¹ lao' mia Simon Petrus, Lamatua Kristus Yesus a'te dedenu'na, fe neu atahori yang mana simbo rala nemehere'a yang sama ona' hai enama lao mia ndotetu Ama Lamatua Ise boema mana soi tefa nala hita, Yesus Kristus. ² kirana Ua'nale lao' mia Lamatua boema soda mole' sosofe no'a hoo muhine neu Ama Lamatua Yesus, hita Lamatua Na. Atahori Yang Lamatua No'e Boema Ama Lamatua Here ³ Kuasa Na yang lao' mia Ama Lamatua nema fe ua'nale neu hita, sa'ka mesan yang Lamatua hihinau'Na neu hita masoda boema meumare'a, lao' mia nehine neu Lamatua yang Ana no'e nendi hita fo ata teu tisi' mandela masa'a no susuelalai'Na. ⁴ lao' mia'e, Ana fe ua'nale neu hita fufuli Na'ra yang monaena seli boema nafeli fo fufuli na'ka hoo hambu tungga ha'i bagian sia Ama Lamatua rala Na, boema na'adodo no mambalulutu yang dadi lao' mia raefafo, boema yang dadi karna hi nau raefafo. ⁵ hihinanau na'ka, usaha no tebe-tebe fo hoo nemeherema neu Lamatua tamba sia meumare'a rala no'a rala malole', rala malole' no mahine neu Ana Lamatua, boema mahine nau Aka Lamatua no linuafi mala aoma, boema linuafi mala aoma no sabar, sabar no nda mana mareresi' nalelena'sa, ⁷ nda mana mareresi nalelena no suelai odi'aa, suelai odi'aa no susue yang nda mbali'a aona'sa ⁸ hu na, kalo basa iara sia hoo aoma rala boema ana tamba-tamba nakando'a, na hoo nda bisa gagal sa atau nda muboa'sa sia muhine neu hita Lamatua Yesus Kristus rala. ⁹ te hu, atahori yang nda na'ena basa nara'sa adalah atahori yang nda bisa nita no jelas boema poke' karna ana lili' bahwa Lamatua namemeu'e no soi nala'e lao' mia sala'singgo'na. ¹⁰ hu na, torano' nggeru, ama usaha mihere' lena' fo pastikan bahwa hei tebe-tebe ara ro'e boema here'rala hei; te kalo hei tatao'mara na, hei nda akan tuda'sa. ¹¹ hu na, lelesu mana sia kerajaan kekal Lamatua no mana soi tefa nala hita, Yesus Kristus, ara soi loa' soa neu hoo. ¹² hu na'na, au nanau'ngga fo fe nesenedat nekendo'a neti hoo basa hal na'ra, mae hoo muhine basa enaho boema hoo to'u muhere sia meumare'a rala yang losa li'ia hoo muena'e. ¹³ selama au fe'e mana mori' sia tenda raefafo rala ai, au anggap perlu au fe dorongan mahere, neu hoo no cara fe nesenedat neti hoo, ¹⁴ hu na au bubulu bahwa au ae lao' hela tenda leleo sia raefafo'a ia'ena ona' Lamatua Kritus Yesus netudu neu au mata'ngga ao'Na no jelas. ¹⁵ boema, au usahakan no au rala teme ao'ngga fo fe hoo musuneda nekendo soa neu basa ia'ra waktu au lao' hela hoo ena. Sa'kasi Mata Lamatua Kristus Mandela Masa'a ¹⁶ te hai nda tungga dudui-dudui nama karang'sa waktu rafade neti hoo tentang kuasa boema Lamatua Yesus Kristus neneman'na, te hu karna hai ia'ra sa'kasi-sa'kasi mata Lamatua mandela masa'a Na. ¹⁷ te waktu Lamatua Yesus hambu hadat no mandela masa'a lao' mia Ama Lamatua Ise, ona'a Ana ola' no'e oi Yang Mahamulia, "ia'ka Au Ana ngga mana suelai, soa neu'E Au berkenan," ¹⁸ hai boe'o rena hara' na'ka nema lao'mia surga nema waktu hai mo'E mia gunung suci ata. ¹⁹ hai boe tamba mimihere dedeat Ramalan'a, yang malole'na hei boe'o rena matalolole, ona' hei memete lambu ana'a mbila sia mamana ma'ahatu'a rala, losa fefetu'a nema no ndu fefetu'a mori sia hoo rala'ma. ²⁰ te hu, hal ma'ahulu yang harus hoo bubulu adalah bahwa nda hambu ramalan sia buku meumare'a rala yang lao' mia ramalan atahori raefafo'asa, ²¹ te nda hambu ramalan esa 'sa boe yang nema lao' mia atahori raefafo'a hihinanauna'sa; te hu atahori ola rendi' Ama lamatua nara'Na no tutunan lao' mia Roh Kudus.