¹ neme Yudas, fo mana tunga Yesus Kristus ma no tolanon'na fo Yakobus, neu emi fo nana helek ma nana suek neme Allah Bapa, ma Yesu Kristus. ² ela lo ben'na, tetu temak ma susue laik lae neu o. ³ tola nong kaa'fak'dinga lemin'na makasi bauk'ka, besak ia au asu, sulak fe o susulak ma au oke o mane ita basa - basa'nga so'da na , au nau tulis neu o, ela lobena o tete'eka o mama hele neu dula dale malole leo hata holi ndos ⁴ te'teek ka hapu hataholi feek ana masok lo emei dalek tehu emi ta bubuluk fan, ndebena neme maka hulunmai nanafa'da basak nana huku dokik, hata holi kama hele tak,ka ana tatao tungan Allah papala baek ka'daka ana nau tao nahe'henu hata nun ma ana nggali heni Tuhan fo Yesus Kristus ⁵ Au afakda ahelek o tehu o tabubuluk basa fan, fo lama tuak ka ana kalua basa hata holin lalaek ka neme dae MESIR mai, basa boema Ana huku basa hata holi fo ta mama helek soa neun. ⁶ soa neu malaikat - malaikat se ndia fo ana tatao tunga dia mamana paletan na so na, ela loben na ala lao hela mamana leleona leok, te ana paan nenik rante mana malutu tak fo nai makiuk maka hatuk dale fo nai nakeketuk fo fai mantua ndia. ⁷ boema leleo Sodom no Gomora ma nggolo - nggolo mana dekak manai ndia, ana nau kakda tao sala singok neme sasao makahatuk ka ma hihi nau ta manaa fa, ana hapu huhuku hai pilak leo naka bebenuk ia ⁸ leo iak hata holi iala, hama hele neu sila meina, ana tao salak neu aopan, ana tasipok kuasa, ma ana tahi naka nanae basa hata malole lalaen ⁹ fo Mikhael sa, fo malanga malaikat, no nitu lalea Musa kapolan na sa, ana kokolak bake dedeak tama lole neu nitu fa, kakdak ka nae leo ia, "ela lobena Lamatuak ka nama nasa o!" ¹⁰ tehu, hata holi mana maka tutukdak iala ana kokolak dedeak ndebe fo ana ta bubuluk fan, lalak ka basan nde ala tunga kakda duduan na, leok bana fo tamanu duduak fa. lo iak ka sona hata holi sila nana tao naka lulutuk. ¹¹ soe lae neu sila! sila la ala tunga kain enon na, fo ala usi kakda salak fo nana taok neme Bileam, fo mates leo Korah tau nahotek. ¹² hata holi iala leok mangge ngeok ka nai Perjamuan o susuem ma, fo naa nanaak no o sama - sama ma ana ta bi nggenge fa, ana mete kakda ao inan na mesak kan. leo koas fo ana ta ukda, fo anin na fun loia ma lo ele neu. ala sama ka leok ai fo losa fai naboan na tehu tanaboa fa, maten lai dua, ma ala fea heni basa okan na. ¹³ sila leok loli matua tasi dale, fo kakda na fufukde muti muk soa neu sila seluk. ala leok nduk mana lalaok ka, soa neu sila maka hatuk makikiuk ka ala ela losa dodon na. ¹⁴ leok hata holi iala Henok, fo bobongik neme Adam mai, nafakda dedeak ana sanga dakdi, "mete leok, Lama Tuak ka mai no hata holi kama helek lifun, ¹⁵ fo ana tao nakeketuk neu basa hata holi a; ana huku basa hata holi kama hele tak leok basa tatao kasalana fo nana taok nenik tipu dai a, maleo basa dedea kola tamalole fo hata holi kama heletak fo nalena nalanga neu Allah." ¹⁶ sila ndebena hata holi fo ana ta hapu tetu temak, ana sanga kakda hata holi salan, ma ana tunga kakda hihi naun na mesan; mana maspepekok ma mana lame hata holi feek ela lobena ana hapu dai (Nafa nde ndelek ma Nafakdak) ¹⁷ tola nok kaa fakdik fo au susueng a,omafa nde ndele mahelek hata fo nan nafakdak neme Rasul - rasul mai* ita lama tuan na, Yesus Kristus ¹⁸ basas lafakda soa neu o so, "fo fai mateek ka, hapu hata holi mana maka mamaek hata holi ana tunga kakda dudua kamahele paleta tan na." ¹⁹ sila nde bena hata holi mana tao musu nasak, ana tunga kakda dudua daebafan na, ma tananu Roh*. ²⁰ fo, emi au tola nong kaa fakdik fo Au suek ka, sue lai o ao inama seluk no o nama hehele malaoka ma hule hala doi neu dula daleka*. ²¹ maka boboi o ao inam ma nenik susueka neme Allah ma mahani duduak neme lamatuak ka mai, fo Yesus Kristus, fo maneni lo sokda mana basa tak dale. ²² manu dale susuek neu hata holi mana tabisa hoi nakeketuk fa, ²³ masulu ma hata holi fe en na ma loso henis neme hai lain mai. lo feek kala boe, matukdus susue laik ma bibi maek, ma mama nasa hata holi mana mangge nggeo boloas nenik ma mana tunga duduafik dae bafak ka. (koa kio neu Allah) ²⁴ Soa Ndia, na nea o fo o tatukda fa ma neni o no tetu temak losa nai ma mana paletan malalaona matan na no nama hohoko matua. ²⁵ soa neu kakda Ndia mesakan fo Allah, fo mana soi a, tunga Kristus Yesus, ita lama tuan na, neulaun na, nakde matuan na, Bala kain na, ma paletana losa dodona: maka hulun ele, besak ia, losa dodona. Amin*.