Hehelu-hoholok dudu'ak esa ma dalek esa. ¹ Hu ndia au tolano-tolano ma manasanedak, da'di namahohokok soa neu au, au hapu apadek nai Lamtuakka dalek. ² Au hule haladoi neu Euodia no Sinthike fo laso'da lasuelaiao nai Lamatuaka dalek. ³ Te'e-te'e, au oke neu emi fo tia-lai malolenga lemin, tulu-falimala ina-ina mana malalauono do manasotamangu lo au nai tui benga Lamatuakka hala malolena, boe ma Klemens no au nono fe'engala, fo nakdena nansulak nai susula maso'dak ka. ⁴ Mai tamahoko tahele nai nai Lamatuakka dalek, La'i esa seluk au afa'da mai tamahohoko. ⁵ Ela neu bena emi dale manganana'uma nana bubuluk neu hataholi fe'enna. Lamatuka faina deka. ⁶ Boso makapapa'a dale neu hata ndia boe, hu nai basa-basa emi hihi nanauma neu Amakmantolain nai huhule-haladoima no nmahohokok. ⁷ Amakmatolain moledamena nasalulukuna emi dudu'a-a'afima ma nakaboboi emi dale duduama nai Yesus Krustus Dalena. ⁸ Mate'ena, basa-basa toalano neulauk, malole nai au mata memetenga (mulia), sala singo tak, mana'ahik lala'enna, nankoak lala'ena, matetu mandak lala'ena, basa-basa manamanu na'de kokoak, dudu'a neu lalalau basa-basa ndia. ⁹ Hato fo emi manolin, sipon, mamanenen, ma mitan neme au mai, tao tunga la'i esakan na, so na Amakmantolain mana pala ba'e mole dame Ndia, Ana nok emi. ¹⁰ Besak ia, au amahoko ana seli nai Lamtuakka dalek, hu mate'ena emi lipi-mete au, tehu emi faim ta so. ¹¹ Dede'a kokolak ia au afa'dan nai au dale-dud'a hahapudadainna. ela bena au anonoli au aoinang ia hapudai nai basa dede'ak lala'enna. ¹² Au bubuluk bek ndia toto'ak, ma au boe bubuluk bek ndia fo hahapudadaik. Nai faik lala'en, au anoli, do kila uku dede'a mafuni ma manhapudaikka. ela leobekndia emi makabete do mamala'a, ela leo bek ndia emi manu doi dok do ta? ¹³ Au tao tunga basa dede'ak ma neme Lamatuakka fo manafe bebe'i balakaika neu au. ¹⁴ Hu, emi tatao no'i neulauma emi tulu fali mala au toto'a tatanga. ¹⁵ Emi mesama bubuluk, hataholi kamahehelek manai Filipi, neme tutui bebenga dede'a maso'dak ndia, losa au la'o hela nggolo Mekadonia, hataholi kamahelek esa boe o; ana tanau tulu fali nala dede'a nelauk ia bo'en. Te ka'da emi mesama. ¹⁶ Boe o; au nai nggolo Tesalonika, emi ndu fe au ma tulu fali mala au toto'a tatanga lenak neme la'i esa mai. ¹⁷ Hu, au ta sanga tutulu fafalik ndia fa, te au sanga buna boak fo neni dede'a maso'da matua neu emi. ¹⁸ Au sipo baba'ek ndia no katetemak, ma lenakneme ndia mai. Au anu basa-basan fo au anu basa-basa silala, emi haituas lo au tunga Epafroditus. Emi fefe-baba'em silala da'di neu dede'a tutunu-hohotu kabemenik, mandak ma namahohokok soa neu Amakmantolain. ¹⁹ Amakmantolain Ana pala-ba'e fe emi su'i-betes matua mademaNa, nai Yesus Kristus dalek. ²⁰ Koa kio neu Amakmantolain na'deNa, losa dodona ! Amin. ²¹ Makandudukuk ami matete'ama neu basa-basa makmantolain AnakamahelenNa nai Yesus na'den dalek, ndukulosa tolano kamahehelenga lemin fo mana sama-sama no au nai ia. ²² Basa-basa hataholi kamahehekala haitua fe emi dede'a natete'anna boe, malole lenak neu mana malalu ono nai Keser umanna. ²³ Papala-baba'ek neme Lamatuak Yesus Kristus nok emi nai dula dale ka. Amin