¹ na kedde muaritana gobbadi israel na laikuya daud banna yiapadi luada ata israel. ² Daud linnani yoab monno pemuka rakyat,''kako monno yiapadi ata israel wali barsyeba dukki dan,bage ngiddiwe hasilunna barragu kakku paddedi luada.'' ³ yoab na wale,''gaimu Muori kanna taba di luada uamatu-Na nagsu kali lipat,ya muarigu tokko.yidda ngaradukka da ba ata kadomudi muarigu?appa makka mu dengngiwawe ne a linnana?appa makka ata israel luwa a taguge ne jala?'' ⁴ lokko balinnawe,ne papawedena tokko na diakupoge yoab,ba makka na kako yoab woletage ngaradukka nage israel ba makka na bali nee yerusalem. ⁵ bage yoab na tekkinage hasil daftar rakyat patulisana lai Daud.ne ngaradukkanage israel,iyya juta ngasu rata da ata,monno ata yehuda pata ngasu pittu kabullu ata a padde pawaina pedang. ⁶ ata lewi monno benyamin danna patamamadi ne daftar dana,oro nage ne patekkina tokko na keji we linna yoab. ⁷ ne a linnana na buakalawe ne aro na marobba Allah ba makka-Na ajarayi ata israel .marobba Allah na ukudi ata israel ⁸ bage, daud linna lai marobba Allah,''bali jalagu bakku rawige ne a linnana.neeya,pamarrona jalana na ata-Mu oronage na ngadewe ne parawigu.'' ⁹ Na tekkiwe lii-Na Muori lai gad,pa iatana Daud,linna, ¹⁰ '' kako monno tekkinage Daud,'ne linnawe lii Muori:touda a dadi ku pa aroguge barra mu,pidi iyya wali touda kaou rawige.''' ¹¹ na kako gad lai daud,bage linna,''ne linnawe lii Muori:mu pidi: ¹² appa toda dou kariaba,atau touda dou kiadu wali aro gobbamu pedangngudda gobba ammidi a diakugu,atau touda loddo pedangunna Muori,karodduka sampar ne tana monno malaikat Myori na pamai damo ne ngaradukkanage israel.neeya,pangedda ge appa na pawalemu gaimu kakku padukkige lai ata a pawedewa.'' ¹³ Daud na wale ya gad,''na susah pongnguwe ate gu.gaiga kakku kaboula ne limma danana Muori,oronage na kaladage manawwarana.lokko balinnawe,gaimu illa ku kaboula ne lai limma ata.'' ¹⁴ Muori na pamai karodduka sampar lai ata israel,ba makka da mate pittu kabullu rata ata israel. ¹⁵ bage marobba Allah na pawede malaikat nee yerusalem banna padamoyi,dukki banna pa damoyi Muori na iatayi monno na menyaesal oro ne malapetaka.kamurrina lii-Na ne lai malaikat a padamo,''tutuwege! neeya,paburruni limmamu!''neeya,malaikat Muori nee ni a dede barra pengirikan ornan,ata yebus. ¹⁶ Dukki daud banna keketawe matana,na iataya malaikat Muori banna dede ne ponnu tana monno langita pedang palissu togo limmana ne togo yerusalem.bage,na kawodo daud duguda rato-rato waina ingngi kabung ne aro na. ¹⁷ linna Daud lai marobba Allah''ba yauwa mo a pawede yiapadi rakyat,monno yauwa dou a rawi na doku monno jala?lokko balinnawe,appa na bali parawida yidda domba-domba? ya Muori,marobba Allah gu,gai ni limmamu kanna kenna lai du gu,tapi na tulah illa na kenna kayi umatumu''. ¹⁸ bage,na malaikat Muori na pawedeya gad banna tekki nage Daud,na Daud kanna kako padede mezbah tuba-Na Muori nee padou pengirikan ornan,na ata yebus. ¹⁹ makka na kako daud a linnana patekkina gad patekki waina ngara Muori. ²⁰ ornan na wigirana monno na iataya na malaikat.pata anan na a diakuni da kabunni.ornan nee ni a mengirik gandum. ²¹ daud banna dukki ni ornan,ornan na keketawe matana na iataya daud.na lousona wali padou pengirikan monno kawodo arona dadu mata na arona togo tana. ²² daud linnani ornan,''yagage ne padou pengirikan kakku rawina mezbah tubana Muori.yage wellina a luana gaimu na tula kanna ngau a kennayi rakyat.'' ²³ ornan na waleya Daud,''dekewe monno rawige appa na papa ngeddamu a dessa.iatawe,ku ya lembu patunnu tuba wasu api,monno gandum tuba korban sajian.ngaradukka kuada ku yagu di barramu.'' ²⁴ Daud linnani ornan,''iddama,bakku koledi ku woi yi welli da a luana.oronage,dakku dekemayi doumu tubana Muori,ne ba ya korban patunnu padeke kalua.'' ²⁵ Daud na ya masi a buotona enne ngasu syikal lai ornan tuba ne padou. ²⁶ bage,Daud na padede mezbah tuba na Muori monno ya korban patunnu tuba ba pa ou-Ni.Muori na wale li api dana wali togo langita ne togo mezbah paunnu. ²⁷ Muori linnani malaikat kanna pabalige pedang ne wanno danana. ²⁸ ngiadowe rasina Daud banna iataya Muori banna waleya ba neeni a ya korban patunnu nee padou pengirikanna ornan,ana na yebus. ²⁹ kemah suci na Muori parawina musa ne maredda dana monno mezbah korban patunnu a nee na togo lete pengorbanan nee gibeon. ³⁰ lokko balinnawe,daud danna baranima pa kako nee bali monno aroni marobba Allah banna tuana ge pabao-Na oronage na madauta ge pedang wali malaikat na Muori.