¹ Katoroan si Petrus wo si Yohanes masusuiy wia se tou kelaker, i kalo’ositi se nieiy mouw ne imam-imam wo si kepala pengawal em Bait ni Empung ma’an se tou-tou Saduki. ² Se tou-tou i ti’i se kasa meupi’ karengan nisea se maturu’ se tou kelaker wo maabarla, kaa witu si Yesus wawean eng keteto’or witu e nelet ne tou minate. ³ Nisea se sinikop wo i sarakan witu eng gorem en tahanan i ka’ayo e nendo kawo’odoanna, karengan nendo e wengi mouw. ⁴ Ta’an witu e nelet ne tou liminga en teturu’ i ti’i laker se mina’eman, i ka’ayo eng kelaker nea se minamuali wo’o wona’ lima nga riwu tou tuama. ⁵ Witu e nendo kawo’odoanna se pa’aka-aka’an – pa’aka-aka’an ne Yahudi ma’an se tu’a-tu’a wo se ahli-ahli Taurat se timuanala sidang waki Yerusalem ⁶ ampit si Imam Wangko’ Hanas wo si Kayafas, Yohanes wo si Aleksander wo em baya se tou walina se neiy i kaghorem see’ ne Imam Wangko’. ⁷ Laa si Petrus wo si Yohanes se neiy i sarula witu en sidang i ti’i wo muleiy periksan ampit e wewueiyen i yi’i : “ Ampit eng kuasa wisa ku’a re’en ka’apa witu e ngaran ni seiy ku’a re’en kouw mawinta’ en tuana i ti’i?” ⁸ Takar wingkot ni Petrus, wuta ampit e Roh Kudus : “ Heiy pa’aka-aka’an – pa’ak-aka’an ne umat wo tu’a-tu’a, ⁹ sa nikeiy teakan keiy lewo’ sa reiy’ periksan karengan e nesa kale’osan wia siesa tou rara’an wo lewo’ sa reiy’ tumerangla ampit eng kuasa wisa ku’a re’en sitou i ti’i line’osla, ¹⁰ takar kete’uan niouw mola nu waya wo ne minapekasa umat Israel, kaa witu e ngaran ni Yesus Kristus, tou Nazaret, si neiy miouw mouw i salibla, ta’an si tino’orla ni Empung witu e nelet ne tou minate – kaa eng karengan si Yesus i ti’i mouw sitou i yi’i si rimedeiy ampit en segaya’ teakan wia en sinaru miouw. ¹¹ Yesus nyi’a mouw si watu neiy i tea’ ne meneniwo-meneniwo bangunan – nyi’a i ti’i nikouw nuesa – , ta’an nisia si minamuali mouw watu penjuru ¹² Wo eng kelawiran reiy’la witu eng gorem ni seiy i te tu’u kangkasi ta’an witu i te eng gorem-Na, karengan wia e wawa’ en solong e langit i yi’i reiy’la e ngaran walina neiy i weela wia sitou kaa nyi’a o kita toro lawiren.” ¹³ Katoroan en sidang i ti’i limoo’ eng kaberanian ni Petrus wo ni Yohanes wo mamete’ula, kaa nisea nu rua se tou karengan se reiy’ simekolah, ma’erangouw sea; wo nisea se sumine’u nisea nu rua se tanume se maki’i-ki’it si Yesus. ¹⁴ Ta’an karengan nisea se limoo’ sitou si line’osla i ti’i si rimedeiy witu esa nga weka ne rua rasul i ti’i, nisea se reiy’ mete’u lumila’la sapa-sapa kaa mepepero nyi’a. ¹⁵ Wo nu reiy’ mouw sea nu rimeo se rasul-rasul i ti’i tumele’ula e woang sidang, rumundingouw sea, ¹⁶ 16 wo lumila’ : “ E winta’ sapa ku’a re’en e lewo’ sa reiy’ edon ta wia se tou-tou i yi’i? karengan em pakaloo’o-loo’onola wia em baya ne penduduk Yerusalem, kaa nisea se timuana mola e nesa mujizat em pakaloo’-loo’n wo nikita ta reiy’ mete’u sumangkal nyi’a. ¹⁷ Ta’an rio eng kapualitan i ti’i te’a tu kumere i ka’abar witu e nelet ne tou kelaker, le’osouw ta miwet wo malouw nisea, rio sea te’a sumusuiy kasi wia si seiy i te tu’u witu e ngaran i ti’i.” ¹⁸ Wo nu reiy’ mouw sea nu rua nu neiy i reo ghumorem, nisea se pinerentala, rio kasa mouw te’a mesesusuiy ka’apa mawee teturu’ kasi witu e ngaran ni Yesus. ¹⁹ Ta’an si Petrus wo si Yohanes se miningkot nisea : “ I laa mouw nikouw