¹ Waki si Paulus, rasul ni Kristus Yesus kaa eng kepa’aran ni Empung kaa laa ma’abarla en ta’ar tanume e matou-tou witu si Kristus Yesus, ² wia si Timotius, oki’ku i koupus: e nupus karunia, e rahmat wo en dame sejahtera waki si Ama’ Empung wo si Kristus Yesus, Tuhan ta, e rumapitla nikoo. ³ Katoroan niaku nu mapawewee-weela em pakela-kelangangku mea waki wilayah Makedonia, niaku ku sime’esekouw nikoo rio koo mena’ waki Efesus wo ngume’enge’la se tou-tou neiy i ketantu, rio sea te’a mawee teturu’ en teturu’ walina ⁴ ka’apa tu’u maringangar ampit e me’uman wo en silsilah e reiy’ sirangkutna, e mawua’ i tela eng kapoongan e waya, wo reiy’ em pale’os em patou-touan eng kelawiran neiy i weela ni Empung witu e iman. ⁵ Em pelaan e nge’enge’ i ti’i nyi’a mouw e nupus limentuti waki ate suci, waki ate nurani murni wo waki e iman kasa uli-ulit. ⁶ Ta’an wawean tou si reiy’ mina’ayo witu em pelaan i ti’i wo si neiy i kaseip witu e lelila’an reiy’ si penoron. ⁷ Nisea i ti’i se pa’ar laa mamuali menenuru’ e nukum Taurat reiy’ ampit mangartila e lelila’an nea nuesa wo em poong-poong neiy i ketantu neiy i pa’ayo neala. ⁸ Nikita ta mete’u kaa e nukum Taurat i ti’i e le’os sa i tu makatena’ paken, ⁹ nyi’a i yi’i ampit eng kawena’asan kaa e nukum Taurat i ti’i e reiy’ mouw kaa i wee se tou ulit, ta’an i te ni’ i wee se tou durhaka wo se tou lalim, i wee se tou fasik wo se tou makadosa, i wee se tou en duniawi wo se reiy’ maka agama, i wee se tou memunu’ si ama’ wo se memunu’ si ina’, i wee se memunu’ witu eng kelakeranna, ¹⁰ i wee se tou sa’amek wo se sumesa’amek, i wee se memu’is, i wee se menenowo, i wee se tou mekaan en tiwa’ wo eng katodongna e reiy’ sa mina’asa minasu’usukan ampit en teturu’ segaya’ ¹¹ en timo’otolla witu e Injil waki si Empung mulia wo si kasa ma’aruiy, tanu neiy mouw i emanla wia niaku. ¹² Niaku ku masyukur wia Nisia, si kimeterla niaku, nyi’a i ti’i si Kristus Yesus, Tuhan ta, karengan Nisia si mapokeiyla niaku ku lale’ wo minapa’emanla em pelayanan i yi’i wia niaku – ¹³ niaku eng ketarena ku esa nga tou mengengojat wo esa nga tou sumesiasa wo esa nga tou lela’, ta’an niaku ku neiy mouw i koupus-Nala, karengan em baya nyi’a i ti’i en tinuana ku mola reiy’ ampit en tine’u nyi’a i ti’i witu luar e iman. ¹⁴ Awes tare e nupus karunia ni Tuhan ta i ti’i neiy mouw i karuniala ampit eng kalokonna wia niaku ampit e iman wo e nupus witu si Kristus Yesus. ¹⁵ E lelila’an i yi’i e nulit wo eng kasa waar sungkulen: “Kristus Yesus si mineiy wia eng kaoatan kaa meiy melelawirla se tou makadosa,” wo witu e nelet nea niaku mouw si kasa makadosa. ¹⁶ Ta’an awes tare kaa e ni’itu niaku ku neiy i koupusla, rio witu en touku i yi’i, tanume sitou kasa makadosa, Yesus Kristus si timudu’la e minapekasa kasabaaran-Na. Ampit en tuana niaku ku minamuali paki’i-ki’itan i wee nisea eng kamurian se mina’eman wia-Nisia wo minaka’ato em patou-touan kekal. ¹⁷ En sighi’ wo eng kamulia’an i ka’ayo eng keure-urena i wee si Raja e reiy’ sa mina’asa en zaman, Empung kekal, si reiy’ paloo’ola, si esa! Amin. ¹⁸ E lukar i yi’i ni’i weekula wia nikoo, Timotius urangku, minatoroan ampit en sapa neiy mouw i wenti’la tanume en toumu, rio keterela e wenti’ i ti’i nikoo koo minapa’inakutla em pe’inakuten le’os ampit e iman wo e nate nurani murni. ¹⁹ Se pirala tou se simede’ mola e nate nuranina murni i ti’i, wo kaa ni’itu e rima’aserouw e iman nea, ²⁰ witu e neletna si Himeneus wo si Aleksander, se neiy mouw i sarakankula wia si Iblis, rio kedo’ sea maojat.