Ama Lamatua fe ndo tetu neu atahori raefafo lao mia Yesus Kristus mamate momopon ¹ Hu'na, hita nemeheren nene dadi neu ndo tetu, maka hita to Ama Lamatua esa meu lau no esa lao mia hita Lamatuan Yesus Kristus; ² Lao mia-E nema, hita ta,ena dala maso tisi nemehere soa neu Ama Lamatua bebe'i bara'ain yang dadi neu dasar untu hita tambari, no hita hambu tama ho'o sia huhule o'oen soa neu Ama Lamatua mandela masa'an. ³ Nda aka na'sa, hita bo tamaho'o sia sususa sosona'a yang hita hambu karna hita bubulu oi sususa sosona ia'ka nenendi'na adalah nemeho'o netedale, ⁴ nemeho'o netedale nenendi'na adalah hita tatao nono'in nene tahan sosoba dodou, no tatao nono'in nene tahan sosoba dodou akan nendi huhule o'oe, ⁵ no huhule o'oe nda fe hita kecewa sa, sebab Ama Lamatua susue'na nene na'onda sia hita ralan rala lao mia Dula Dale Le'u tei'a fo fe hita nama ho'o na netedale. ⁶ Watu hita sia masaloe bangga na'u, Kristius mate soa neu atahori-atahori de'ulaka sia fai yang pas. ⁷ Sebab, hela mbembein fo nda hambu atahori yang nae mate soa neu atahori ndos, tehu mungkin hambu atahori nae mate soa neu atahori meulau. ⁸ Tehu, Ama Lamatua natudu susuen soa neu hita, nae watu hita fe'e dadi teu atahori mana tao sala, Kristus mate soa neu hita. ⁹ Lena no na, setelah hita nene soi tefa nendi ra lilo-Na, fo hita hambu masoi masoda mia Ama Lamatua huku doki-Na lao mia Eni nema. ¹⁰ Huna, watu hita fe'e dadi teu Ama Lamatua musu na, hita nene mole dame to Ama Lamatua nendi Ana Mone Ise'na mate, lena no na, mulai mia fai ia, hita nene mole dame to Ama Lamatua de hita nene soi tef lao mia momori-Na. ¹¹ Nda aka na'sa, hita bo tamaho'o sia Ama Lamatua rala lao mia Lamatua Yesus Kristus, fo lao mia-E fai ia hita simbo tala mole dame mia Ama Lamatua. Mate lao mia Adam, Mori lao mia Kristus. ¹² Hu'na, sama ona sala kilu'a maso nisi raefafo'a nema lao mia atahori esa no mamate momopos ana nema lao mia sala kilu'a, boema mamate momopos ana leli'bela soa neu basa atahori karna sala kilu'a. ¹³ Sala kilu'a sia raefafo'a ia watu Toto Lalane Taurat Musa fe'e nese, tehu Ama Lamatua ito reke sala kilu'a selama Toto Lalane Taura'ta nese. ¹⁴ Kalu ta'o na, mamate momopos ana mulai koasa mulai mia Zaman Adam losa Musa, boema mia atahori-atahori yang nda mana tao sala kilu sa sama ona yang nene tao lao mia Adam nema, na dadi'a salao mia Ana fo akan nema. ¹⁵ Tehu, Sa'ka yang Ama Lamatua fe na nda sama no sala kilu yang hita tao. sebab, kalu atahori esa tao sala'a, atahori nae ara mate, maka lena-lena maua'manale lao mia Ama Lamatua no maua'manale yang Ana fe lao mia atahori esa nema, yaitu Kristus Yesus. ¹⁶ No, bebei bara'ai nda sama ona akibat mia atahori esa tao sala'sa. Sebab huhuku dodoki mia sala kilu'esa, ana nendi huku doki soa neu basa atahori, tehu maua'manale mia Lamatua soa neu hita sala kilu manaen nendi fe hita ndo tetu. ¹⁷ Kalu karna sala kilu mia atahori esa nema, mamate momopos'na ana nisi aka atahori na'ka, lena-lena no atahori yang mana simbo maua'manale manae'a boema nemeho'o netedale mia tatao ndo tetu'a ana akan parenda lao mia momori Atahori ka'esa na, yaitu Kristus Yesus. ¹⁸ Sama ona, lao mia sala kilu esa, basa atahori simbo huku doki, boema lao mia tatao nono'i meulau mia atahori esa nema basa raefafo'a simbo momori meulau'a. ¹⁹ Lao'mia atahori esa tatao de'ulakana, atahori nae dadi reu mana tao sala. Tehu, karna atahori esa tao meulau, atahori nae dadi ru ndos. ²⁰ Toto Lalane Taurat nene tamba'a supaya sala kilu tambah nae'e. Tehu, sia mamana sala kilu'a namanae, bebei'bara'ai mia Ama Lamatua nema akan sasi no dai lena, ²¹ supaya sama ona sala kilu'a ana koasa sia mamates rala, nemeho'o netedale bo ana koasa lao mia ndo tetu yang parenda koasa hita momorin losa do na neu sia hita Lamatuana Kristus Yesus rala.