kouw mutusla nuesa wisa re’en e nulit witu en sinaru ni Empung : lale’ wia nikouw ka’apa lale’ wia si Empung. ²⁰ Karengan reiy’ wona’ wia nikeiy e laa reiy’ mengila-ngila’ en tanume en sapa e linoo’ meiy mouw wo e lininga meiy mouw.” ²¹ Nisea se makakete mola maiwet wia se rasul-rasul i ti’i, ta’an eng kesampetanna e rimeta’la nisea tu’u, karengan en sidang e reiy’ limoo’ e lalan kaa laa me’ukum nisea karenga se meide’ wia se tou kelaker se limo’orola e ngara ni Empung minato’orongan ampit en sapa e minamuali mola. ²² Karengan sitou si line’osla e mujizat i ti’i e limantouw mouw witu e nepat nga pulu’ nge te’un e numurna. ²³ Sea nu neiy mouw i reta’la mea mouw si Petrus wo si Yohanes wia se ka’ampit-ka’ampit nea , laa o sea ma’asarla e reiy’ sa mina’asa wo’o sapa e neiy i lila’la ne imam-imam kepala wo se tu’a-tu’a wia nisea. ²⁴ Katoroan se ka’ampit-ka’ampit nea nu liminga eng kapualitan i ti’i, maaleiy mouw sea mewali-wali wia si Empung, pokeiy nea : “ Oh Tuhan, Nikoo mouw si simiwola e langit wo em bumi, en tasik wo e reiy’ sa mina’asa em pumpunna. ²⁵ Wo kaa e Roh Kudus ampit e nieletan ni hamba-Mu Daud, ama’ meiy, Nikoo koo minuwu’ mouw : Ka’a se rungkar se bangsa-bangsa, ka’a se suku-suku bangsa mawona-wona’ em perkara reiy’ si ka’ara’an? ²⁶ 26 Se raja-raja eng kaoatan se matiro-tiro’ wo em baya ne pemangko’ se minerur kaa mesesu’usuk si Tuhan wo Se Niurap-Nala ²⁷ Karengan eng kaulitna se minerurouw wia eng kota i yi’i si Herodes wo si Pontius Pilatus ma’an se bangsa-bangsa wo se walak-walak ne bangsa Israel se mesesu’usuk si Yesus, si Hamba-Mu kudus, si niurap-Mula, ²⁸ kaa laa metetuanala e reiy’ sa mina’asa wo’o sapa e neiy mouw i tantu-Mula wakipe’ eng ketareani kaa eng kuasa wo eng kepa’aran-Nu. ²⁹ Wo teakan, oh Tuhan loo’onouw kumura sea me’iwet nikeiy wo weeanola wia se hamba-hamba-Mu eng kaberanian kaa laa ma’abarla e nuwu’-Mu. ³⁰ I ulurola e lawas-Mu kaa melele’osla sitou, wo i siwo mola eng kowa’-kowa’ wo e mujizat-mujizat kaa e ngaran ni Yesus, si Hamba-Mu kudus.” ³¹ Wo katoroan nisea nu kasuatan masombayang, o moghe mouw en tampa nieruran nea i ti’i wo nisea nu waya se wuta ampit e Roh Kudus, laa o sea maabarla e nuwu’ ni Empung ampit eng kaberanian. ³² Sapa tare em paeru-eruran ne tou se mina’emanouw i ti’i, nisea se esa nga ate wo se esa nga imukur, wo reiy’ siesa tou tu’u si lumila’, kaa e wo’o sapa witu eng kapunya’anna nyi’a mouw eng kapunya’anna nuesa, ta’an e reiy’ sa mina’asa wo’o sapa nyi’a mouw eng kapunya’an mewali-wali. ³³ Wo ampit eng kuasa wangko’ se rasul-rasul se minee eng kasairian tanume eng kineteto’or ni Tuhan Yesus wo nisea nu waya se matou-tou witu e nupus karunia mineloko-lokon. ³⁴ Karengan reiy’la siesa tou tu’u si reiy’ awes witu e nelet nea; karengan em baya ne tou se makapunya tana’ ka’apa wale, se minangker eng kapunya’anna i ti’i, wo e wua’ winangkeran i ti’i e niali nea ³⁵ wo i reta’ neala witu en sinaru ne’a ne rasul-rasul; laa o i pemete-metengla wia se susur tou minatoroan ampit em pemandungen nea. ³⁶ Tuana mouw kangkasi ampit si Yusuf, si patotoren ne rasul-rasul Barnabas, em penoronna si oki’ pangiboran, siesa tou Lewi waki Siprus. ³⁷ Nisia si minangker e numa, kapunya’anna, laa o mali e loitna i ti’i wo rumeta’la nyi’a witu en sinaru ne’a ne rasul-rasul.