¹ na geile debora monno barak anana abinoam dukkini nai loddo,lidda: ² '' deikaya Muori! oronage pahlawan israel a patauna,a beige ya wekkina. ³ rengngewe,hai tokko-tokko!patangngaradi katillumi,hai penguasa-penguasa!geile luggu;bermazmurguge tubana Muori,Marobba Allah israel. ⁴ Muori,dukki nou lousona wali seir,dukki bou paga kako wali tana edom,ponnu tana na kaguayakawe,langita na tirisawe,kawuta na palaige weenage. ⁵ letena da kaguayaka ne aro-Mu Muori,monno sinai,wali aro-Mu Muori,Marobba Allah israel! ⁶ nee rasina samgar,anana anat,nee rasina yael,dai kiama lara,monno kafila kakoninlara a kalego. ⁷ da kadenna ata dusun nee israel,kadenna dukki banna kedde debora,na kedde banna dadi innada ata israel. ⁸ da pidi allah-allah waddeka a bouna,makka na dadiwe patauna nee barra binna tama.peina na oudawe temboka monno perisai,ne barra pata kabullu rata ata israel? ⁹ ategu na aroge lai panglima israel.a bali ya wekkina.deikaya Muori! ¹⁰ yemmi,a kalete keledai kaka,a madii togo permadani,a kakoni lara malou,tekkiwe! ¹¹ lii ata rengngeyi,nee padou-padou oke wee.nee bali,da geilege parawina Muori,parawi-Na lai pedusunan nee israel.dukki nee,umatuna Muori da burru binna tama! ¹² keddege,keddege,hai debora!keddege,keddege,tekkiya geile! keddege barak!dutuyi pakolemu,hai anana abinoam! ¹³ kamurrinage,da burru bangsawan a iangana,monno umat Muori a paresa ata-ata a manadana. ¹⁴ wali kabisu efaraim,kalarritana a walina kabisu amalek,diakugu you,kabisu benyamin.marengngadi rakyatmu.wali kabisu makir,da burru panglima.monno wali kabisu zebulon,yidda a ngiddi tokko pembilang. ¹⁵ dommo a pimpin kabisu isakhar marengngani debora,lidda dommo kabisu isakhar diakuni barak.pawedeya kabu ngaba banna kako aina wai.tapi pasukan kabisuna ruben,mangiada papangeddada ne ate danada. ¹⁶ appa makka mu kadenna ne barra gollu ba neege a patoo seruling ole ranga?oronage,ne pasukan-pasukan kabisu ruben,mangiadayi papa ngedda ne ate dananada. ¹⁷ ata gilead da madaka nee bali loko yordan;monno appa kabisu makka da madaka ne kapala dana?kabisu asyer da iangana nee uppu bonnu,nee teluk-telukna da madaka kadenna. ¹⁸ kabisu zebulon ngiayi bangsa a barani tekki patawe lolo ngauda;monno kabisu naftali nee padou a madiata nee uama dana. ¹⁹ tokko da mai patauna.dukki neege da patauna tokko kanaan nee taanakh,barra mata wee megido.tapi peraka pa sibbata dadda deibama. ²⁰ wali togo langita,da patauna aroni sisera. ²¹ loko kison,na piali gobba;loko a terkenal wali ettipona,loko kison.kakoge,hai tougu,waige kullisa! ²² dukki neege,na punniyi kuu dara ,da malle dara'da da kullisa. ²³ '' na terkutukawe meroz!''lii Malikat Muori.''kutuka padukkayi pendudukana.oronage,dadda maima tuluni Muori;ba dadi papa wedena Muori ba dadi pahlawanuna Marobba Allah. ²⁴ berkatiyi mawinne waddeka,yael,ole ummana heber,ata keni;berkatiya wali mawinne mawinne a waina nee kariaka dana. ²⁵ wee padengngina monno susu payanani;kuabadana a manadana na yani dadih. ²⁶ limmana na sorona katukku,limma kawanana na deke palu tukang.bage,na paluya sisera monno na pousonage katuawana.pubbukaya monno na puata togo pippina. ²⁷ na bukkana togo waina,mate na kaboula,togo waina,na kaboula monno mate,ne padou kaboulana.nee bali na mate monno pubbukanni. ²⁸ wali togo jendela,na patiatina innana sisera;wali jendela a buawa na pa ouna,''appa karetana makka danna mai duakowe?appa karetana makka dappa rengnge duakoya sadekka kia?'' ²⁹ dayanguna a padde da waleya,ngia dou dommo na walewe patekkina: ³⁰ ''badda makole kaddona monno bare-bareyi pakole'da,duada mawinne tuba da garadukkana ata? pakole ingngi a mangiada warnana tubana sisera,pakoleda kaba pa sulamu a iaka-iaka warnana,na iaka-iakayi pakoleda,badda tauyi togo koko'na.'' ³¹ linna dommo badda mate kuayi gobba-Mu,ya Muori.lokko balinnawe,ata a manawwara-Ni na ouda a linnana mata loddo timur banna singngara!''kamurrinage,na amanawe ne negri selama pata kabullu dou.