ Mono, manawarani Muori Allahmu waige atemu, mono waige diewamu, waige pa pangeddamu, waige kullisamu'. ³¹ Mono, a ka duadana ngiadowe : Manawaradi ole atamu a linnana tou doumu'. Da'ima ukku a louka kaladana walina neya'. ³² Bage, yidda ahli Taurat lidda barrana Yesu, "You mu benar, Guru. Mu benara ba lummu Ngia iyya kadoni, mono da'ima waddeka Ngiakadona. ³³ Mono, manawara-Ni waige atemu, waige pa pangeddamu, waige kullisamu, mono manawaradi ole atamu a linnana tou doumu, memang a louka penting powe walina ngara dukkada kurban patunnu mono persembahan". ³⁴ Bage, ne bana ietaya na ata na wale bijaksana we, linna barrana, 'You dou marroma walina Kerajaan Allah dana'. Bage, da'i kiama a berani tuaya Yesu. Kristus ngiadona Muori. ³⁵ Mono, sambil bana bowona ata nee Bait Allah dana, linna Yesu, "Pei wa'ida yidda ahli Taurat ba lidda na Kristus ngiadona Anana Daud? ³⁶ Na Daud dou linna nee Roh Kudus dana, 'Linna Muori barrana Muorigu : Madi'iwu nee tuba kawana-Gu, dukki baku tauyi yidda musuh-Mu kabu wa'i-Mu'. Mazmur 110 : 1 ³⁷ Na Daud dou na tekkiya Kristus sebagai 'Muori'. Bage,pei wa'ina na Kristus ba ana nani?' Mono, yidda ata mangieda da maringa bada renge-Ya. Patada aroda yidda ahli Taurat. ³⁸ Ne pengajaran dana-Na, linna Yesu, "Pa atekimi aroda yidda ahli Taurat, a beige kako waina kalabbe malou mono da beige deiba salam nee padou ata mangieda, ³⁹ mono wa'i padouda nee perjamuan dana. ⁴⁰ Yidda da parimage ummada yidda janda mono a linnana alasan da pamalouge bada sabaya. Yidda da deiba ukku a louka pa buoto'. Persembahan sejati. ⁴¹ Bage, Yesu na madi'i bana aroni kotak persembahan mono na pa atedi yidda ata a patamana ritti nee kotak persembahan dana. Mangieda ata pote a patamana ritti mangieda. ⁴² Bage, na iyya mawinne walu a milla na mai mono na patamana duada keping ritti bessi, iyya sen. ⁴³ Bage, Yesu na paoudi yidda murita-Na mono linnadi, "Yauwa ku tekki takka guge a bia barrami, na mawinne walu a milla na patamana louka paluona nee kotak persembahan dana walina ngara dukkada ata waddeka. ⁴⁴ Oronage, yidda ngara dukkada da yana a walina padouda a mangieda, takka na mawinne walu a milla na yana walina milla danana, na yayi ngara dukkada pa douna, ngiadoyi ngara dukkada nafkahna'.