¹ Saiboho si Yesus mawaturu kahi a murid-muridNa a saloyon Tiberias bo Sia mawaturu kahi batangan Na kelei Hu: ² A saloyon ioho sumesen Simon Petrus, Tomas pa kuaan Didimus, Natanael, a Kana ang Galilea bo manga wata Zebedeus bo rua tow murid-Na balina. ³ Kuai i Simon Petrus besilatahula besia: a hamitahula moho bo sihow. Silatahula matang osa sumake a mbohitu, sumata bengi ioho silatahula ahii bana mange tiniho. ⁴ Awahem tumatangoai nendo i Yesus tumotod a salayon sumata murid-murid ahi mahailah. Sanioho si Yesus. ⁵ Kuani Yesus besilatahula: “E mangawata Ku bana kan bo dak?” Kuamitahula: “Alahem.” ⁶ Osa kuai Yesus besilatahula, i wasot lolomboknu a kanoal im bohitu iboho homotahula mahaere: saiboho silatahula tumepa lolombok, ahii kahosean ilatahula nde tadoo mio endak. ⁷ Awahem beledna a muridNa kumuai Sia besi Petrus: “Waaho si Tuhan.” Awahem tangaan i Petrus; “Totuu i nioho si Tuhan, osa sia lumatang. Nde alahem moho ilumatang, sa tunia asuang i saloyon. ⁸ Murid-murid balina mahi bo bolutu nde silatahula ahii rekang atoba, awahem bati duangatus hasta mio bo silatahula kumosei lolombok mawuliwuling indak. ⁹ Awahem silatahula melesutai an toba silatahula milah kamo imbaha bo am baina bana dak bo roti. ¹⁰ Kuai Yesus besilatahula: “Meang tahula mange endak e tinihok we mio i hamotahula. ¹¹ Simon Petrus sumake ambolutu osa humose lolombok ihoo a toba mawuli-wuling indak manga wako sangatus limangawulu bo telu usi katakdoana, mande tadoomio sumata lolombok ioho ahii be halenet. ¹² Kuai Yesus besilatahula: “Mayomem mendekpe alahem amepang murid-murid ioho em balanei tumaan besia: “Sisei How?” nde kalahan ilatahula Sia si Tuhan. ¹³ Yesus moho amuka minjoi roti osa yehena besilatahula, keleaho hahi ndak ioho. ¹⁴ Waaho keletuna Yesus mawaturuk imbatangana a murid-murid-Na, ahadem Sia maleng i tumow anepang tow i matem. ¹⁵ Ahadem i mede Yesus kumua besi Simon Petrus: “Simon, bata i Yohanes. Mahales kau be Ahu lebe we silatahula?” Sowaten i Petrus besilatahula: “Totuu Tuhan, kalahan how mahales i ahu. Kuai Yesus besilatahula: “Tapomiangen Domba-domba-Ku!”. ¹⁶ I hua hahi Yesus besilatahula e karuana helewai Simon bata i Yohanes: “Mahales kau i Ahu?” Sowaten Petrus be Sia: “Totuu Tuhan. Sihow mahalah, how mahales i Ahu?” Sowaten i Yesus besia: “Tapomiangennange domba-domba-Ku” ¹⁷ ihua Yesus besia a kateluna: “Simon bata i Yohanes mahaleska how be be Ahu? Sumata mahados nate i Petrus nde si Yesus kumuai tanu kateluna mahaleskah Kow beaHu? Kuana besia: “Tuhan siHow mahala i Pahasa, sihow mahala aboho ahu mahales beHow.” Kuai Yesus besilatahula: “Tapomiangenange domba-domba Ku. ¹⁸ Si Ahu kumua behow: “Kaulitana how mudawe how makes i lubahanu mio nde how malapang bisana mange kahabogenu.” Sumata how i mamoali tu’a. Mehe how kamanu bo tow balina make i how bo meang kow a tampa ahii i habok ngu. ¹⁹ Bo wai i hua Na mawatara hahi kelembisa si Petrus ahad mate. Bo monunga a Ningumeled awahem behuana be si Petrus: “Lumasem Ia-Hu” ²⁰ awahem Petrus sumombai sia milah awahem belehak a murid i malas besilatahula, Atepo silatahula dumatuh mededekoman Kuman atai i Yesus, bo humua helewai: “Tuhan sisei sia mehebe How?” ²¹ Awahem Petrus milah murid i kumuai be Si Yesus: “Tuhan, Asia imamoali besia Pai?” ²² sowaten i Yesus, sa Ahu mabog Sia menonow ahad ahu mahi, aho hii pahurusanu sumata how lumas i Ahu. ²³ Yanasa sumelek abar amepang i papongan murid ioho ahii mate, sumata ahii kumuai besi Petrus awahem: murid ioho ahi mate, saniboho sa si Ahu mabog sanioho tu menonow ahad ahu meleng mahi ahii pahurusannu. ²⁴ Sisia murid i mehe sairi apahasa ia’i bo i mamatih bo kalahaiku sairina totuu. ²⁵ Tadoowe mangawalina awe tinuli i Yesus sumata apahasa ioho daket i mawatih esa bo esa awahem pahasa baitoba iai ahii hatulisan am buku/kitab.