¹ Wali barra Yudas, angindiwe li'ina Amarawi monno anguana Yakobus Arodawe barrada ata pamanawarada Amarawi , monno pakaraghada Ama Rawi. ² Gaine manawara monno maringngi malala gaika engage barramu. Amarawi na hukum ni na ata araige dadia ³ Lede gu pamanawaragu nebalinnawe kupaghilli takkage baku tulisawe oronawe urradewa debbada, naperlu we baku tulisaguwe barramu monno kudengighumi gai yemmi kepaghilli takka penguge na urra dewa mi a sadekka monno dukki mori wali. ⁴ Ghida ata alinna na arawige a sala monno na dekuge ne atena adiraka monno dana beikini Ama Rawi. Monno na salah waige ne manawarana Ama Rawi. ⁵ Ne balinnawe ku beige palolo denga gumiwe langokopo yemmi bi padde ngara kuage na Ama Rawi bana paeudadi ata wali tana Mesir, tapi yidda ata da dekuni Ama Rawi monno dawaini atama neraka. ⁶ Monno malaikat- malaikat adadekugene patikkida, monno agaege ne padeuda , na Ama Rawi a kettedi rante abadi, aneghena kapetadana aleuka kapettana nia ba hakimi yi nemmi loddo akaladana, alinna kaina Sodom monno Gomora. ⁷ Alinna kaina Sodom monno Gomora pangngu kota arawige dirraka na gholawe ne pabei atena , na deibawe ne api amalouna a linna na tudda. ⁸ Alinna kaina yidda ata awaige kanaganippina, adirrakaweki, dadeibakiwe ne patekki aboto, monno a hinawe ngarakuana adiya. ⁹ Mikhael laito a ullu di Malaikat ne bana pataudengadi kabyallika oronawe mayatana Musa dana baranika bana tiki ne dalinna takkana , niakidowe natekkiwe , '' lango na Ama rawi kana bani dougu!". ¹⁰ Tapi yidda ata arawige da dia , tapi appawe ne papangeddana olenadi ranga damangu papa ngedana. ¹¹ Atillira yida ata adekuni na lara padekuna kain, monno agholawe ne a dirraka salah parawina Bileam , monno amate dengage parawida a linna kaina Korah. ¹² A raige da dia ne tillu moripa adia , a nga'a dengaguwe ne nga'a dama dautaki monno damakkeki, niakidowe ba lolowe ne toudouda. Ollenadi kasoba angindi urra pangindi lao, pangindi maida paringngi. Olledadi ghasu da ghua dukkige rapada, appaduadana ba mate, arituka wali kalarata kaladana. ¹³ Ollenadi kanolaka a bennu abani, a rawi deuge dadia, ollenadi ranga utta, aneghena kapttadana mori wali-mori wali. ¹⁴ Monno ghida ata a linna na Henokh, awali keturunan kapittu patkkina Adam " etawela, na baammi kuni ama Rawi rata-rata yi ata adekunawe ne li'i bi'ana. ¹⁵ Gai ka hakimi kuayi ngara kuada ngida ata, ayadi hukuman yida ata arrawige ne diraka barra pola touda, appa ngada kaladana monno paneghe kasar barrana Ama Rawi. ¹⁶ Ghida ata amangellu pakita a' ghegawe ne sala , monno a' dekugene dirraka barra pola toudouda, appa ngada kaladana monno awaige lemmana tubawe toudouna. Kupalolo guwe monno kupanungaguwe ¹⁷ Ngara kua olle dadigu pamanawaragu anga lolowe ne patikkida yidda papalimma paghaeda Ama Rawi Yesu Karetu. ¹⁸ Monno atikkigumiwe, ba nemmi moripa akadukka na ba ghaege da diya adekuge ne adirraka. ¹⁹ Ghidda lage ata arawige dappa papamoda denga, adekuge dirraka penu tanah monno daiki ngau erri barrada. ²⁰ Takkane balinawe yemmi ngara kuami dughu dadi gu pamanawaragu pakeddewe toudoumu ne pennu ura dewamu damangu salah monno madengighu barra ngau amatua. ²¹ Kraghawe ne toudoumu barrana Ama Rawi remawaige ne moripa a ngindi we ne lara adiya. ²² Deuge masallu ate barrada yida ata a'agarra, ²³ Paselamatadi yidda ata abeina tama ne api dana, barrada yida atawadeka, pa etadawe monno boghodawe ne masallu ate, monno pangindige madauta monno pakanirrowekina, yidda ata arawige dadiya ne pennu tana. Deika Ghuddaya Barrana Ama Rawi ²⁴ Barrana Aboto a' bisa nakaraghanghu ghaikadana katunnurakana monno napalousogu awali kadubu barranawe barranawe ne padou amadeta monno abi'sa amadi, monno nayadawe magalora ate akaladana. ²⁵ BarraMu monno barrana Ana Mu Mareba Yesu paledewaiguwe ngaraMu, a' burru padeu amadeta paghessi monno kuasa ama leu indakaila ettipona a' ullu monno nebalinnawe dukkige mori wali-mori wali. Amin