¹ 1Niimo Wahyu Yesus Kristus i nai Karuniami Opo Empung wia Nisia, o ipaturu Na wia hambahamba- Na sapa i tare mamuali. na'an oe malaika'te-Na e nai utuse-Na, Sia imilamomako wia hamba-Na Yohanes. ² Yohanes isimaksimo tentang firman Opo Empung naan tentang kasaksian inaiwehe ni Yesus Kristus, ni itu mbaya-waya i liniohonamo. ³ Berbahagialah i nimacamumako na'an nisea e limingamomako kata-kata nubuatan nii, na'an e makiit sapa i nai tulis wia goremena, ka waktuna tawimo. ⁴ Maiwia Yohanes wia kapitu jemaat e wia Asia rintek: nuputleos na'an damai sejahtera mawali-wali nikamu, mai wia Nisia i wiamo na'an i mbe wehano na'an i mahaipe, na'an wia kapitu roh i wia muka tahta-Na. ⁵ Na'an mai wia Yesus Kristus, saksi yang setia kinatarean bangkit wia nantara tou nimate na'an e makuasa natas raja-raja kaowatan nii. wia Nisia, i maupus nikita na'an i rimetamomako nikita wia dosa ta oleh darah-Na. ⁶ Na'an inimamualimomako nikita mamuali nesa kerajaan, mamuali imam-imam wia Opo Empung, Bapa-Na, wia Nisimo kamuliaan, na'an kuasa makar selama-lamanya Amin. ⁷ Loho'on Sia mai na'an awan-awan na'an mberen waya akan lumoho Nisia, nisea kang kahi e kimembekko Nisia, na'an e tou waya wia kaowatan e rumatapi Nisia, ya, Amin. ⁸ "Niaku mo Alfa na'an Omega, firman Tuhan Opo Empung i wiamo na'an i mbewehano na'an i mahaipe, yang mahakuasa." ⁹ Niaku, Yohanes patuari na'an sekutumu wia kalengeian, wia kerajaan na'an wia ketekunan, ma'ana Yesus, wia pulau, maha ngaran Patmos o ka firman Opo Empung na'an kesaksian i nai wehe ni Yesus. ¹⁰ Wia nendo ni Tuhan niaku kinuasai roh na'an niaku malinga wia lowiseku mbewehan suara lengku rendai, masuat lengku sangkakala, ¹¹ lilana: "Sapa linohomu, tulisako wia gorem nesa kitab na'an kirimako wia kapituh jemaat yii: witu Efesus, witu Smirna, witu Pergamus witu Tiatira, witu Sardis, witu Filadelfia na'an witu Laodikia." ¹² O niaku sumui ka maloho suara i maila wia niaku, na'an setelah niaku sumuimi, tampaklah wia niaku, pituh kaki Dian dari emas. ¹³ Na'an wia puse-puser kaki dian tii wewehan tou masuat Anak Manusia nimake jubah lembot tena makar wina'ke san wawa'kes pinggang dari emas. ¹⁴ Ro'kos na'an mbu'ukeNa puti' masuat rendai bulu putih metah, na'an mberen-Na masuat rendai nyala baha. ¹⁵ Na'an na'e-Na mengkilap masuat rendai tembaga mawaha wia gerem patutungan; suara-Na masuat lengkai air bah. ¹⁶ Na'an wia lawas leleose-Na sia timimboy pituh bintang na'an mai wia nganga-Na kumaluar sebilah pedang tarem bermata dua, na'an muha-Na bersinar-sinar masut matahari yang terik, ¹⁷ Ketika niaku lumoho Nisia, niaku sumungkor wia muka nae-Na masuat na'an tou nimare; ta'an Sia rumenta, lawas leleose-Na wia nataseku, o Sia lumila; "tia mainde! Niakumo i katare na'an i akhir, ¹⁸ na'an i hidop. Niaku nimatemo ta'an loho'on Niaku hidup, makar selama-lamanya na'an Niaku timimboy waya kuhusi maut na'an kerajaan maut. ¹⁹ Ka ni'itu tulisako sapa i linohomumo, i nimamuali tekan maupun i sabantar mamuali sesudah nii. ²⁰ Na'an rahasia kapituh bintang i linohomamo wia lawas leleose-Ku, na'an kapituh kaki dian emas niitu: kapituh bintang ni'itu ialah malaikat kapituh jemaat na'an kapituh kaki dian niitu ialah kapituh jemaat.