¹ Nyi’i mouw en silsilah ni Yesus Kristus, urang ni Daud, urang ni Abraham. ² Abraham si minapaurangla si Ishak, Ishak si minapaurangla si Yakub, Yakub si minapaurangla si Yehuda wo se patuari-patuarina. ³ Yehuda si minapaurangla si Peres wo si Zerah wia si Tamar, Peres si minapaurangla si Hezron, Hezron si minapaurangla si Ram, ⁴ Ram si minapaurangla si Aminadab, Aminadab si minapaurangla si Nahason, Nahason si minapaurangla si Salmon, ⁵ Salmon si minapaurangla si Boas wia si Rahab, Boas si minapaurangla si Obed wia si Rut, Obed si minapaurangla si Isai, ⁶ Isai si minapaurangla si Raja Daud, Daud si minapaurangla si Salomo wia si ka’awuna Uria, ⁷ Salomo si minapaurangla si Rehabeam, Rehabeam si minapaurangla si Abia, Abia si minapaurangla si Asa, ⁸ Asa si minapaurangla si Yosafat, Yosafat si minapaurangla si Yoram, Yoram si minapaurangla si Uzia, ⁹ Uzia si minapaurangla si Yotam, Yotam si minapaurangla si Ahas, Ahas si minapaurangla si Hizkia, ¹⁰ Hizkia si minapaurangla si Manasye, Manasye si minapaurangla si Amon, Amon si minapaurangla si Yosia, ¹¹ Yosia si minapaurangla si Yekhonya wo se patuari-patuarina witu e nedo sea nu neiy i tea’ waki Babel. ¹² Ni’itu nu reiy’ mouw sea nu neiy i tea’ waki Babel, Yekhonya si minapaurangla si Sealtiel, Sealtiel si minapaurangla si Zerubabel, ¹³ Zerubabel si minapaurangla si Abihud, Abihud si minapaurangla si Elyakim, Elyakim si minapaurangla si Azor, ¹⁴ Azor si minapaurangla si Zadok, Zadok si minapaurangla si Akhim, Akhim si minapaurangla si Eliud, ¹⁵ Eliud si minapaurangla si Eleasar, Eleasar si minapaurangla si Matan, Matan si minapaurangla si Yakub, ¹⁶ Yakub si minapaurangla si Yusuf ka’awu ni Maria si timimea’la Si Yesus patotoren Kristus. ¹⁷ Jadi em baya nea se: mapulu’ o epat see’ waki si Abraham ma’ayomi si Daud, mapulu’ o epat see’ waki si Daud ma’ayomi nisea nu neiy i tea’ waki Babel, wo mapulu’ o epat see’ waki nisea nu neiy i tea’ waki Babel o ma’ayomi si Kristus. ¹⁸ Kinetetou ni Yesus Kristus nyi’a mouw tanu en tumodongla i yi’i: Witu e nedo si Maria, ina’-Na, matunangan ampit si Yusuf, kaloo’ala si megandongouw witu e Roh Kudus, nu reiy’pe’ sea nu timou tanu se esa nga awu. ¹⁹ Karengan si Yusuf ka’awuna, sitou tulus ate wo si reiy’ pa’ar mekekewurla e ngaran ni ka’awuna witu en sinaru ne tou, kepa’arna si meteta’atasla nisia ampit memene-menes. ²⁰ Ta’an eng katoroan nisia nu memili-miling em pa’arna i ti’i, malaikat ni Tuhan si minapa’ato wia nisia witu e nipi wo lumila’: “Yusuf, urang ni Daud, te’a mouw koo meide’ medo si Maria tanume sia nu ka’awumu karengan si oki’ witu eng gandonganna nyi’a mouw e Roh Kudus. ²¹ Nisia si laa tumimea’la sioki’ tuama wo nikoo koo laa ngumaranla Nisia Yesus, karengan Nisia mouw si laa lumawirla se umat-Na witu en dosa nea.” ²² Kapualitan i ti’i minamuali rio malekepla neiy i nuwu’la ni Tuhan kaa se nabi: ²³ “Eng kaulitna, si reraa i ti’i si laa gumandong wo tumimea’la sioki’ tuama wo nisea se laa ngumaranla Nisia Imanuel“–em penoronna: Empung si merapitla nikita. ²⁴ Nisia nu minawongke mouw witu en tekelna, Yusuf si simiwola tanu neiy i perentala ni malaikat ni Tuhan i ti’i wia nisia. Sia medo si Maria tanume si ka’awuna, ²⁵ ta’an si reiy’ minaesala nouwak ampit nisia i ka’ayo sia tumimea’la sioki’na tuama wo nginaranala ni Yusuf Sia Yesus.