1
Nde hita daket makarua matawoi, i hua i musi sarona naam kamotahula ê beles i kohomba, maindoo ahem toro.
2
Nde kukua i Firman : A tepo ahu metenaan tumanga ahu be tow. Osa a nendo ahu mawawia i how, owodaiku how apaan i ai taleweem e tepo i wetenaaku, osa i nia ê nendo pawawiaan.
3
Ana sia mange ahii hamitahula i mawawisud i tow saniboho a pasalian i hamitahula a hihi maere soro.
4
Maleng i hawalengai a pahasa tunilid i hamitahula i turu i hamitahula apaan kamitahula masali a Ngêlêd tow. Waaho i tumahang karua i nelud bo papongigon, kahenengan, bo kasusaan.
5
Animigon a suang i torunggu bo kaurasian a nimapalo-waloh osa êmahiaha bo i mogindis.
6
A kataran i nate, kawa ute, elud, koimunan i nate a suang i Roh Kududs bo beles ahii haliut.
7
A suang i kaulitan i kawasa i Ngêlêd tow a mawake mangakelid kaasan tanu suma tumogas.
8
A Noras pinoniri, anoras e noras, anoras, pinoonapa anoras pinedayow, anoras pinakatam sata pinaheman.
9
Kele tow ahii kailalaan mainjo pawulian, kele tow toyo ta i mate, ta tetap kamitahula menonow, kele tow bine, takahii i mate.
10
Kele tow imatape, tak mainjo mekahi-kahi lengei tak i mawasiha i manga tow-kele tow alahem mohore, mandewe kahi kamitahula tadoo kapunyaan.
11
Ei manga tow i korintus i hua i hamitahula be homotahula ate i hamitahula binuhaananto tanu kamutahula
12
Osa hahi bana tampa loas a nate i hamitahula, tanu hamitahula si nadi tampa keneng a nate i homotahula.
13
Osa i ai talewe mainjo masalikuan, juahu kele a manga hedoku i habowang nate.
14
Naam kamotahula kele tu kateteb a tahii timbahel kele tow ahii noeman nde asia pekelean a nepang i kaulitan bo keselibaan bo kelembisa e tenang mainjo esa bo demdem?
15
Asia pekelean a nepay i Yesus bo sumesenggot. Asia beteng i toow maheman bo ahii moeman?
16
Asia petauang imbale i Ningumêlêd bo berhala? Apaan kita i menonowe bale i Ngêlêd tow-kukus i kaol metewe wio ahu i wakarua i latahulla, osa ahu menonow nepang i latahula. Osa mamoali ahu Ningumêlêd besi latahula, silatahula hahi mamoalli manga tow.
17
I boho kawalian lumuai hamotahula a nepang i latahula, bo tu mared besi latahula kukua i Ngêlêd tow. Naam mamos asia niahoo e samen. Osa ahu tumirima i hamotahul.
18
Majadi ahu amang i hamotahula osa bataku tuama bo ba taku wene kele a boho kukua i suang i kaol, e mahaimba hut niit.