¹ Waki si Paulus, rasul ni Kristus Yesus kaa eng kepa’aran ni Empung kaa laa ma’abarla en ta’ar tanume e matou-tou witu si Kristus Yesus, ² wia si Timotius, oki’ku i koupus: e nupus karunia, e rahmat wo en dame sejahtera waki si Ama’ Empung wo si Kristus Yesus, Tuhan ta, e rumapitla nikoo. ³ Niaku ku matotor en syukur wia si Empung, si pelayanengku ampit e nate nurani murni tanu en tinuanala ne nene moyangku. Wo reiy’ maena-ena’ ku maghenang nikoo witu em paaleyengku, le’os oat ka’apa tu’u wengi. ⁴ Wo sakawisa ku i kaghenang e lue’mu neiy i tiismula, niaku ku pa’ar lumoo’ nikoo sumeup rio wuta mouw eng kepa’arangku. ⁵ Karengan niaku ku neiy i kaghenang e imanmu kasa uli-ulit, nyi’a i ti’i e iman eng kasa ketare-tare timou witu si nenemu Lois wo witu si ina’mu Eunike wo em pa’emanengku e matou-tou kangkasi witu en toumu. ⁶ Karengan e ni’itu mouw niaku ku ngume’enge’la nikoo kaa laa mewewuayala eng karunia ni Empung em bia nikoo kaa en tine’upan e lawasku witu nikoo. ⁷ Karengan si Empung si mineela wia nikita reiy’ e roh mekeide’en, ta’an i te e roh makato’oren eng kaketeran, e nupus wo eng katertiban. ⁸ Jadi te’a mouw meirang mesesairi tanume si Tuhan ta wo te’a mouw meirang kaa niaku, ku esa tou ukuman karengan Nisia, ta’an i te kumi’itouw em peme’itan witu e Injil-Na kaa eng kaketeran ni Empung. ⁹ Nisia mouw si limawirla nikita wo kimeret nikita ampit em pakereten kudus, reiy’ tumo’otolela witu em pasiwo-siwon ta, ta’an i te en tumo’otolela witu e maksud wo e nupus karunia-Na nuesa, e neiy mouw i karuniala wia nikita witu si Kristus Yesus nu reiy’pe’ eng kinetareani en zaman ¹⁰ wo en teakan neiy i papaloo’o-loo’ola kaa eng ke’e eiy ni Lumelawir ta Yesus Kristus, kaa e Injil e rimepu’ mola eng kuasa maut wo e minapa eiy mouw em patou-touan reiy’ mete’u mapuneng. ¹¹ I wee e Injil i yi’i mouw niaku ku neiy mouw i tantula tanume si mengengabar, tanume si rasul wo tanume si guru. ¹² Ni’itu mouw eng karenganna niaku ku peme’itan em baya nyi’a i yi’i, ta’an niaku ku reiy’ meirang; karengan niaku ku mete’u wia si seiy ku ma’eman wo niaku ku ma’eman kaa Nisia si makakuasa mepepiarala en sapa neiy mouw i eman-Nala wia niaku i ka’ayola witu e nendo ni Tuhan. ¹³ Tiboiyanouw e reiy’ sa mina’asa wo’o sapa e liningamu mola wia niaku tanume em pa’asa-asaran e teturu’ segaya’ wo tuananola i tu witu e iman wo e nupus witu si Kristus Yesus. ¹⁴ Piaranouw eng harta kewangun, e neiy mouw i eman-Nala wia nikita, kaa e Roh Kudus minena’ witu nikita. ¹⁵ Nikoo koo mete’u kaa em baya nisea se waki daerah Asia Oki’ se limenge mouw wia niaku; neiy i kaghorem si Figelus wo si Hermogenes. ¹⁶ Tuhan satorona si kumaruniala e rahmat-Na wia se me’urang ni Onesiforus se mineneu-neupouw masegaya’la e nateku. Nisia si reiy’ meirang limalesla niaku witu em penjara. ¹⁷ Katoroan waki Roma, nisia si me’inakut masero niaku wo kangkasi minato mola niaku. ¹⁸ Satorona si Tuhan si tumudu’la e rahmat-Na wia nisia witu e nendo-Na. Kumura eng kelakerna em pelayanan en tinuananala waki Efesus nikoo koo lebe mete’ula nyi’a ta’an niaku.