Fufuli hehelu mia Petrus ¹ Mia Petrus, rasul esa lao' mia Lamatua Yesus Kristus, soa neu atahori-atahori mana leo dadi ona atahori fea, fo mana leo nggari-nggari basa'a kambo Pontus, Galatia, Kapadokia, Asia, no Bitinia; mana nene here ² eni mia ma'a huluna fo mia Ama Lamatua nema, ma lao mia Dula dale meumare'a soa neu momori mana tungga soa neu Lamatua Kristus Yesus rala, boe ma hambu Lamatua ra nesembiru na : Hule fo bebe'i bara'ai no soda mole soa neu nggi! Huhule o'oe mana momori. ³ Maua manale mia Ama Lamatua Yesus Kristus, mana tungga no bebe'i bara'ai manaen seli mia Lamatua, mana bonggi bali hita tisi huhule o'oe,a rala, fo mana mori mia Lamatua Yesus Kristus fefelan mia atahori mana mate'ra taladan, ⁴ fo hambu babanggi hata heto nda mana basa'sa, nda mana mambalutu'sa, boe ma nda mana male'sa; nene mbeda sia nusa tetun do inggu temen soa neu nggi, ⁵ fo hei nene bambi nendi'i Ama Lamatua koasan mia momori nemehere fo mana hela'a nene netudu sia fai ne'e babasan. ⁶ Mia ia rala nema fo hei mimi ho'o, mia fai e'eku ia'ka, kalu hambu na hei boe susa sona mia sosoba dodou beka mesan ⁷ boema nemehere'ma felina lena no lilo mbilas mana sambu ma lalo, fo hela ona be na nene soba basan mia ai' a rala, de hambu tetebes de ana naboa koa kio, mandela masa'a, boe ma nara meulau sia fai Lamatua Yesus Kristus lopo linun. ⁸ Hei nda fe'e mita-E sa, tehu hei sue-E, no hela ona be na fai' ia hei nda mia-E sa, tehu hei mimihere neu-E. Hei mimiho'o boe ma netedale nda nene dui benggga nala'sa fo mana sofe no mande ma masa'a, ⁹ Karna huhule o'oe nemeherema sia fai babasan, nene hambu'ena, fo masoi masoda soa neu ao samanam. ¹⁰ Boe ma masoi masoda ia'ka, Nabi ra dui bengga hela bebei bara'ai mana dadi neu enama, fo tebe-tebe mana nene mete se'u no mana nene nenori nefade hela. ¹¹ Sira mana sangga soa neu seka, no fai hira' fo Dula dale Lamatua Kristus fai'na sia sira rala, fo Ana dui bengga soa neu Kristus sususa sosonan no mandela masa'an fo mana nema maabuin. ¹² Soa neu Nabi ra, nene nefade oi sira nda mana so'u o'o bali sira aon sa, tehu sira so'u o'o neu hei sia dala-dala nene nefade soa neu hei lao mia atahori-atahori mana dui bengga susura meumare'a soa neu hei no Dula dale le'u tei'a fo mana nene denu mia nusa tetun do inggu temen; dala-dala na'ka fo malaikatara hi' rita. Nono'e soa neu momori meulau'a. ¹³ Hu'na, tao hela dudu'a a'afima fo ati-ati, mbeda nggao basa huhule o'oe'ma sia bebei bara'ai fo nene fe soa neunggo sia fai sa be na Lamatua Kristus Yesus nene nefade. ¹⁴ Dadi neu ana-ana mana rena, afi ta'alok soa neu hihi ma nanau de'ulaka ma, sama ona fai sa be na hei fe'e mori sia hei nggoa'ma rala, ¹⁵ tehu tao meulau sia basa tatao nono'im, sama ona Ama Lamatua fo mana no'e nggo adalah meumare. ¹⁶ Fo mana sura hela oi, "Hei harus mori sia meumare'a karna Au sia meumare'a" ¹⁷ De, kalu hei mo'e Lamatua tae Ama, fo Eni mana fe hu'uku dodoki soa neu basa atahori tungga sa'ka fo mana sira tao hela, nda pake mete mata'sa, mori sia nemetaus'a rala, sia fai sabe na hei fe'e mori ona atahori fea'a; ¹⁸ No nene nehine oi hei nene soi tefa mia hei momori de'ulaka ma, fo mana nene banggi ba'e basa soa neu nggi, mia hei bei ba'i ma'ra, fo nda mia hata heto raefafo ona'a lilo mbilas do poe mata, ¹⁹ tehu mia Lamatua Kristus ra lilon, Bibi Lombo'a Anan ra'na, fo nda mana keko doka koe kolo'sa tehu tetu teme. ²⁰ Lamatua Kristus nene dudu basa'ena eni raefafo'a nda fe'e nene na'a dadadi'sa, tehu Ana fe'e do nene netudu sia fai babasan ia'ka karna soa neu hei. ²¹ Mia Eni nema, hei dadi'mi mimihere soa neu Ama Lamatua; fo Ama Lamatua mana nafefela-E mia atahori mates'a taladan no Ama Lamatua fe mandela masa'a soa neu-E, fo hei nemehere ma no huhule o'oe ma, sia aka'a Ama Lamatua rala. ²² Karna hei ao samana ma nene safe sa hendi'e na mia hei tungga soa neu meumare'a de hei hambu odi a'a meulau, de huna ima foa ata esa sue lai esa no tebe-tebe no rala temeao, ²³ Karna hei nene bonggi bali'en, nda mia fini ngges laka', tehu lao mia fini ngges nda mana laka sa, fo mia Ama Lamatua harali'na fo mana mori de ana leo naka ndo. ²⁴ Buku susura meumare'a nafade nae, "Basa mana mori'ra sama ona uru, no basa mandela masa'a nara sama ona uru buna; uru'a male no buna'na mo'u, ²⁵ tehu, Lamatua harali'na ana nahu losa don behkan ndu'u do'na neu."Yesaya 40:6-8 No, Harali ia'ka dadineu susura meumare fo nene nefade soa neu nggo.