Mori karna Ama Lamatua Duladale'na ¹ Hu'na, sia fai ia nda hambu huku doki soa neu atahori mana sia Yesus Kristus rala sa. ² De, hohoro lalane momori duladale mia Yesus Kristus rala, fe soi tefa neu hei lao mia sala kilu no mamate momopos. ³ De, sa'ka yang nda hambu nene tao lao mia Hohoro Lalane Taurat karna hita ao sisi'na masaloe banggana,u, Ama Lamatua bisa tao nendi dala, Ana fe Ana mone ise-Na dadi neu atahori raefafo mana na'ena sala kilu, Ana fe huku doki neu sala kilu sia ao sisi'a, ⁴ fo Hohoro Lalane Taurat hihi nanaun, dadi neu na'ateme sia hita, fo nda mana mori tungga ao sisi'a hihi ma nanaun, tehu tao tungga Duladale'a. ⁵ De seka fo mana mori tungga hihi nanau ao sisi'a, ana du'a aka ao sisi'a hihina, tehu sira seka fo mana mori mia Duladale'a, ana dua aka sa'ka fo mana mia Duladale'a nema. ⁶ De dudu'a a'afi nene dudu nisi ao sisi'a na nisi mamates, tehu dudu'a a'afi mana nene dudu nisi Duladale'a na nisi momori no mole dame. ⁷ Karna dudu'a nene dudu nisi ao sisi'a ana musu Ama Lamatua; karna ana nda ta'alok soa ne Ama Lamatua Hohoro Lalanen, boe ma ana nda tao tungga sa. ⁸ Basa sira mana mori sia ao sisi'a rala nda hambu fe ma'ahe' sa soa neu Ama Lamatua. ⁹ Hei nda mori sia ao sisi'a rala sa, tehu sia Duladale'a rala, kalu Ama Lamatua Duladale'Na leo sia hei rala. Kalu atahori'esa nda na,ena Kristus Duladale'Na, na nda dadi neu Lamatua ena'sa. ¹⁰ Tehu, kalu Kristus sia hei rala, mae hei ao sisi'ma maten karna sala kilu'a, tehu duladale'a mori mia ndo tetu'a. ¹¹ Tehu, kalu Lamatua Duladale'Na hambu na'a fefela Yesus lao mia mamates'a leo sia hei rala, Ana bo fe momori soa neu ao sisi ma lao mia Duladale-Na fo mana mori sia hei rala. ¹² De, odi a'a nggeru, hita atahori-atahori mahuta'ra, tehu nda mia ao sisi'a nema sa, fo hita nda mori tungga ao sisi'a sa. ¹³ Hu'na, kalu hei mori tungga hihi nanau ao sisi'a, maka hei akan mate, tehu kalu lao mia Duladale'a nema, maka basa hei tatao nono'i ao sisi'a akan nene ne'e mate hendi'i , de hei akan mori. ¹⁴ Basa atahori seka fo momori'na tungga Duladale'a, maka ana adalah Ama Lamatua anan. ¹⁵ Hei nda nafi simbo duladale babu sa, fo hei dadi mi mimitaus, tehu hei simbo Duladale yang mana fe hei dadi mi Ama Lamatua ate anan, fo lao mia Duladale na'ka hita koakio tae, "Abba, Papa!" ¹⁶ Duladale na'ka yang na'adudui no hita duladale'naoi hita adalah Ama Lamatua ate ananara, ¹⁷ de kalu hita adalah ana, hita bo dadi teu mana to'u hata heto mia Ama Lamatua, boema to basa mana to'u hata heto mia Kristus;kalu hita tebe-tebe susa sona to E, hita bo nene koakio sama-sama to E. Ama Lamatua ate ana'nara akan simbo mandela masa'a. ¹⁸ Sebab, Au anggap sususa sosona sia fai'ia nda bisa banding no mandela masa'a yang Lamatua fe soa neu hita'sa. ¹⁹ Sebab, basa ne'edadi Na'ra, ara rahani no huhule o'oe, sia fai sa be na Ama Lamatua ate ananara nene netudu'ru. ²⁰ Hu'na, basa ne'e dadadi'ra fe'se be'ute langga risi sa'ka yang sia-sia, nda tungga hihi ma nanau hita aon, tehu tungga no hihi ma nanau Lamatua fo yang mana fe'se ta'alok, lao mia ternetehu huhule o'oe, ²¹ supaya basa ne'edadadi na'ra dadi reu atahori mana merdeka lao mia penyiksaan yang nenendi'na mamate momopos, tehu Lamatua nendi se risi mamana fo Ama Lamatua ate anana'ra hambu kemerdekaan yang sofe no mandela masa'a. ²² Hu'na supaya hita bubulu bahwa basa ne'e dadadi'ra sama-sama susa sona watu ara bonggi tei mi losa fai ia. ²³ No nda aka na'sa, tehu hita bo simbo tala duladale dadi neu boa ulu yang ana bo nggasi ki sia hita rala, fo ana nahani, ana nene so'u dadi neu ana, yaitu mana soi tefa hita aon. ²⁴ Hu'na, hita nene soi tefa mia huhule o'oe'a rala. Tehu huhule o'oe nene nita'a nda dadi neu huhule o'oe'san, sebab seka fo ana hule o'oe neu sa'ka yang ana nitaen? ²⁵ Tehu, kalu hita hule o'oe neu sa'ka yang hita nda titae'sa, hita tahani no rala teme ao. ²⁶ Huna boe'ma, Dula dale'a ana tulu fali hita mia masa loe bangga na'u'a rala; sebab hita nda bubulu ta'o be fo hita bisa hule o'e sa, tehu Dula dale'a nema hule o'e fe hita, karna demi hita huhule o'oen yang nda bisa hita ingga no dedea o'ola sa. ²⁷ No, Ana yang mete se'u hita rala'na, Ana bubulu Dula dale'a hihi ma nanaun'na, karna Ana yang hule o'e fe atahori-atahori meu mare'ra sesuai no sa'ka yang dadi neu Ama Lamatua hihi nanaun. ²⁸ No, hita bubulu bahwa basa hita tatao nono'i na'ra demi meulau soa neu atahori-atahori mana sue Ama Lamatua, yaitu sira yang nene no'e sesuai no Ama Lamatua hihi ma nanaun. ²⁹ Sebab, sira yang nene nehine lao mia ma'ahulun, sira bo nene dudu basa eni ma'ahulun untu dadi sama ona Ana-Na gambar'na, fo Ana dadi neu ana ulu sia basa eni odi a'a nara. ³⁰ Sira yang Lamatua dudu se eni ma'ahulun, bo Lamatua no'e se; de basa sira yang Lamatua no'e ra dadi reu ndo tetu'ru, sia Ama Lamatua susuen mia Yesus Kristus rala. ³¹ De, sa'ka yang hita bisa dui bengga soa neu basa ia'ra? Kalu Ama Lamatua sia hita boboan,se'ka bisa lawan hita? ³² Ana yang sue Ate Ana-Na, tehu ana soro-E neu basa hita, ta'o be Ama Lamatua no Ana-Na Yesus Kristus, sama-sama nda fe sa'sa boe soa neu hita sa? ³³ Seka yang bisa na'etu naladi soa neu Ama Lamatua atahori-atahori nene pili na'ra? Ama Lamatua yang fe'se ndo tetu. ³⁴ Seka yang bisa fe hukuman? Yesus Kristus yang mate, fo Ana Fela lao mia mamatesa, endo sia Ama Lamatua lima onan untuk hule o'oe fe basa hita. ³⁵ Seka yang bisa lea na'etu hita to Kristus susue lalain? Apakah tuni ndeni'a, do nda hambu dala kelaur sa, do tati mbau, do ndoe nduru'a, do ma'a hola, do sususa sosona, do fela dombe? ³⁶ Sama ona nene sura,"Demi Lamatua, hai sia sususa sosona mamates'a rala tungga-tungga fai; hai sama ona bibi lombo yang rae hala mbau e."Mazmur 44:22 ³⁷ Tehu, sia basa na'ra, hita lena atahori mana menang, lao mia Lamatua yang susuen soa neu hita. ³⁸ Sebab, au nene netudu bahwa nda mamatesa boe ma momori'a sa, boe ma nda malaikat-malaikat boe ma nda mana parenda-mana parenda, boe ma nda dala-dala mana sia fai ia do mana koasa sia mana nema'ia, ³⁹ boe ma nda mana sia ata do mana sia rae'a sa, do tatao nono'i laen'a, mampu naetu hita lao mia Ama Lamatua susuen, mana sia hita Lamatuan Yesus Kristus rala.