¹ Waki si Paulus, rasul ni Kristus Yesus kaa eng kepa’aran ni Empung, wia se tou-tou kudus waki Efesus, se tou-tou ma’eman witu si Kristus Yesus. ² E nupus karunia wo en dame sejahtera waki si Empung, Ama’ ta wo waki si Tuhan Yesus Kristus e rumapitla nikouw. ³ Lino’orola si Empung wo si Ama’ Tuhan ta wo waki si Tuhan Yesus Kristus witu eng gorem ni Kristus si kimarunia mola wia nikita e reiy’ sa mina’asa berkat rohani witu eng gorem en surga. ⁴ Karengan witu Nisia si Empung si minelengola nikita nu reiy’pe’ eng kaoatan siniwola, rio kita kudus wo reiy’ si walulang witu en sinaru-Na. ⁵ Witu e nupus Nisia si timantu mola nikita wakipe’ eng ketarean kaa si Yesus Kristus kaa laa mamuali oki-oki’-Na, e minatoroan ampit eng karela’an eng kepa’aran-Na, ⁶ rio e lo’orenola e nupus karunia-Na e mulia, e neiy i karunia-Nala wia nikita nu witu Nisia, si neiy i koupus-Nala. ⁷ Karengan witu Nisia wo kaa e raa’-Na nikita ta minaka’ato em penebusan, e nyi’a i ti’i e niampungan en dosa, i ki’it eng kakaya’an e nupus karunia-Na, ⁸ e neiy i era-Nala wia nikita witu e reiy’ sa mina’asa hikmat wo em pangartian. ⁹ Karengan Nisia si minapaloo’o-loo’o mola em pengiro-ngirong eng kepa’aran-Na wia nikita, e minatoroan ampit e rencana eng karela’an-Na, e nyi’a i ti’i eng karela’an e wakipe’ eng ketarean e neiy mouw i tatap-Nala witu si Kristus ¹⁰ en tanume en tetiro’an eng kalekepan e nedo kaa laa mapaesala witu si Kristus si tanume si Kokong e reiy’ sa mina’asa wo’o sapa, e le’os e waki sorga ka’apa tu’u e wia em bumi. ¹¹ Niaku ku lumila’la “witu si Kristus”, karengan witu Nisia mouw o keiy maka’ato e weteng e neiy i ta’arla – nikeiy si waki eng ketarean neiy i tantula kaa laa sumungkul e weteng i ti’i e minatoroan ampit e maksud ni Empung, witu e reiy’ sa mina’asa wo’o sapa e mepa’ayang i ki’it eng kaputusan eng kepa’aran-Na – ¹² Rio nikeiy, e nu reiy’pe’ e nyi’a keiy minee mola arapan wia si Kristus, keiy toro mamuali puji-puji’an witu eng kamulia’an-Na. ¹³ Witu Nisia nikouw kangkasi – karengan nikouw kouw liminga mola e nuwu’ eng kaulitan, e nyi’a i ti’i e Injil eng kelawirannu – witu Nisia nikouw kangkasi, eng katoroan nikouw nu ma’eman, nikouw kouw wina’ilela ampit e Roh Kudus, e neiy i ta’ar-Nala i ti’i. ¹⁴ Wo e Roh Kudus i ti’i e nyi’a mouw e neram e weteng ta i ka’ayo ta maka’ato e minapekasa e nyi’a, e nyi’a i ti’i em penebusan en simiwola nikita kapunya’an ni Empung, kaa laa mepepuji eng kamulia’an-Na. ¹⁵ Kaa e ni’itu, niaku nu liminga mola en tanume e imanmu witu si Tuhan Yesus wo en tanume e nupusmu wia em baya ne tou kudus, ¹⁶ niaku tu’u ku reiy’ maena-ena’ matotor en syukur karengan nikouw. Wo niaku ku reiy’ maena-ena’ maghenang nikouw witu en sesombayangengku, ¹⁷ wo makiwee wia si Empung Tuhan ta Yesus Kristus, e nyi’a i ti’i si Ama’ e mulia i ti’i, rio Sia meela wia nikoo e Roh hikmat wo e wahyu kaa laa sumine’ula Nisia ampit e nulit. ¹⁸ Wo rio Sia sumiwola e weren e natemu en terang, rio kouw mangarti em paarapen sapa ku’a re’en eng gimorem witu eng kineretan-Na: kumura eng kekayana eng kamulia’an e weteng neiy i tantu-Nala wia se tou-tou kudus, ¹⁹ wo eng kumura eng kahebat eng kuasa-Na wia nikita si ma’eman, e minatoroan ampit eng kaente’an eng kuasa-Na, ²⁰ em pina’ayang-Nala witu si Kristus ampit en timo’orla Nisia witu e nelet ne tou minate wo rimuberla Nisia witu esa nga weka lele’os-Na waki sorga, ²¹ e wa’akat lumantouwla waki e reiy’ sa mina’asa pemerentah wo se makua-kuasa wo eng kakuasa’an wo eng karaja’an wo en susur e ngaran en toro totoren, e reiy’kan i te e wia eng kaoatan i yi’i kasi, ta’an i te kangkasi waki eng kaoatan e laa meiy. ²² Wo e reiy’ sa mina’asa wo’o sapa e neiy mouw i reta’-Nala witu e wawa’ e ne’a ni Kristus wo Nisia si neiy-Na mouw i weela wia se jema’at si tanume si Kokong waki e reiy’ sa mina’asa e wia. ²³ Jema’at kaa e nyi’a mouw se nouwak-Na, e nyi’a i ti’i se kalekepan-Na, se minutala em baya wo e reiy’ sa mina’asa wo’o sapa.