¹ mafakda soa neus fo ala fe hakdak neu mana paleta, ala tunga ma nau tao dedea neu lauk, ² ta mana kokolak hata holifa, ta ma hotek, neu lauk ka, boema ana sue lai basa hata holi laek. ³ te, maka hulun ele ita nggoaka, ta mama hele paleta, mana salak, hihi naun tao dadi ata, naso'da nai tatao manga lauk ka dalek, ana tanau esa lenan boek, lama nasan, ma esa nama nasa esa ⁴ tehu maneu ma, dale neulauk ka ma susuek neme Allah, fo mana soi a, nan nafa'dak ⁵ Ana nasa liku na ita, tehu ita tatao noin ta dei fali na ita, hu no ka'da su'sue'na nenik salanik bobongi beuk ka ma nama bebeu dula dalekka ⁶ fo Ana fe susuen na lenak soa neu ita, tungak Kristus Yesus, fo ita mana soin'na. ⁷ basa fo, lae ana laen tunga Papala babaen Na, sona ita tanu nasa lala'dak neu so'dak losa dodona ⁸ dedeak tete'ek ka ma la'en, tunga ia au nau o tee - tee mae ele la fo kamahelek neu Allah ala tao dedea neu lauk, tataos iala neni malole neu basa hata holi la ⁹ tehu neu ma, heok neme natuik ka mai, bobongik ka mai, musu nasak, ma nahotek nanala tak huno ka,da nafafa'da Taurat te tahapu hata esa neme ndia boek, ma sota mamates. ¹⁰ soa neu hata holi mana maka dada'dik nahotek, mafa'dan lai esa do lai dua, basa ndia sona boso dekan baik. ¹¹ fo o bubuluk hata hpli lo ndiak ka ala fen sala de henuk no sala singok ka, ndia neni huhukuk neu aon na seluk. (Natutu'duk mateek ma nafafa'dak) ¹² basa fo au fe Artemes do Tikhikus leu lo o neu, otaon tao lebek fo, o mai lo au mai nai Nikopolis te aketu basan au leo nai ele losa basa fai maka linik ka. ¹³ nenik o bala kaima lai esakan, tulu fali ma Zenas, fo mana tao paleta ndia, no Apolos te lai eno tala'dak suek kande ala boso toa hata esa boek. ¹⁴ ela loben na ita hata holin na lanoli tete'ek ka tatao noi neulauk dale fo ala bisa dai laa ma pake nggao faik lalaen na ma buna boa takala ¹⁵ hata holi lalaen fo mano Au mafakdas nafa fa'dak neu o a. boema mafa'da au hehelunga neu hata holi sila fo mana sue ami nai nama hehelek esa dalek. Papala babaek nok emi basam ma.