¹ waini iya kabani a walina ramataim-zofim,letena efraim.a ngarana Elkana,ana na yeroham,ana na elihu,ana na tohu,ana na zuf,ata efraim. ² duada da oelummana.ole umma ulluna ngarana hana,monno ole umma ke duadana ngarana penina.penina mangu ana'na,hana daima ana'na. ³ Na kabani na kako wali kota'na wali dou monno doutuba bana deikaya Muori monno bana ya kurban barra-Na Muori ponnutana nee silo.nee bali,dua da ana na rato eli yiddi hofni monno pinehas,dadi rato'na Muori. ⁴ dukki rasi ba'da ya korban,elkana na ya'ya penina,ole ummana,monno ngaradukka'da ana'na kabani monno mawinne tuba ba yayi korban. ⁵ Bage,hana ya'ya iya tuba aro,oronage hana na manawwarani Muori lakka bali tuadi konage padou pa'ana na.penina na pakaroddukanage ate na hana ⁶ tapi marrena pakaroddukanage atena monno na rawini banna milla gaimu kanna gusar.oronage,Muori bali tuadinage padou paa'na na. ⁷ ne linna dowe a dadi iya dou iya dou.Hana banna kako'ko umma Muori ,na karoddukawe ate'na monno na ngio dana nauma panga'a. ⁸ makka,elkana, lai'na na tuaya hana,''appa makkamu ngio'wa monno appa makka dou nga'a wa?appa makka na millawawe atemu?appa dakku louka papa wellima wali kabullu lakawa kabani?'' padengngina hana ⁹ Hana na kedde ba ba'da ngaa monno ianu nee silo.dukki neege,rato eli na madi'i togo kursi barra pari'i binna umma bisa Marobba Allah. ¹⁰ touna hana na meranawe,ba na dengngi barra-Na Muori sambil bana ngio ekki-ekkina. ¹¹ bage, na tekki nazar,linna,''ya Muori ponnutana,bou iata takka dowe ne sengsara ata-Mu monno bou lolo monno dou dengngamani na ata-Mu,gaimu kou yani keturunan na ata-Mu iya lakawa kabani ,gaimu kaku yaya barra-Mu Muori.selama banna muarika,kiato kikkira dana todo manna ge katuawana.'' ¹² tapi ,oro banna ma dengngi pakita nee barra-Na Muori,na eli na patiatinage ngadana. ¹³ na hana panewe ate dananage,roo wiwwina muddi mudduwe lii na dappa rengngemanage,makka,na eli na anggapuya bana mabuka. ¹⁴ eli na panewe barra'na''dukki pirra madoi bou mabuka?marro wali anggur a pamabuka.'' ¹⁵ Hana na wale,linna,''iddama muari,yauwa mawinnewa a karodduka atena.anggur atau pa ianu pamabuka dengnga dakku ianuma.palouso kuaguge i ategu aro-Na Muori. ¹⁶ illamu pa dadi kaga mawinne dursila ne aromu.oronage,mangiada papa ngeddagu monno susawe ategu dukki bakku panewe madoi a linnana.'' ¹⁷ eli na wale linna,''kako weemaringngi wee malala.Muori israel na yagu appana padengngimu barra-Na .'' ¹⁸ linna hana,''gaimu atamu kanna kolena manawwara ne aromu.''kamurrinage,na mawinne na kabali bana bali.ba neege,na nau pangaa monno matana danna milla kiamawe. ¹⁹ kuaka loddo,da kedde kabu gedde,da kawodo ne arona Muori.kamurrinage da bali wali nee umma'da nee rama.dukki elkana banna oleni hana,ole ummana.Muori na loloya.dadina samuel ²⁰ makka iya dou kamurrinage,hana na patia monno pa anani iya lakawa kabani.na pangarani na lakawa kabani ngarana Samuel,oronage linna,''walina lai Muori bakku dengngi ya.'' ²¹ kamurrinage,na kako lai'na,elkana,duguda i ummana ya pa'ya barra-Na Muori kurban pa ropo monno korban nazarna. ²² tapi hana danna kakoma,linnani la'i'na,''na lakawa dukki ba iaka koya,ku lippa tauya tuba ba aroge ne hadiratuna Muori.na madaka nee bali selama banna muarika.'' ²³ elkana na wale,lai na,''rawige pa beimu a dessa.madaka dukki bou iakaya ya.semoga Muori kanna ponnuwe patekki-Na.''bage, na madaka na mawinne banna pasususya anana dukki bana iakaya ya na lakawa. hana na marengngani samuel barrana eli nee silo ²⁴ bage, dukki na lakawa ba iakaya,na marengngani monno iya sapi mane a touda douna,iya efa tepung,monno sebuyung anggur,bage na lippa tauyi nee umma-Na Muori nee silo.na kii pongngu pona na anana. ²⁵ ropoya na sapi mane,bage na ngiddiya na ana na barrana eli. ²⁶ linna,''ya,you,muarigu a muarika.yauwa dona mawinne ettipina a dede niiya,barramu muarigu ,tuba bakku dngngi barra-Na Muori. ²⁷ tuba bakku kolena ana na ngiadon lakawa pa dengngigu monno Muori na yaga appana pa dengngigu,padengngigu wali barra-Na. ²⁸ makka,yauwa dommo ku yaya barra-Na Muori,selama banna muarika,na dadi douna Muori.''yaya na lakawa barra-Na Muori,bage na kawodo barrana Muori.