¹ bage, ammi kuadi kabisu isreal lai daud nee hebron bangngata ba lidda,''karurunage,yamme raa kalita mugama. ² monno dommo wali a ullu saul banna paresama,you donna a tentukange louso monno tama da ata israel.Muori bali linna barramu,'mu dawagaddi umatu-Gu,ata israel;mu dadi tokko'da bangsa iasrael. ³ ammi kuadi rato israel badda aroni tokko nee hebron,monno tokko daud na rawige janji nee hebron ne arona Muori.bage,da urapiya daud monno na dadi tokko'da israel. ⁴ daud touda kabullu douna banna dadi tokko,monno na paresa selama pata kabullu dou. ⁵ ne hebron,na paresa nee yehuda selama pittu dou enne wulla,monno na paresa nee yerusalem touda kabullu touda dou lai ngaradukkana isreal monno yehuda daud na kuasawe kota yerusalem ⁶ na kako tokko monno atana nee yerusalem,badda todoyi ata yebus ata nee negri.da panewe lai daud lidda,''dou bisa ma pa tama nii,oronage karurunage ata kabuala monno ata ka belo da pamatewu.''karurunage,da panewe lidda wai gaimu daud illana na tamage. ⁷ tapi,daud na dekewe kuba padou pariama sion,nee kota daud. ⁸ dukki nee ge daud na panewe,''garra a pakalayi ata yebus da tamapo li pa dou linage wee,oronage ata kabeko monno ata kabuala na benci wali ateyi daud.''oronage neege,ata da panewe,''oata kabuala monno ata kabeko illa da tamakanna ne bait dana.'' ⁹ daud na madaka ne kubu pa dou pariamana monno na pangarage:kota daud.na pakullisawe barrana,mulai wali milo dukki tuba dana. ¹⁰ madodoiwe daud na taba kaladage kuasana,oronage,Marobba Allah,ponnutana na palolo dengngani. ¹¹ hiram,tokko negri tirus,pa ngiddina ata lai daud,marengngadi tukang wasu monno wasu aras,tukang bessi monno parii,duguda tukang watu,badda padedewe temboka istana na daud. ¹² paddenage daud ge bahwa Murori bali menne nanni banna dadi tokko da israel,na keketannage kerajaana oro umatu-Na,israel. ¹³ daud na deke kia pirra selir monno ole ummana nee yerusalem ba banna mai wali hebron.na dadi kia tubana daud lakawa kabani monno lakawa mawinne. ¹⁴ yidda ngiayi anan'na a dadi nee yerusalem:syamua,sobab,natan,salomo, ¹⁵ yibhar,elisua,nefeg,yafia, ¹⁶ elisama,eliada,monno elifelet. daud na patauna gobbadi ata filistin ¹⁷ ata filistin da rengnge ba urapiya daud banna dadi tokko'da israel.bage,da mai kua ata filistin badda yoppaya daud,na rengngewe daud,bage na kako pa dou pariama. ¹⁸ ammi'di ata filistin bage da ma tallara kabu refaim. ¹⁹ bage,daud na tuaya Muori linna,''ku kakopowa gobbadi yidda ata filistin?ku yayi yidda ne limma danagu?''Muori na waleya daud,''kakoge,oronage bali patetapuguge bakku yayi ata filistin ne limma danamu.'' ²⁰ na daud nee baal-perasim monno na pakalayi nee padou.bage linna daud,''Muori na sarobotaddi gobba ne arogu a linnana ba sarobotanna wee.''oronagge nee,ata da pangarage ne padou baal- perasim. ²¹ ata filistin da duddakadi berhala 'da nee bali,bage daud duguda olena da keketawe. ²² pakitanagege,sadekka kia ata filistin da mai monno ngaddo nee kabu refaim. ²³ bage,daud na tua kiaya Muori,monno na wale,''illa kako kanna.woletadi dukki lira wali bali wasu kertau. ²⁴ ba bou rengnge punni wai a kako ne ponnu wasu kertau,nee ngiawe rasige bou ngettana bertindak,oronage nee rasi ngia banna lousona Muori ne aromu banna pakalayi ata filistin.'' ²⁵ bage, daud na rawige a linnana papa wedena Muori,ba makkana pakalayi ata filistin,wali geba dukki nee barra gezer.