¹ Paulus, Lamatua Yesus Kristus ate anan, yang nene no'e dadi neu rasul fo kusus pala banggi Ama Lamatua harali'na; ² fo Ama Lamatua fuli helu na'a hulu neu nabi-nabi-Na'ra sia Susura Meumare'a ³ soa neu Anan-Na, nene bonggi rae mia ao sisi'a, lao mia Daud titi ma nonosi'na, ⁴ no nene netudu dadi neu Ama Lamatua Anan fo Ana to'u koasa mia fela bali lao mia atahori mana mate'ra taladan tungga Dula Dale Le'utei'a, fo mia hita Lamatua'na Kristus. ⁵ Lao Mia-E, hai simbo maua'manale no panggat rasul fo nendi nemehere manggate sia basa nusa'ra taladan, fo demi Nara-Na soa neu nusa nda Yahudi sa, ⁶ boema hei bo nene no'e fo dadi mi Kristus Yesus enan. ⁷ Soa neu basa hei mana sia Roma, fo Ama Lamatua susuen, boe ma nene no,e dadi mi atahori-atahori ndo tetu: Bebei bara'ai no soda mole soa neu nggi lao mia Ama Lamatua, hita Aman, no lao mia Lamatua Yesus Kristus! Paulus nae nema se'u rao inggu mana sia Roma. ⁸ Ma'ahulu na, au o'e uamanale soa neu Ama Lamatua lao mia Kristus Yesus soa neu basa hei karna hei nemehere'ma nene dui bengga sia basa raefafo'a. ⁹ Hu'na, Ama Lamatua, yang au u'ulalao endi au duladale ngga mia Ana-Na susura meu marena, dadi neu sakasi oi au nda pake lili usuneda basa hei. ¹⁰ sia au huhule o'oe ngga, fo hela bena sia fai ia rala, karna Ama Lamatua hihi ma nanaun, au hambu nado'danda basa hei. ¹¹ Au ae unda 'o nggo fo au fe'nggo bebei bara'ai rohani manggate soa neu nggo, ¹² fo boema basa hita hambu manggate lao mia hita esa'a nemeheren, fo hei nemehere'ma boe ma au nemehere'ngga. ¹³ Torono'nggeru, au nau'a hei bubulu, bahwa au ae eti nado' nggi, tehu fe,e hambu mana ba dala losa fai'ia, supaya au bo hambu etu oru mia hei nema, sama ona'a lao mia nusa-nusa fo nda lao mia Yahudi fea sa. ¹⁴ Au uhuta soa neu atahori Yunani no soa neu atahori Barbar, soa neu fo atahori mahine boema soa neu atahori nggoa'a. ¹⁵ Laomia na nema, au hi u'u lolosa Lamatua haralin soa neu hei mana sia Roma. ¹⁶ Au nda mae soa neu Susura meu mare,a sa, karna Susura meu mare'a na Ama Lamatua koasa-Na soa neu atahori mana namahere'a; ma'ahuluna soa neu atahori Yahudi boema ma'a buin na soa neu atahori Yunani, ¹⁷ Karna sia Susura meu mare'a rala, Ama Lamatua tatao meulau-Na nene dui bengga lao mia nemehere soa neu nemehere, sama ona'a nene sura nae: "Atahori ndos'a ana mori mia nemehere'na." Ama Lamatua namanasa soa neu atahori mana tao de'ulaka'a ¹⁸ Sebab, Ama L:amatua nasan nene netudu lao mia Nusa tetun nema soa neu basa atahori mana tatao ma nono'in na, ana tekan bali meu lau'na nendi'i sira de'ulaka'na. ¹⁹ Hu na, sa'ka yang nene bubulu lao mia Ama Lamatua nema, na tebe-tebe soa neu basa se, karna Ama Lamatua natudu basae'na soa neu se. ²⁰ Mema'a, mulai mia raefafo'a nene ne'edadadi'na, tatao nono'i Ama Lamatua nda nene nita sa, ona'a parenda koasa-Na nda mana basa'sa no tatao nono'i meulau-Na, nene mete nita soa neu hita tahine nemeheren lao mia ne'edadadi-Na fo boe ma ara nda hambu dala sa. ²¹ Tehu, mae basa se rahine Ama Lamatua, ara nda hargai-E sa sebage Ama Lamatua sa do ro'e makasi soa neu-E sa; tehu sebalekna dudu'a a'afinara dadi reu nda ra'ena arti sa boema nggoa rala nara dadi reu ma'ahatu. ²² Ara tao ao nara dadi'a mahine ru, tehu dadi reu nggoa ra, ²³ no ara nggati Ama Lamatua mandela masa'a-Na, fo nda mana mangge-nggeo nendi'i dudula-dudula atahori raefafo'a, mbui manu, banda ei ha,ra, do banda mana elu sia rae'a pake tenda,na. ²⁴ Hu'na, Ama Lamatua fe'se risi'i rala mana hihi ma nanau'na aka'a de'ulaka fo boema ara esa hohongge bubuni ro esa bali'i. ²⁵ Sebab, ara nggati Ama Lamatua meumarena rendi'i pepeko leleko, no ara rama here neu'a banda nene ne'e dadadi'a, bukan ramahere neu Mana Na'adadadi sira yang fo mana nene koakio losa dona neu. Amin! ²⁶ Hu na, Ama Lamatua ana soro se risi dudu,a a'afi mana de'ulaka, boe'ma ina-ina na'ra fo mana nggati-nggati hubungan meulau no hubungan nda meulau sa. ²⁷ Boe'ma soa neu basa tou'ra, ara lao hela tatao nono'i meulau'a no ina ra, tehu sofe no hohongge bubuniesa no esa; tou no tou ara tao tatao nono'i mamaet esa no esa; fo sia sira ao aru'na akan simbo ganjaran lao mia sira saslah singgo nara. ²⁸ No, na basa se nda nau rata, oi Ama Lamatua sia basa sira mahine'na rala sa, maka Ama Lamatua soro se risi dudu'a a'afit de'ulaka fo boema basa se tao tatao nono'i nda sesuai no sa'ka yang harus sira tao sa. ^{31 29} Sira sofe ro basa tatao nono'i nda meulau'a sa, de'ulaka, nda nau mengalah sa, neme nasa'a, nda nau nita atahori momorin meulau sa, netati nembau'u, namue neanggi, pepeko leleko; basa na'ra adalah atahori-atahorio mana o'ola atahori naran, ³⁰ mana dui bengga atahori nara de'ulakan, mana nda hi Ama Lamatua sa, ranggat, mana koa'o, bafa monae'e, mana nita basa de'ulaka ra, nda mana ta'alok soa neu ama ina sa, nggoa'a, nda na'ena susue lalai sa, boema nda na'ena rala meulau sa. ³² Meski ara rahine basa Ama Lamatua toto lalane'na nafade nae atahori mana tao de'ulaka ona na, ana cocok mate hendi'e, ara nda aka'a tao tatao nono'i na'kara, tehu ara boe'o tungga ata hori mana tao tataos na'akara.