¹ bage,ba neege na tae nahas,tokko ata paburruna amon,ba ana na makka na dadi tokko banna siapaya. ² linna Daud,''ku patingngo dage kadda pa ole duguda hanun ana na nahas,oronage ama na bali patingngonage pa ole barragu.''kamurrinage,Daud na pangiddina ata banna padukki ge lii milla oro ama na.lokkobalinnawe,dukki yidda pagawe-pagawe na Daud badda dukki nee negri paburruna amon badda aroni Hanun monno padukki ge lii milla, ³ da panwe a pemuka-pemuka paburruna amon lai hanun,''ne bou pangeddani Daud banna paakani ama mu oro banna pangiddi na ata banna padukki ge lii milla?da kabbu kanage banna saledika,kapadana,bage pahancurage ne negri bamakka yidda pagawe-pagawena badda mai arogu?'' ⁴ kamurrinage,hanun na yoppayi pagawe-pagawena Daud,gutti monno tippukadadi kalabbe da dukki kianga da,bage makka pasellayi. ⁵ da bali,bage makka tekkinage Daud tubada yidda ata ba makka na pawede ata ba tabbokayi oronage yidda ata ba pamakkeyi.kamurrinage tokko linna,''madaka ne yerikho dukki banna tubbuyi wullu nguaramu,bage makka piaku balimu.'' ⁶ ba badda iatayi ata amon ba bali benci dadi daud ba makka da pangiddi ni hanun monno ata amon rata taelnta perak ba kasiawa kareta wali aram-makha duguda aram-zoba duguda ata a waina dara. ⁷ da kasiawa touda kabullu duada rata kareta duguda tokko negrimaakha dugud tentara na da mai berkemah nee barra medeba.da pakassana ata-ata amon wali kota da badda kako patauna. ⁸ dukki daud banna rengngewe,na pawedeya yoab duguda tentara monno pahlawan. ⁹ da kako paburruna amon monn aturayi barisan patauna ne aro binna kota,ba yidda tokko-tokko a mai nee iakadi maredda dana. ¹⁰ dukki banna iatawe yoab ne patauna ba ammige wali aro monno lira,na pdidyi ata pa piadi israel monno aturaya barisan ba arodi ata aram. ¹¹ bage,a louka wali yidda rakyat na tauyi ne pakalokko na abisai,alli na,tuba ba aturaya barisan ba arodi paburruna amon. ¹² linna Yoab,''yidda ata aram badda louka pakullisako wali yauwa,makka tuluga,yidda ata amon badda louka pakullisako wali you,ku tulugu. ¹³ pakullisage atemu,monno mai ka kullisa tuba bangsa da monno tuba kota-kota bangsa da.Muori na rawige a dessa pa iata-Na.'' ¹⁴ bage,da kako yoab monno tenatara a marengngani ba arodi ata aram monno patau dengngadi,ba makka da kiadu wali aro na. ¹⁵ dukki yidda paburruna amon badda iatayi ata aram badda kiadu,yidda dommo da kiadu wali aro na abisai,allina,monno tama ne kota dana.bage,na bali yoab nee yerusalem. ¹⁶ dukki badda iatawe ata aram badda kala wali ata israel,da pangiddina ata monno pawedeyi ata aram a nee na bali loko efrat kako kabu pimpinan na sofakh,panglima tentara hadadezer. ¹⁷ ne a linnana da tekki nage Daud,ba makka na pakassa kuadai ata israel ba makka da palani loko yordan.dukki bali,na aturaya barisan ba gobadi.ba Daud ba nee ni a aturaya barisan ba arodi ata aram monno ba tauyi da patau gobbani. ¹⁸ da kiadu yidda ata aram wali aroda ata israel monno Daud na pamate pittu rata dara kareta monno pata kabullu rata pasukan ata aram a kako tana.sofakh,na panglima tentara pamate dommoya. ¹⁹ dukki badda iatawe ata a madautani hadadezar ba bali pakaladi ata israel,da dame dengangani Daud monno madautani.bage ata aram dadda nau kiama pa tuludi ata wali paburruna amon.