9 ¹ Bene Mawu nebera si sire, " Ia mubera hinone si kemu, pia pirang katau dudarisi ndi si'i ta mate sarang i sire mutehung Kerajaan u Mawu simongo dengan kuasane." (Yesus nudingang Musa dan Elia) ² Dan, enung elo samurine, Yesus nubawa su Petrus , Yakobuse, dan Yohanese, bene nebawa i sire nuhindo nawi su bulude marange. Bene Yesus nebaru gahi'e sutengong matane sire. ³ Dan, pakeangnge kukerong mawira. Takoa'e seng katau taumata su dunia mekakoa mawira mesulungngu nde'e. ⁴ Bene, nekasilo sutengongu sire, Elia dingang Musa, dan sire dua kepudatone dingang Yesus. ⁵ Bene, i Petruse nebera su Yesus, " Rabi, Kapiane kami na ene ndi si'i. Mahi'e kite mepurarisi bale tatelu, simbau si Kau, simbau untuk'u Musa, dan simbau untuk Elia." ⁶ Sebape, Petrus bega apa haruse i puberane sebape i sire su katatakutang. ⁷ Bene, nesepu sinawa dan nenirung si sire, dan nekaringihe simbau tingihe pe simongo surarungu binawa'e e, bera-Ne, " Endong Anak-Ku i Kukendage. Deringihe ke Sie !" ⁸ Sengkalendi'e, sire netehung ndi se'e, i sire ta'nakasilo pia taumata dingangu sire luaru Yesus badangu hala. ⁹ Dan, setelangu sire kalintu'e bou bulude, Yesus timanata si sire kumbahang mebeke su tau barine apa ni kasilo i sire, sarang ngu Anak Taumata dumarisi bou taruara tau nate. ¹⁰ Hakiu'e e i sire nenegale bawera'u nde'e gunang sire hala bene nekibalo apang mangalene bou kapate e'e. ¹¹ Bene, sire nekibalo su Yesus, " Kebe manga taumata mapapande Taurate nubera bahwa Elia haruse simongo horo?" ¹² Bene, Yesus simimbahe si sire, " Memang Elia simongo kahorokangnge gunang mengatore apang hale. Dang, krapa dingang kabawohe tentang Anak'u Taumata bahwa I Sie haruse nusigesa mauli hale dan dihinakang ? ¹³ Tapi, Ia mebera si kemu memang Elia seng simongo, dan taumata mempekoa i sie mesulung i kapulung i sire, mesulung seng niwohe tentang i sie." ( Para murite ta'nakamampu nengusere rohke dalai bou sengkatau) ¹⁴ Setelah i Yesus, Petruse, Yakobuse, dang Yohanes nusure dingang murid-murid barine, i sire mutehung taumata mauli, nudahemung murid-murid e'e, dang dingang pirang mbau manga mapa pande taurate kapuberane hale'e e dingang sire. ¹⁵ Dan, sutempongu tau mauli nde'e nutehung su Yesus, ne bingo i sire kebi dan teruse nendola si Sie. ¹⁶ Bene, Yesus nekibalo si sire, " Apako dudatong i kemu dingang sire tau mapa pande taurate nde'e? ¹⁷ Singkatau bou tau mauli e'e nubera si Sie, " Guru, anak'ku ese i'i niwawa si kau sebape i sie ni tembongu rohke u setang nakoa i sie bowo. ¹⁸ Dan apang rohke e'e timembo si sie, i sie nawanting su tanah dang mohong nge simebu, dan isine kukaruti, bene badang nge mukakangsing. Ia seng nudorong su manga murit'U tadea'u mengusere rohke nde'e, tapi i sire tamakamampu." ¹⁹ Bene, I Yesus nubera si sire, " Oi, i kemu manga anak tamamangimang! Pirang dengu'e lai Ia metana dingang i kemu? Pirang dengu'e Ia mutatahang sutengong i kemu? Bawake anak'e ramahi si-Sia!" ²⁰ Bene, i sire nebawa anak e'e si Yesus. Dan, sutempong rohke e'e nakasilo si Yesus, rohke e'e teruse nipukakangsinge. Anak'e nanawo su tanah dan neputar-putare dan mohong nge simebu. ²¹ Bene, i Yesus nakibalo si amange anak e'e, " Seng pira dengu'e i sie nakoa kri'i?" simbahe, " Bedang tempo kadio. ²² Dan, rohke nde'e pesingsule memalo anak e'e su rarung putung dan su rarung ake tadea'u masigesa. Sebape'u e, megeng i kau botonge mekakoa, kendage dan tulung ko i kami." ²³ Yesus ne bera si sie, "Megeng I Kau botonge? Kebi hale mariadi apangu taumata mangimang." ²⁴ Teruse i amang anak e'e kimia dang nengowo, " Ia mangimang! Tulungko ia tamangangimang i'i!" ²⁵ Sutempongu Yesus mutehung tau mauli kasongone nendahemung, Sie menetaku rohke dalai e'e bene nubera si sie, " kemu rohke bowo dan bengele, Ia naperentah sebang bou anak i'i dan arie semu lai! ²⁶ Setelah rohke e'e nengahe dan nengio anak'e maiha, bene rohke e'e simebang. Anak e'e nekoa kre tau nate dan tau mauli e'e nebera, "Sie seng nate!" ²⁷ Tetapi ,Yesus nenegale limang anak e'e dan nemangung, bene anak e'e dimarisi ²⁸ Dan, sutempongu Yesus simu su wale, manga murite nekibalo si-Sie singkatau, " Kebe i kami tamaka usere?" ²⁹ Dan, Sie nebera si sire, " Barang ndi'i tamaka usere luaru dingang daroa." ( Yesus kapuberane tentang papate-Ne)