¹ Waki si Paulus, hamba ni Empung wo si rasul ni Yesus Kristus kaa laa mepepiara e iman ne tou-tou pineleng ni Empung wo en tine’u witu eng kaulitan tanu em paloo’ola witu e raghes ta, ² wo en timo’otolela witu em paarapen lumaa em patou-touan kekal nu reiy’pe’ eng kinetareani en zaman neiy mouw i ta’arla ni Empung si reiy’ matowo, ³ wo witu e nedo neiy i kepa’ar-Nala si minapaloo’o-loo’o mola e nuwu’-Na witu em paabaran e Injil e neiy mouw i emanla wia niaku minatoroan ampit em perenta ni Empung, Lumelawir ta. ⁴ Wia si Titus, urangku sah i ki’it e iman ta mewali: e nupus karunia wo en dame sejahtera waki si Ama’ Empung wo si Kristus Yesus, Lumelawir ta, e rumapitla nikoo. ⁵ Niaku ku timele’u mola nikoo waki Kreta ampit e maksud i yi’i, rio koo tumu’utul sapa en torope’ tu’utulen wo rio koo tumataapla se penatua-penatua waki susur eng kota, tanu e neiy mouw i owerkula wia nikoo, ⁶ nyi’a i yi’i se tou-tou reiy’ si walulang, se makapunya i te esa tu’awewene, se oki-oki’na se matou-tou maka iman wo reiy’ mete’u i ture kaa se matou-tou reiy’ waar ka’apa matou-tou reiy’ minakale’os. ⁷ Karengan tanume si tumetu’utul em bale ni Empung siesa penilik jema’at satorona si reiy’ si walulang, si reiy’ tingkeiy, si reiy’ rumerangu, si reiy’ mengoo’, si reiy’ mengengupi’, si reiy’ sorodo, ⁸ ta’an i te si pa’ar mawee tete’upan, si pa’ar sapa e le’os, si sama’, adil, saleh, si toro makuasala en tou ⁹ wo si timiboiy witu e lelila’an ulit, e minatoroan ampit en teturu’ segaya’, rio sia makawoo ngume’enge’la sitou en tumo’otolela en teturu’ i ti’i wo si makawoo me’emanla se menenu’usuk-menenu’usuk nisia. ¹⁰ Karengan lakerouw se tou matou-tou reiy’ minakale’os, i paketa-ketare se witu e nelet nea nu timiboiy e nukum sunat. Ampit e lelila’an reiy’ si penoron nisea se maseipla eng genang. ¹¹ Se tou-tou tanu e ni’itu se lewo’ sa reiy’ penetan en suma nea, karengan nisea se mekacau kelaker ne me’urang ampit en timuru’la em baya e reiy’-reiy’ kaa laa maka’ato e nuntung mekeirangen. ¹² Siesa tou waki kalangan nea, si nabi nea nuesa, si mekasa mouw limila’: “Dasar tou eng Kreta menenowo, tekapen lela’, rumera’abus malas.” ¹³ Eng kasairian i ti’i e nulit. Kaa ni’itu togorenola sea ampit e ledos rio sea masegaya’ witu e iman, ¹⁴ wo e reiy’ mouw kasi mepepadungla e ne’umanen-ne’umanen Yahudi wo e nuku-nukum ni tou e limengemi waki kaulitan. ¹⁵ I wee se tou suci em baya nyi’a en suci; ta’an i wee se tou najis wo i wee se tou reiy’ maka iman e nesa tu’u reiy’la en suci, karengan le’os e akal ka’apa tu’u en suara nate nea e najis. ¹⁶ Nisea se maaku sumine’u si Empung, ta’an ampit em pasiwo-siwon nea , nisea se kimelong Nisia, Nisea se kasa wuruk wo durhaka wo reiy’ makawoo sumiwo sapa e le’os.