¹ kamurrinage,ata israel da janji nee kota mizpa.ne ngiawe janji'da,''daima lakka iyya ko ata wali itta a yaya ana mawinnena banna dadi ole ummada ata benyamin.'' ² ata israel da kako nee betel.nee bali,da kadenna ne arona Marobba Allah monno da ngio kalada takkadi liida dukki mamale. ³ lidda,''Muori,Marobba Allah israel,appa ne makka na dadiwe ne lai ata israel,ne iyya kabisu wali israel banna dadawe?'' ⁴ dukki kuakage,yidda ata da padede mezbah monno ya kurban patunnu duguda kurban dame. ⁵ kamurrinage,ata israel lidda,''wali ngaradukkada kabisu israel a mai,garra ni kabisu a idda mai aroni Muori?''da tuawe ne a linnana oro ba bali janji takka'da ba garrani a idda mai aroni Muori marengadi kabisu waddeka nee kota mizpa uku mateya. ⁶ ata israel da kasianudi kabisu benyamin,du ole dadi'da.lidda,''nii loddo bali biatana iyya kabisu wali israel. ⁷ ba jajnji'da ne arona Muori ba datta pakaidi ana mawinne'da badda nikah dengngadi ata benyamin.bage,appa kona pa rawi'da gaimu kadda kolena ole umma'da?'' ⁸ bage,ata israel da matua,''garrani wali israel a idda mai pakassana aroni Muori ne mizpa.''da iatawe ba dai pongngu iyya ata wali du'na yabesh-gilead a mai monno pakassana ne kariaka dana. ⁹ kamurrinage,da periksa kuayi ata,memang linna takkawe daima iyya ata a walina yabesh-gilead a waina. ¹⁰ jadi,ata israel da pangiddina kabullu duada rata prajurit ne kota yabesh-gilead.lidda'di yidda prajurit,''kako nee yabesh-gilead monno waidi pedangumu pamateyi ata a madaka nee bali,mawinne monno lakawa. ¹¹ rawige neya!pamate kuayi kabani monno mawinne a bali olena kabani.'' ¹² da tabbokayi pata ngasu bua winne nee penduduk yabesh-gilead a idda ole ponna kabani.da ngiddiyi kariaka dana nee silo a neena tana kanaan. ¹³ ba neege,ata israel da pangiddina panau lai ata benyamin a madaka nee watu karang rimon badda tekkiwe dame. ¹⁴ ata benyamin da bali nee israel.bage,ata israel da yayi yidda bua winne a walina yabesh-gilead dappa pamate'da,tapi danna tutumayi luada tuba'da yidda kabani benyamin. ¹⁵ da kasianudi yidda ata benyamin oro Muori bali rawinage retaku lai kabisu-kabisu israel. ¹⁶ rato-rato israel da panewe,''mawinne kabisu benyamin bali dukkada ba pamateyi.appa na parawida gaimu kangaddodo ole ummada yidda ata benyamin a muarikapo? ¹⁷ ata benyamin a muarikapo waipo ana'da gaimu kadda pakitage paburruda.ne rawipoge gaimu yidda kabisu israel illa da dukkana! ¹⁸ lokko balinnawe,datta bisama pa yayi ana mawinneda badda dadi ole ummada,oro ba bali janji da a linnana neya,'da terkutukayi ata a yadi ole ummada ata benyamin.''' ¹⁹ kamurrinage lidda,''iyya dou-iyya dou waige urrata tubana Muori nee silo,a nee'na tuba utara betel,tuba timura lara a sagana wali betel nee sikhem monno tuba selatan lebona.'' ²⁰ lidda'di ata benyamin,''kako monno kabunni nee uama anggur. ²¹ patiatidi,dukki yidda lakawa mawinne silo badda lousona pa nego,mi lousona wali uama anggur,padou kabunnimi.mi yoyoppa dou bua winne a walina kota silo.ngiddiya na mawinne nee tana benyamin bage kei nika dengngadi. ²² ba ammikodi ama monno du'da a tuntutama,ma tekkikowe,'manawwaradi,gaidi kadda dekeyi yidda mawinne.oro dadda dekema mawinne badda padadi'di ole ummada dukki rasi patauna.yidda a dekeyi yidda mawinne,jadi dei langgaramawe pa janjimi arona Marobba Allah.bali janjimi ba dei yadi mawinne badda dekeyi.dei yamayi mawinnemi lai ata benyamin,yidda a dekeya wali barramu,dei palamage janjimi.''' ²³ bage,ata benyamin da rawige a linnana.da yoppayi mawinne a nego,luada mawinne payoppada miarada luada yidda.kamurrinage,da bali nee tana'da da pakedde baliwe kota'da ne daerah da madaka nee bali. ²⁴ monno,ata israel bali nee tana dou douda a linnana kabisu-kabisu douda. ²⁵ dukki rasi,daimapo tokko israel,ata da riwi douge a bennara a sesuai pa iata douda.