¹ Besi Paulus, sisiu i Tialoh a pandung Ningumeled mēhē’abar dandi kēlembisa menonow asuang Tialoh. ² Besi Timotius bata’ku i halesku a’kohomba: komba bo beles, lenas be Ngeledtow bo Tialoh, Tuhan hita lumas behow. ³ Siahu dumayow a Ningumeled, sinelewiraku karua nate enow kele tinulid manganowoku. Bo salalu mawaimun behow asia papangeleienku, anendo bo wengi. ⁴ Bo sahu mangimun i lue belennu a beyu’knu , siaho mabog milah ihow sumaliku, saboho tadoo kahahi’iku ⁵ Nde ahu mangimun a’kawahemannu kele kamaulengan, waaho eman i tumow pahamunan itumow asuang nenenu Lois bo asuang mamamu Eunike bo ahu totuu itumow a suang batanganu. ⁶ Waaho kawalianoho iwawaimun behow tanu mawataan beles kohomba asia bana behow ambeatangan kamahu a’mbao’nu. ⁷ Apa’an Ningumeled i mehe behita ahii tutu kataloan, sumata tu’tuh mawalembo karowotan, beles bo keeluan. ⁸ wai naam monokia sumairi, sa’ angen Ngeledtow hita bo naam monokia nde ahu totumu be ukum nde sisia , sumata lumas makelam nde InjilNa, nde korowotan Ngeledtow. ⁹ Si sia imawalowid hita bo itumiang hita titing lenas, ahii mapig a tatawoy hita sumata mapig a kahabogen bo beles a kohomba i sia, ahad behombana behita suang Tialoh atalewe mamoali keletepo. ¹⁰ Bo yai talewe bewawaturuna a’ nahian Tialoh hita apa-apa’an Injil i mawalekud kawasa patean bo meangai tumow ahii haerean mosabug ¹¹ Tanu Injil wai’, ahu tinantuna kele mapakua, kele Rasul bo kele guru ¹² Waaho kawalianoho ahu kumelam pahasa ia’i, sumata ahu ahii monikia, nde ahu mahalah besiseiange ahu maheman bo ahu totu’u awahem sia ekawasa amiaha asia niaho pahêmanena bēahu ahad nendo ahian Ngeledtow. ¹³ Kekemen asia niaho tinanganu bēahu kele contoh bēwaturu akamaulengan bo tawoyenu niaho asuang koēman bo beles a’suang Ngeledtow ¹⁴ Sahaan kasiha’an loor, bè ēmaney’Na behita, bo monggonguot metewio a’suang i’nate. ¹⁵ Kalahanu pahasa silatahula a’sakumen Asia Kecil itu malihudem beahu kele Figelus bo Hermogenes ¹⁶ Ngeledtow i mehemai kohomba a’pamalean Onesiforus bo mebale. Waleng natehu. Sia hi’i monokia imogamat iahu a’suang kurungan ¹⁷ A’tepo a Roma, sisia irumameji mangilah iahu bo imetau iahu ¹⁸ Sa’rona Ngeledtow tumuru i kombana be sia anendo Na ahii hapang katadooan tinawoina a Efesus si how lēbē mahalah nde siahu.