TABEA ¹ Waki si penatua i wee si Ina’ kinapelengan wo se oki-oki’na se kasa uli-ulit i koupuskula. Reiy’ niaku i te si meupusla nikouw, ta’an kangkasi em baya ne tou se simine’u mola eng kaulitan, ² karengan eng kaulitan e minena-ena’ witu nikita wo e laa rumapitla nikita i ka’ayo eng keure-urena. ³ E nupus karunia, e rahmat wo en dame sejahtera waki si Ama’ Empung, wo waki si Yesus Kristus, Oki’ ni Ama’, e laa rumapitla nikita witu eng kaulitan wo e nupus. ⁴ Niaku ku kasa mepa’a-pa’ar, kaa niaku ku minatola, kaa se esa nga parua wia se oki-oki’mu se matou-tou witu eng kaulitan minatoroan ampit em perenta sinungkul ta mola waki si Ama’. ⁵ Wo en teakan kumakiwee wia nikoo, Ina’ – reiy’ tanu mokan niaku ku minatikla perenta weru i wee nikoo, ta’an ni’i ki’it em perenta em bia mouw nikita nu wakipe’ eng ketarena – rio kita me’upusala. ⁶ Wo nyi’i mouw e nupus i ti’i, nyi’a i ti’i kaa nikita kita lewo’ sa reiy’ matou-tou kumi’it em perenta-Na. Wo nyi’i mouw em perenta i ti’i, nyi’a i ti’i kaa nikouw kouw lewo’ sa reiy’ matou-tou witu e nupus, tanu eng kumura e lininga miouw mola wakipe’ eng ketarena. ⁷ Karengan kelaker se sumeseip minodolouw wo mea waki e minapekasa eng kaoatan, se reiy’ maaku, kaa si Yesus Kristus si mineiy mouw tanume sitou. E ni’itu nyi’a mouw si sumeseip wo si antikristus. ⁸ Tumegha-teghamouw, rio kouw te’a kaliongan sapa em pina’ayang meiy mola i ti’i, ta’an rio kouw maka’ato en tetoromu kawutana. ⁹ Susur tou si reiy’ minena-ena’ witu en teturu’ ni Kristus, ta’an si kime’ang rimou’mi witu, si reiy’ minakapunyala si Empung. Seiy i te si minena-ena’ witu en teturu’ i ti’i, nisia si minakapunyala si Ama’ ka’apa tu’u si Oki’. ¹⁰ Sa siesa Tou meiy wia nikoo wo nisia si reiy' wo nisia si reiy' maali-ali en teturu' i yi'i, tē'a mouw Koo mesesungkul nisia with em inbalemu wo tē'a mouw metetabea wia nisia. ¹¹ Karengan seiy i te si mee tabea wia nisia, nisia si maka'ato weteng witu em pasiwo-siwonna e lewo'. ¹² Ma’anouw tu’u kelaker e lewo’ sa reiy’ i patikkula wia nikoo, niaku ku so’o metetuanala nyi’a ampit eng karetas wo en tinta, ta’an niaku ku maarap meiy sandiri wia nikoo wo sumusuiy mawerenan ampit nikouw, rio lekepouw e mepa’a-pa’ar ta. ¹³ Tabea wia nikouw waki se oki-oki’ ne patuarimu kinapelengan.